Asian Games Gold : ಏಷ್ಯನ್ ಗೇಮ್ಸ್ ನಲ್ಲಿ ಭಾರತಕ್ಕೆ ಮೊದಲ ಚಿನ್ನದ ಪದಕ ದಕ್ಕಿದೆ. ನಮ್ಮ ಶೂಟರ್‌ಗಳು ಉತ್ತಮ ಪ್ರದರ್ಶನ ನೀಡಿದ್ದಾರೆ. 10 ಮೀಟರ್ ಏರ್ ರೈಫಲ್ ಟೀಮ್ ಈವೆಂಟ್‌ನಲ್ಲಿ ಈ ಚಿನ್ನದ ಪದಕ ಬಂದಿರುವುದು ಗಮನಾರ್ಹ.
ಏಷ್ಯನ್ ಗೇಮ್ಸ್ 2023 ರಲ್ಲಿ ಭಾರತ ಚಿನ್ನದ ಪದಕಗಳ ಖಾತೆಯನ್ನು ತೆರೆದಿದೆ. 10 ಮೀಟರ್ ಏರ್ ರೈಫಲ್ ಟೀಮ್ ಈವೆಂಟ್‌ನಲ್ಲಿ ಭಾರತ ತನ್ನ ಮೊದಲ ಚಿನ್ನದ ಪದಕವನ್ನು ಗೆದ್ದುಕೊಂಡಿದೆ. ಈ ಸ್ಪರ್ಧೆಯಲ್ಲಿ ರುದ್ರಾಂಕ್ಷ್ ಪಾಟೀಲ್, ಐಶ್ವರಿ ತೋಮರ್ ಮತ್ತು ದಿವಾನ್ಶ್ ಪನ್ವಾರ್ ಚಿನ್ನ ಗೆದ್ದರು. ಮೇಲಾಗಿ ವಿಶ್ವ ದಾಖಲೆಯೊಂದಿಗೆ ಈ ಚಿನ್ನದ ಪದಕ ಗೆದ್ದಿರುವುದು ವಿಶೇಷ. ಈ ಮೂವರೂ ಸೇರಿ ಅರ್ಹತಾ ಸುತ್ತಿನಲ್ಲಿ 1893.7 ಅಂಕಗಳೊಂದಿಗೆ ವಿಶ್ವ ದಾಖಲೆಯನ್ನು ಸೃಷ್ಟಿಸಿದ್ದಾರೆ.
ಅವರು ಈ ವರ್ಷದ ಆರಂಭದಲ್ಲಿ ಬಾಕು ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಚೀನಾ ನಿರ್ಮಿಸಿದ್ದ ದಾಖಲೆಯನ್ನು ಮುರಿದರು. ಇದು ಏಷ್ಯನ್ ಗೇಮ್ಸ್ 2023 ರಲ್ಲಿ ಭಾರತಕ್ಕೆ ಮೊದಲ ಚಿನ್ನದ ಪದಕವಾಗಿದೆ.
ಮೊದಲ ಸರಣಿಯಲ್ಲಿ ರುದ್ರಾಂಶ್ ಮತ್ತು ದಿವ್ಯಾಂಶ್ ತಲಾ 104.8 ಅಂಕ ಗಳಿಸಿದರೆ, ಐಶ್ವರಿ 104.1 ಅಂಕ ಗಳಿಸಿದರು. ಆದರೆ ನಂತರ ಸರಣಿಯಿಂದ ಚೇತರಿಸಿಕೊಂಡರು.
ಆರನೇ ಸರಣಿಯ ಹೊತ್ತಿಗೆ ಭಾರತದ ಶೂಟರ್‌ಗಳು ವಿಶ್ವ ದಾಖಲೆಯನ್ನು ಸರಿಗಟ್ಟಿದರು. ಒಟ್ಟು 1893.7 ಅಂಕ ಗಳಿಸಿದ್ದಾರೆ. ಏಷ್ಯನ್ ಗೇಮ್ಸ್ ನಲ್ಲಿ 100 ಪದಕಗಳ ದಾಖಲೆ ಮುರಿಯುವ ಗುರಿಯೊಂದಿಗೆ ಕಣಕ್ಕೆ ಇಳಿದಿರುವ ಭಾರತಕ್ಕೆ ಈ ಚಿನ್ನದ ಪದಕ ಬಲ ತುಂಬಿದಂತಿದೆ. ಭಾರತ ಈಗಾಗಲೇ ಮೂರು ಬೆಳ್ಳಿ ಹಾಗೂ ಎರಡು ಕಂಚಿನ ಪದಕ ಗೆದ್ದಿರುವುದು ಗೊತ್ತೇ ಇದೆ.
ಮಹಿಳೆಯರ 10 ಮೀಟರ್ ಏರ್ ರೈಫಲ್ ತಂಡ ಸ್ಪರ್ಧೆಯಲ್ಲೂ ಭಾರತ ಬೆಳ್ಳಿ ಪದಕ ಗೆದ್ದುಕೊಂಡಿದೆ. ಆಶಿ ಚೌಕಿ, ಮೆಹೆಲಿ ಘೋಷ್ ಮತ್ತು ರಮಿತಾ ಜಿಂದಾಲ್ ಭಾರತಕ್ಕೆ ಪದಕವನ್ನು ತಂದುಕೊಟ್ಟಿದ್ದಾರೆ. ಇನ್ನು ಪುರುಷರ ವಿಭಾಗದಲ್ಲಿ ವಿಶ್ವ ದಾಖಲೆಯೊಂದಿಗೆ ಚಿನ್ನ ಗೆದ್ದಿದೆ.
Newbie Techy