ದೆಹಲಿ.ಜುಲೈ.25: ನೀಟ್ ಪರೀಕ್ಷೆಯಲ್ಲಿ ನಡೆದಿದೆ ಎನ್ನಲಾದ ಅಕ್ರಮಗಳನ್ನು ಖಂಡಿಸಿ ಯುವಜನರು ನಡೆಸಿದ ಸುದೀರ್ಘ ಹಾಗೂ ಸುಸಂಘಟಿತ ಹೋರಾಟದ ಫಲವಾಗಿ ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.
ಈ ಬೆಳವಣಿಗೆಯನ್ನು ಪ್ರಖ್ಯಾತ ಸಾಮಾಜಿಕ ಹಾಗೂ ಪರಿಸರ ಹೋರಾಟಗಾರ ಸೋನಮ್ ವಾಂಗ್ಚುಕ್ ಅವರು ಶನಿವಾರ ತೀವ್ರವಾಗಿ ಸ್ವಾಗತಿಸಿದ್ದು, ಇದನ್ನು “ಪ್ರಜಾಪ್ರಭುತ್ವದ ಮಹತ್ವದ ಗೆಲುವು” ಎಂದು ಬಣ್ಣಿಸಿದ್ದಾರೆ.
ದೆಹಲಿಯ ಜಂತರ್ ಮಂತರ್ ನಿಂದ ಆರಂಭವಾಗಿ ದೇಶದ ಮೂಲೆ ಮೂಲೆಗೂ ವ್ಯಾಪಿಸಿದ್ದ ಈ ಬೃಹತ್ ರಾಜಕೀಯ ಮತ್ತು ಸಾಮಾಜಿಕ ಚಳವಳಿಯು ಶಾಂತಿಯುತ ಹಾಗೂ ತಳಮಟ್ಟದ ಜನಶಕ್ತಿಗೆ ಸಿಕ್ಕ ಅತಿದೊಡ್ಡ ಜಯ ಎಂದು ವಾಂಗ್ಚುಕ್ ಪ್ರತಿಪಾದಿಸಿದ್ದಾರೆ.
ತಮ್ಮ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಈ ಕುರಿತು ಸಂತಸ ಹಂಚಿಕೊಂಡಿರುವ ಅವರು, “ಇದು ಪ್ರಜಾಪ್ರಭುತ್ವದ ಜಯ… ಬೀದಿಗಳಿಂದಲೇ ಮೂಡಿಬಂದ ನೇರ ಪ್ರಜಾಪ್ರಭುತ್ವದ ಶಕ್ತಿ. ಇದು ಶಾಂತಿ, ತಾಳ್ಮೆ ಮತ್ತು ಸತತ ಪ್ರಯತ್ನಕ್ಕೆ ಸಿಕ್ಕ ಪ್ರತಿಫಲವಾಗಿದೆ. ಸಿಜೆಪಿ (CJP), ದೇಶದ ಜೆನ್ ಝಿ (Gen Z) ಯುವಪಡೆ ಹಾಗೂ ಭಯವನ್ನು ತೊರೆದು ದೇಶದ ಮೂಲೆ ಮೂಲೆಗಳಿಂದ ಧ್ವನಿ ಎತ್ತಿದ ಎಲ್ಲಾ ನಾಗರಿಕರಿಗೆ ಅಭಿನಂದನೆಗಳು. ಈಗ ಹೊಣೆಗಾರಿಕೆಯನ್ನು ನಿಗದಿಪಡಿಸುವ ಹಂತ ಮುಗಿದಿದ್ದು, ಮುಂದಿನ ಹೆಜ್ಜೆ ವ್ಯವಸ್ಥೆಯ ಸುಧಾರಣೆಯಾಗಬೇಕಿದೆ” ಎಂದು ಪೋಸ್ಟ್ ಮಾಡಿದ್ದಾರೆ.
IT'S A VICTORY OF DEMOCRACY
direct democracy… straight from the streets.
It's a victory of peace, patience & persévérance.
Congratulations CJP, Gen Z of the nation and thank you all citizens for shedding fear and the fear of fear and rising up from every corner of the nation.… pic.twitter.com/rSLOfvba2R— Sonam Wangchuk (@Wangchuk66) July 25, 2026
