ಕಳೆದ ನಾಲ್ಕು ದಿನದಿಂದ ರಷ್ಯಾ ಉಕ್ರೇನ್ ನಡುವೆ ಯುದ್ಧ ನಡೆಯುತ್ತಿದೆ. ದಾಳಿ ಪ್ರತಿ ದಾಳಿಯೂ ಹೆಚ್ಚಾಗುತ್ತಿದೆ. ಉಕ್ರೇನ್ ಗಿಂತ ಬಲಿಷ್ಠ ರಾಷ್ಟ್ರವಾಗಿರುವ ರಷ್ಯಾ ಈಗಾಗಲೇ ಹಲವು ಪ್ರದೇಶಗಳನ್ನ ವಶಕ್ಕೆ ತೆಗೆದುಕೊಂಡಿದೆ. ಇದೀಗ ರಷ್ಯಾದ ಮೇಜರ್ ಒಬ್ಬರನ್ನ ಉಕ್ರೇನ್ ಸೇನೆ ಹಿಡಿದು ಥಳಿಸಿದೆ.
ಪ್ರಮುಖ ನಗರವಾದ ಕೀವ್ ನನ್ನ ಪ್ರವೇಶಿಲು ರಷ್ಯಾ ಸೇನೆ ಯತ್ನ ನಡೆಸಿತ್ತು. ಅದರಲ್ಲಿ ಮೇಜರ್ ಒಬ್ಬರನ್ನ ಹಿಡಿದಿರುವ ಉಕ್ರೇನ್ ಸೇನೆ, ಚೆನ್ನಾಗಿ ಥಳಿಸಿ, ಅರೆಬೆತ್ತಲೆ ಮಾಡಿ, ಸಿಗರೇಟ್ ಸೇದುವಂತೆ ಒತ್ತಾಯಿಸಿದೆ. ಈ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದೆ.
ರಷ್ಯಾದ ಮೇಜರ್ ಬಳಿ ಸಮವಸ್ತ್ರ ತೆಗೆಸಲಾಗಿದೆ. ಆ ಬಳಿಕ ಬಂಧನದಲ್ಲಿಡಲಾಗಿದೆ. ರಷ್ಯಾ ಕೆಲವೊಂದು ಪ್ರದೇಶಗಳಲ್ಲಿ ತನ್ನ ಪಾರುಪತ್ಯ ಸಾಧಿಸಿದೆ. ಇನ್ನು ಇಂದು ಬೆಳಗ್ಗೆ ಉಕ್ರೇನ್ ನ ಪ್ರಮುಖ ನಗರ ಕರ್ಕೀವ್ ನಲ್ಲಿ ಗ್ಯಾಸ್ ಪೈಪ್ ಲೈನ್ ಸ್ಪೋಟಗೊಳ್ಳುವಂತೆ ಮಾಡಿತ್ತು. ಇದೀಗ ಕೀವ್ ಗೂ ಪ್ರವೇಶ ಮಾಡಲು ಸಿದ್ಧತೆ ನಡೆಸಿರುವಾಗಲೇ ಉಕ್ರೇನ್ ಸೇನೆ ಅವರನ್ನ ಸೆರೆ ಹಿಡಿದಿದೆ.
