ಬಿಜೆಪಿಯಲ್ಲಿ ಯಾವುದು ಶಾಶ್ವತವಲ್ಲ.. ನಾನು ಪಕ್ಷದ ಕಾರ್ಯಕರ್ತ : ಸಿ ಟಿ ರವಿ

ಬೆಂಗಳೂರು: ಬಿಜೆಪಿಯಲ್ಲಿ ಯಾವುದು ಶಾಶ್ವತವಲ್ಲ. ಎಲ್ಲವೂ ಬದಲಾಗುತ್ತಿರುತ್ತೆ. ನಾನು ಕಾರ್ಯಕರ್ತನಷ್ಟೇ. ಪಕ್ಷ ನೀಡಿದ ಜವಬ್ದಾರಿಯನ್ನು ನಿರ್ವಹಿಅಲು ನಾನು ಬದ್ಧನಾಗಿದ್ದೇನೆ ಎಂದು ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಸಿ ಟಿ ರವಿ ಹೇಳಿದ್ದಾರೆ.

ನಗರದಲ್ಲಿ ಮಾತನಾಡಿದ ಅವರು, ಕಾಲ ಕಾಲಕ್ಕೆ ಎಲ್ಲರೂ ಬದಲಾವಣೆಯಾಗುತ್ತಿರುತ್ತಾರೆ. ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನಕ್ಕೆ ನಾನೂ ಆಕಾಂಕ್ಷಿಯೂ ಆಗಿಲ್ಲ. ಬಿಜೆಪಿಯಲ್ಲಿ ಯಾವುದು ಶಾಶ್ವತವಲ್ಲ. ಎಲ್ಲವೂ ಬದಲಾವಣೆಯಾಗುತ್ತಿರುತ್ತೆ ಎಂದಿದ್ದಾರೆ.

ಇದೇ ತಿಂಗಳ 16 ಮತ್ತು 17 ರಂದು ರಾಜ್ಯ ಬಿಜೆಪಿ ಕಾರ್ಯಕಾರಿಣಿ ಸಭೆ ನಡೆಯಲಿದೆ. ಆ ಬಳಿಕ ಸರ್ಕಾರ ಮತ್ತು ಪಕ್ಷ ಮಟ್ಟದಲ್ಲಿ ದೊಡ್ಡ ಬದಲಾವಣೆಯೇ ಆಗಲಿದೆ ಎಂಬ ಚರ್ಚೆಗಳು ನಡರಯುತ್ತಿವೆ.