ಜಿ ಮಾದೇಗೌಡರ ಬಗ್ಗೆ ಮಾತಾಡಿದ್ದು ನಿಜ ಎಂದು ಒಪ್ಪಿಕೊಂಡ ಶಿವರಾಮೇಗೌಡ : ಈಗ ಜೆಡಿಎಸ್ ಏನ್ ಮಾಡುತ್ತೆ..?

ಮಂಡ್ಯ : ಇತ್ತೀಚೆಗೆ ಮಾಜಿ ಸಂಸದ ಶಿವರಾಮೇಗೌಡ ಅವರ ಆಡಿಯೋ ಒಂದು ವೈರಲ್ ಆಗಿತ್ತು. ಅದರಲ್ಲಿ ಮಾಜಿ ಸಂಸದ ಮಾದೇಗೌಡ ಅವರನ್ನ ಚಪ್ಪಲಿಯಲ್ಲಿ ಹೊಡೆದಿದ್ದೆ ಬಗ್ಗೆ ಮಾತನಾಡಿದ್ದರು. ಆ ಆಡಿಯೋ ಎಲ್ಲೆಡೆ ವೈರಲ್ ಆಗಿತ್ತು. ಅದಕ್ಕೆ ಆಕ್ರೋಶ ಕೂಡ ವ್ಯಕ್ತವಾಗಿತ್ತು. ಇದೀಗ ಆ ಆಡಿಯೋದಲ್ಲಿ ಇರೋ ವಾಯ್ಸ್ ನಂದೇ ಎಂದು ಒಪ್ಪಿಕೊಂಡಿದ್ದಾರೆ.

ನಾಲಿಗೆ ಹರಿಬಿಡಬೇಡಿ, ಗೊಡ್ಡು ಬೆದರಿಕೆಗೆಲ್ಲಾ ನಾನು ಹೆದೆರೋದಿಲ್ಲ. ಆದ್ರೆ ಇದೆಲ್ಲೆವನ್ನು ಇಲ್ಲಿಗೆ ಬಿಡುತ್ತಿದ್ದೇನೆ. ಮಾದೇಗೌಡರ ಬಗ್ಗೆ ಈಗಲೂ ಗೌರವ ಇಟ್ಟುಕೊಂಡಿದ್ದೇನೆ. ಆದ್ರೆ ಮಾದೇಗೌಡರ ಬಗ್ಗೆ ನಾನು ಬೇರೆ ಏನನ್ನು ಹೇಳಿಲ್ಲ. ಈ ಹಿಂದೆ ಮಾದೇಗೌಡ ಹಾಗೂ ನನ್ನ ನಡುವೆ ಘಟಿಸಿದ ಹೋರಾಟದ ಬಗ್ಗೆ ಹೇಳಿದೆಯಷ್ಟೆ.ಅದೇಗೌಡರಿಗೆ ಹೆದರಿಕೊಂಡು ಕೂತಿಲ್ಲ. ಅವರ ವಿರುದ್ಧ ರಾಜಕೀಯ ಮಾಡಿ ಗೆದ್ದಿದ್ದೇನೆ ಎಂದಿದ್ದಾರೆ.

ಈ ಆಡಿಯೋ ವೈರಲ್ ಆದ ಬೆನ್ನಲ್ಲೇ ಸಾಕಷ್ಟು ವಿರೋಧ ವ್ಯಕ್ತವಾಗಿತ್ತು. ಅವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಮಂಡ್ಯ ಜೆಡಿಎಸ್ ನಾಯಕರು ಒತ್ತಡ ಹೇರಿದ್ದರು. ಈ ಸಂಬಂಧ ಶಿಸ್ತು ಕ್ರಮ ಕೈಗೊಳ್ಳಲು ಜೆಡಿಎಸ್ ಚಿಂತನೆ ನಡೆಸಿದೆ ಎನ್ನಲಾಗಿದೆ.