ರಾಜೀವ್ ಗಾಂಧಿ ಹತ್ಯೆಯ ಮತ್ತೊಬ್ಬಳು ಆರೋಪಿ ಬಿಡುಗಡೆಯಾಗುತ್ತಾಳಾ.?: ನಳಿನಿ ತಾಯಿ ಹೇಳಿದ್ದೇನು..?

ನವದೆಹಲಿ: ರಾಜೀವ್ ಗಾಂಧಿ ಹತ್ಯೆಗೆ ಸಂಬಂಧಿಸಿದಂತೆ ಇತ್ತೀಚೆಗೆ ಹಂತಕ ಪೆರಾರಿವಾಲನ್ ಬಿಡುಗಡೆಯಾಗಿದ್ದಾನೆ. ಈ ಸಂಬಂಧ ಇದೀಗ ಇನ್ನೊಬ್ಬ ಆರೋಪಿ ನಳಿನಿ ಮನೆಯಲ್ಲೂ ಭರವಸೆ ಮೂಡಿದೆ. ಆಕೆಯ ತಾಯಿ ನನ್ನ ಮಗಳು ಬಿಡುಗಡೆಯಾಗುತ್ತಾಳೆಂಬ ನಂಬಿಕೆ ಹೊರ ಹಾಕಿದ್ದಾರೆ.

ಈ ಸಂಬಂಧ ಮಾತನಾಡಿದ ನಳಿನಿ ತಾಯಿ ಪದ್ಮಾ ಶಂಕರನಾರಾಯಣನ್, ಪೆರಾರಿವಾಲನ್ ಬಿಡುಗಡೆಯಾಗಿರುವುದು ಅವರ ಕುಟುಂಬಕ್ಕೆ ಸಂತಸ ತಂದಿದೆ. ಅವರ ತಾಯಿ ಅರ್ಪುತಮ್ಮಾಳ್ ಸಾಕಷ್ಟು ನೋವು ಅನುಭವಿಸಿದ್ದರು. ಮಗನನ್ನು ಕರೆದುಕೊಂಡು ಬರಲು ಹಲವು ನಾಯಕರನ್ನು ಭೇಟಿ ಮಾಡಿದ್ದರು. ಆದರೆ ನನಗೆ ಆ ರೀತಿಯ ಯಾವ ಬೆಂಬಲವೂ ಇಲ್ಲ ಎಂದಿದ್ದಾಳೆ.

ಇನ್ನುಳಿದ ಆರು ಮಂದಿಯ ಬಿಡುಗಡೆಗೆ ತಮಿಳುನಾಡು ಸರ್ಕಾರ ಶ್ರಮಿಸಲಿದೆ ಎಂದು ಹೇಳಿದ್ದನ್ನು ಟಿವಿ ಯಲ್ಲಿ ನೋಡಿದ್ದೆ. ನನ್ನ ಮಗಳೂ ಕೂಡ ಶೀಘ್ರದಲ್ಲಿಯೇ ಬರುತ್ತಾಳೆ. ಆಕೆಗೆ ಮಗುವಿದ್ದ ಕಾರಣ ಮರಣದಂಡನೆ ತೆಗೆದು ಹಾಕಿದ್ದರು ಎಂದಿದ್ದಾಳೆ.