ಶ್ರಾವಣ ಮಾಸದ ಪ್ರಮುಖ ಧಾರ್ಮಿಕ ಆಚರಣೆಗಳಲ್ಲಿ ಒಂದಾದ ವರಮಹಾಲಕ್ಷ್ಮೀ ವ್ರತಕ್ಕೆ ಸಿದ್ಧತೆಗಳು ಆರಂಭವಾಗಿವೆ. ಆದರೆ ಈ ಬಾರಿ ವ್ರತವನ್ನು ಆಗಸ್ಟ್ 21ರಂದು ಆಚರಿಸಬೇಕೋ ಅಥವಾ ಆಗಸ್ಟ್ 28ರಂದು ಆಚರಿಸಬೇಕೋ ಎಂಬ ಗೊಂದಲ ಭಕ್ತರಲ್ಲಿ ಮೂಡಿದೆ. ವಿವಿಧ ಪಂಚಾಂಗಗಳಲ್ಲಿ ಬೇರೆ ಬೇರೆ ದಿನಾಂಕಗಳು ಉಲ್ಲೇಖವಾಗಿರುವುದೇ ಇದಕ್ಕೆ ಕಾರಣ.ವರಮಹಾಲಕ್ಷ್ಮೀ ಆಚರಣೆ ಮೂಲತಃ ವ್ರತವಾಗಿದ್ದು, ಹಬ್ಬವಲ್ಲ ಎಂದು ಧಾರ್ಮಿಕ ಪಂಡಿತರು ಹೇಳುತ್ತಾರೆ. ಶಾಸ್ತ್ರ ಮತ್ತು ಪಂಚಾಂಗದ ನಿಯಮದಂತೆ ಶುಕ್ರವಾರದಂದು ಈ ವ್ರತವನ್ನು ಆಚರಿಸುವುದು ಸಂಪ್ರದಾಯವಾಗಿದೆ.
ಆ.21 ಅಥವಾ ಆ.28? ಯಾವುದು ಸರಿಯಾದ ದಿನ?
ವರಮಹಾಲಕ್ಷ್ಮೀ ವ್ರತವನ್ನು ಶ್ರಾವಣ ಮಾಸದ ಶುಕ್ಲಪಕ್ಷದ ಹುಣ್ಣಿಮೆಯ ಸಮೀಪ ಬರುವ ಶುಕ್ರವಾರದಂದು ಆಚರಿಸುವ ಪದ್ಧತಿ ಇದೆ. ಆದರೆ ಕರ್ನಾಟಕದಲ್ಲಿ ಅನುಸರಿಸುವ ಪಂಚಾಂಗ ಪದ್ಧತಿ ಹಾಗೂ ಕೆಲವು ಪ್ರದೇಶಗಳಲ್ಲಿ ಅನುಸರಿಸುವ ಸೌರಮಾನ ಪಂಚಾಂಗದ ವ್ಯತ್ಯಾಸದಿಂದಾಗಿ ಈ ಬಾರಿ ಎರಡು ದಿನಾಂಕಗಳು ಮುನ್ನೆಲೆಗೆ ಬಂದಿವೆ.ಚಾಂದ್ರಮಾನ ಪಂಚಾಂಗವನ್ನು ಅನುಸರಿಸುವ ಕರ್ನಾಟಕದ ಬಹುತೇಕ ಭಾಗಗಳಲ್ಲಿ ಆಗಸ್ಟ್ 21ರಂದು ವರಮಹಾಲಕ್ಷ್ಮೀ ವ್ರತ ಆಚರಿಸುವುದು ಸೂಕ್ತ ಎಂದು ಹೇಳಲಾಗುತ್ತಿದೆ. ಮತ್ತೊಂದೆಡೆ, ಸೌರಮಾನ ಪಂಚಾಂಗವನ್ನು ಅನುಸರಿಸುವ ತಮಿಳುನಾಡು ಹಾಗೂ ಕರಾವಳಿಯ ಕೆಲವು ಭಾಗಗಳಲ್ಲಿ ಆಗಸ್ಟ್ 28ರಂದು ವ್ರತ ಆಚರಿಸುವ ಪದ್ಧತಿ ಇರಬಹುದು.ಹೀಗಾಗಿ ಭಕ್ತರು ತಮ್ಮ ಕುಟುಂಬದ ಸಂಪ್ರದಾಯ ಹಾಗೂ ಸ್ಥಳೀಯವಾಗಿ ಅನುಸರಿಸುವ ಪಂಚಾಂಗದ ಆಧಾರದ ಮೇಲೆ ದಿನಾಂಕವನ್ನು ನಿರ್ಧರಿಸುವುದು ಸೂಕ್ತ.
