ಕವಿತೆ : ಸಂಸ್ಕಾರದ ಸಹಬಾಳ್ವೆ ; ಡಾ.ಎಸ್.ಎಚ್ ಶಫಿಉಲ್ಲ(ಕುಟೀಶ)

ಹಳೆ ನೆನಪಿನ ಬುನಾದಿಯ ಮೇಲೆ
ಬರುವವು ಹೊಸದಿನಗಳ ಆಲೆ
ಹೊಸತು ಬಯಸಿ ಬದುಕು ಸಾಗಿ
ರಸವದು ಹಳೆ-ಹೊಸಕ್ಷಣಗಳ ಮಿಲನವಾಗಿ

ಸಿಹಿ ಕಹಿಗಳು ಎರಡೂ ಬೇಕು
ಸಂಸ್ಕಾರದ ಸಹಬಾಳ್ವೆ ಸಾಕು
ಚಂದವಿದು ಅಂದವಿದು
ನವಚಿಗುರು ಅರಳಿ ಮರಳಿ

ಹಿಂದೆ ಸರಿದು ಹೋದ ಸಮಯ
ಬರುವ ದಿನದ ಸೊಗಸು ಕಲೆಯ
ಸುಖದಿ ಸವಿದು ಸಾಗಬೇಕಿದೆ
ದೇಶಸೇವೆಗಾಗಿ ನಾವು ಗೇಯ್ಯಬೇಕಿದೆ

ಬಂಧು ಮಿತ್ರರೆಲ್ಲ ಸೇರಿ
ಸ್ನೇಹಸಂಗದಿಂದ ಕೂಡಿ
ಯುಗಾದಿಯಂಥ ಹಬ್ಬ ಮಾಡಿ
ಬೇವುಬೆಲ್ಲ ಸವಿದು ನೋಡಿ

ನವ್ಯ ಕಾವ್ಯ ಕಟ್ಟಿ ಹಾಡಿ
ಉಯ್ಯಾಲೆಯಲ್ಲಿ ತೂಗಿ ಆಡಿ
ಮನಮನೆಯು ಹರ್ಷಗೊಳ್ಳಲಿ
ಭರತ ಖಂಡ ಭವ್ಯವಾದ ಬೆಳಗು ಕಾಣಲಿ

ಡಾ.ಎಸ್.ಎಚ್ ಶಫಿಉಲ್ಲ(ಕುಟೀಶ)
ಉಪನ್ಯಾಸಕರು ಹಾಗೂ ಸಾಹಿತಿಗಳು
ಹಿರೇಕುಂಬಳಗುಂಟೆ
ಕೂಡ್ಲಿಗಿ ತಾಲ್ಲೂಕು ವಿಜಯನಗರ ಜಿಲ್ಲೆ
583218
8867435662