ಪ್ರತಿದಿನ ನಾವು ಬಳಸುವ ಹಾಲಿನ ಪ್ಯಾಕೆಟ್ಗಳು ಕಿತ್ತಳೆ, ಹಸಿರು, ನೀಲಿ ಹಾಗೂ ಗುಲಾಬಿ ಬಣ್ಣಗಳಲ್ಲಿ ಇರುವುದನ್ನು ನೀವು ಗಮನಿಸಿರಬಹುದು. ಅನೇಕರು ಇದನ್ನು ಕೇವಲ ಪ್ಯಾಕಿಂಗ್ ಅಥವಾ ವಿನ್ಯಾಸದ ಭಾಗವೆಂದು ಭಾವಿಸುತ್ತಾರೆ. ಆದರೆ, ಕಂಪನಿಗಳು ಈ ಬಣ್ಣಗಳನ್ನು ಆಯ್ಕೆ ಮಾಡುವುದರ ಹಿಂದೆ ಮಹತ್ವದ ವೈಜ್ಞಾನಿಕ ಕಾರಣವಿದೆ. ಹಾಲಿನಲ್ಲಿರುವ ಕೊಬ್ಬಿನಾಂಶದ (ಫ್ಯಾಟ್) ಪ್ರಮಾಣವನ್ನು ಗ್ರಾಹಕರು ಸುಲಭವಾಗಿ ಗುರುತಿಸಲು ಈ ನಿರ್ದಿಷ್ಟ ಬಣ್ಣಗಳ ಕೋಡ್ಗಳನ್ನು ಬಳಸಲಾಗುತ್ತದೆ.
ಯಾವ ಬಣ್ಣದ ಪ್ಯಾಕೆಟ್ನಲ್ಲಿ ಎಷ್ಟು ಪ್ರಮಾಣದ ಕೊಬ್ಬು ಇರುತ್ತದೆ ಎಂಬ ವಿವರ ಇಲ್ಲಿದೆ
ಕಿತ್ತಳೆ ಬಣ್ಣ (ಫುಲ್ ಕ್ರೀಮ್ ಹಾಲು): ಕಿತ್ತಳೆ ಬಣ್ಣದ ಪ್ಯಾಕೆಟ್ನಲ್ಲಿ ‘ಫುಲ್ ಕ್ರೀಮ್ ಹಾಲು’ ಇರುತ್ತದೆ. ಇದರಲ್ಲಿ ಶೇಕಡಾ 6ರಷ್ಟು ಕೊಬ್ಬಿನಾಂಶವಿರುತ್ತದೆ. ಈ ಹಾಲು ಹೆಚ್ಚು ದಪ್ಪ ಹಾಗೂ ಕೆನೆಯಿಂದ ಕೂಡಿರುತ್ತದೆ. ಸಾಮಾನ್ಯವಾಗಿ ಸಿಹಿ ತಿನಿಸುಗಳು, ಮಜ್ಜಿಗೆ, ಮೊಸರು ಮತ್ತು ತುಪ್ಪ ತಯಾರಿಸಲು ಈ ಹಾಲು ಹೆಚ್ಚು ಸೂಕ್ತ.
ಹಸಿರು ಬಣ್ಣ (ಸ್ಟ್ಯಾಂಡರ್ಡೈಸ್ಡ್ ಹಾಲು): ಹಸಿರು ಬಣ್ಣದ ಪ್ಯಾಕೆಟ್ ಸಾಮಾನ್ಯ ಅಥವಾ ಮಧ್ಯಮ ಕೊಬ್ಬಿನಾಂಶವಿರುವ ಹಾಲನ್ನು ಸೂಚಿಸುತ್ತದೆ. ಇದರಲ್ಲಿ ಸರಿಸುಮಾರು ಶೇಕಡಾ 4.5ರಷ್ಟು ಕೊಬ್ಬು ಇರುತ್ತದೆ. ದಿನನಿತ್ಯದ ಟೀ ಹಾಗೂ ಕಾಫಿ ತಯಾರಿಕೆಗೆ ಬಹುತೇಕರು ಈ ಹಾಲನ್ನೇ ಹೆಚ್ಚಾಗಿ ಆಯ್ಕೆ ಮಾಡುತ್ತಾರೆ.
ನೀಲಿ ಬಣ್ಣ (ಟೋನ್ಡ್ ಹಾಲು): ನೀಲಿ ಬಣ್ಣದ ಪ್ಯಾಕೆಟ್ ‘ಟೋನ್ಡ್ ಹಾಲು’ ಎಂಬುದನ್ನು ತಿಳಿಸುತ್ತದೆ. ಇದರಲ್ಲಿ ಕೊಬ್ಬಿನಾಂಶ ಕೇವಲ ಶೇಕಡಾ 3ರಷ್ಟು ಮಾತ್ರ ಇರುತ್ತದೆ. ಇದು ಫುಲ್ ಕ್ರೀಮ್ ಹಾಲಿಗಿಂತ ತಿಳಿಯಾಗಿರುತ್ತದೆ. ಮಕ್ಕಳಿಗಾಗಲಿ ಅಥವಾ ನೇರವಾಗಿ ಹಾಲು ಕುಡಿಯುವ ಅಭ್ಯಾಸವಿರುವವರಿಗೆ ಇದು ಉತ್ತಮ.
ಗುಲಾಬಿ ಬಣ್ಣ (ಡಬಲ್ ಟೋನ್ಡ್ ಹಾಲು): ಗುಲಾಬಿ ಬಣ್ಣದ ಪ್ಯಾಕೆಟ್ನಲ್ಲಿ ಅತ್ಯಂತ ಕಡಿಮೆ ಕೊಬ್ಬಿನಾಂಶ ಅಂದರೆ ಶೇಕಡಾ 1.5ರಷ್ಟು ಮಾತ್ರ ಇರುತ್ತದೆ. ಇದನ್ನು ‘ಡಬಲ್ ಟೋನ್ಡ್ ಹಾಲು’ ಎಂದು ಕರೆಯಲಾಗುತ್ತದೆ. ತೂಕ ಇಳಿಸಲು ಬಯಸುವವರಿಗೆ ಹಾಗೂ ಕಡಿಮೆ ಕೊಬ್ಬಿನ ಆಹಾರ ಸೇವಿಸುವವರಿಗೆ ಈ ಹಾಲು ಅತ್ಯುತ್ತಮ ಆಯ್ಕೆಯಾಗಿದೆ.