ಆಗಸ್ಟ್ 21ರ ಪೂಜಾ ಮುಹೂರ್ತ
ಸಿಂಹ ಲಗ್ನ: ಬೆಳಗ್ಗೆ 6:53ರಿಂದ 8:56ರವರೆಗೆ
ವೃಶ್ಚಿಕ ಲಗ್ನ: ಮಧ್ಯಾಹ್ನ 1:35ರಿಂದ ಸಂಜೆ 3:54ರವರೆಗೆ
ಕುಂಭ ಲಗ್ನ: ಸಂಜೆ 7:39ರಿಂದ ರಾತ್ರಿ 9:05ರವರೆಗೆ
ಆಗಸ್ಟ್ 28ರ ಪೂಜಾ ಮುಹೂರ್ತ
ಸಿಂಹ ಲಗ್ನ: ಬೆಳಗ್ಗೆ 5:07ರಿಂದ 7:29ರವರೆಗೆ
ವೃಶ್ಚಿಕ ಲಗ್ನ: ಮಧ್ಯಾಹ್ನ 12:05ರಿಂದ 2:23ರವರೆಗೆ
ಕುಂಭ ಲಗ್ನ: ಸಂಜೆ 6:09ರಿಂದ 7:37ರವರೆಗೆ
ವೃಷಭ ಲಗ್ನ: ರಾತ್ರಿ 10:37ರಿಂದ 12:33ರವರೆಗೆ
ಕರ್ನಾಟಕದಲ್ಲಿ ಯಾವ ದಿನ ಆಚರಿಸಬೇಕು?
ಕರ್ನಾಟಕದ ಬಹುತೇಕ ಪ್ರದೇಶಗಳಲ್ಲಿ ಚಾಂದ್ರಮಾನ ಪಂಚಾಂಗವನ್ನು ಅನುಸರಿಸುವುದರಿಂದ, ಈ ಬಾರಿ ಆಗಸ್ಟ್ 21ರಂದು ವರಮಹಾಲಕ್ಷ್ಮೀ ವ್ರತ ಆಚರಿಸುವುದು ಸೂಕ್ತ ಎಂಬ ಅಭಿಪ್ರಾಯವಿದೆ. ಆದರೆ ಸ್ಥಳೀಯ ಪಂಚಾಂಗ ಅಥವಾ ಕುಟುಂಬದ ಆಚರಣೆಯಲ್ಲಿ ಆಗಸ್ಟ್ 28 ಎಂದು ನಿಗದಿಯಾಗಿದ್ದರೆ ಅದನ್ನೂ ಪರಿಗಣಿಸಬಹುದು.ಆದ್ದರಿಂದ ವ್ರತದ ದಿನಾಂಕದ ಬಗ್ಗೆ ಗೊಂದಲವಿರುವವರು ತಮ್ಮ ಸ್ಥಳೀಯ ಪಂಚಾಂಗ, ಪುರೋಹಿತರು ಅಥವಾ ಕುಟುಂಬದ ಸಂಪ್ರದಾಯವನ್ನು ಆಧರಿಸಿ ಅಂತಿಮ ನಿರ್ಧಾರ ಕೈಗೊಳ್ಳುವುದು ಉತ್ತಮ.
