ಚಿಕ್ಕಣ್ಣ ಸಿನಿಮಾಗೆ ರಶ್ಮಿಕಾ ಬೆಂಬಲ : ನನ್ನ ಜೊತೆಗೆ ಅವರು ಕನ್ನಡದಲ್ಲೇ ಮಾತನಾಡಬೇಕೆಂದ ಚಿಕ್ಕಣ್ಣ

ಬೆಂಗಳೂರು: ಕಾಮಿಡಿ ಸ್ಟಾರ್ ಆಗಿ ಮಿಂಚಿದ್ದ ನಟ ಚಿಕ್ಕಣ್ಣ, ಈಗ ಫುಲ್ ಟೈಮ್ ಹೀರೋ ಆಗುವುದಕ್ಕೆ ಹೊರಟಿದ್ದಾರೆ. ಉಪಾಧ್ಯಕ್ಷ ಸಿನಿಮಾ ರಿಲೀಸ್ ಗೆ ರೆಡಿಯಾಗಿದೆ. ಇದರ ನಡುವೆ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಉಪಾಧ್ಯಕ್ಷ ಸಿನಿಮಾಗೆ ಶುಭಾಶಯ ಕೋರಿದ್ದಾರೆ. ಈ ಶುಭಾಶಯದ ವಿಡಿಯೋ ಸಾಕಷ್ಟು ಟಾಕ್ ಕ್ರಿಯೇಟ್ ಮಾಡಿತ್ತು. ಇದೀಗ ಈ ಬಗ್ಗೆ ನಟ ಚಿಕ್ಕಣ್ಣ ಕ್ಲಾರಿಟಿ ಕೊಟ್ಟಿದ್ದಾರೆ.

ಇಂದು ಉಪಾಧ್ಯಕ್ಷ ಸಿನಿಮಾ ಪ್ರಚಾರದಲ್ಲಿದ್ದ ಚಿಕ್ಕಣ್ಣ ಈ ಬಗ್ಗೆ ಮಾತನಾಡಿದ್ದು, ರಶ್ಮಿಕಾ ಮಂದಣ್ಣ ಅವರೊಂದಿಗೆ ನಾನು ಅಂಜನಿಪುತ್ರ, ಪೊಗರು ಸಿನಿಮಾ ಮಾಡಿದ್ದೀನಿ. ನನ್ನ ಸಿನಿಮಾ ಪ್ರಮೋಷನ್ ಗಾಗಿ ಬೈಟ್ ಕೇಳಿದ್ದೆ. ಅದಕ್ಕೆ ಪ್ರೀತಿಯಿಂದ ಅವರು ಕಳುಹಿಸಿದ್ದಾರೆ. ಅಲ್ಲಿಗೆ ನಾನೇ ಬರುತ್ತೀನಿ ಮೇಡಂ. ಒಂದು ಬೈಟ್ ವಿಡಿಯೋ ಮಾಡಿಕೊಳ್ಳುತ್ತೀನಿ ಎಂದೆ. ಅದಕ್ಕೆ ಅವರು ಬರುವುದು ಏನು ಬೇಡ. ನಾನೇ ವಿಡಿಯೋ ಮಾಡಿ ಕಳುಹಿಸುತ್ತೀನಿ ಅಂತ ವಿಡಿಯೋ ಕಳುಹಿಸಿದ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.

ಇನ್ನು ರಶ್ಮಿಕಾ ಮಂದಣ್ಣ ನನ್ನ ಜೊತೆಗೆ ಕನ್ನಡದಲ್ಲಿಯೇ ಮಾತನಾಡಬೇಕು. ಬೇರೆ ಯಾವ ಆಪ್ಶನ್ ಇಲ್ಲ. ನನಗೆ ಕನ್ನಡ ಬಿಟ್ಟರೆ ಬೇರೆ ಯಾವ ಭಾಷೆಯೂ ಬರುವುದಿಲ್ಲ. ಅವರಿಗೆ ಕ್ಙಡ ಬರದೆ ಹೋದರು ಕನ್ನಡದಲ್ಲಿಯೇ ಮಾತನಾಡಬೇಕು. ಅವರ ಜೊತೆಗೆ ಸಿನಿಮಾ ಮಾಡಿರುವುದರಿಂದ ನನ್ನ ಜೊತೆಗೆ ಅವರು ಕನ್ನಡದಲ್ಲಿಯೇ ಮಾತನಾಡುತ್ತಾರೆ. ನನಗೆ ಕನ್ನಡ ಮಾತ್ರ ಬರುವುದು ಎಂದು ರಶ್ಮಿಕಾ ಮಂದಣ್ಣ ಅವರಿಗೂ ಗೊತ್ತು. ಹೀಗಾಗಿ ಬೇರೆ ಭಾಷೆ ನಾತನಾಡುವುದಿಲ್ಲ ಎಂದು ಹೇಳಿದ್ದಾರೆ.