ಚಿತ್ರದುರ್ಗ,(ಡಿ.21): ವಾಣಿಜ್ಯ, ಕಾರ್ಯ ಮತ್ತು ಪಾಲನ ಗ್ರಾಮೀಣ ಉಪ ವಿಭಾಗ, ಬೆಸ್ಕಾಂ ಚಿತ್ರದುರ್ಗ ವ್ಯಾಪ್ತಿಯಲ್ಲಿ ಬರುವ ತುರುವನೂರು ವಿದ್ಯುತ್ ವಿತರಣಾ ಕೇಂದ್ರದಿಂದ ಹೊರಡುವ ಎಫ್-5 ತುರುವನೂರು 11 ಕೆ.ವಿ ಮಾರ್ಗದಲ್ಲಿ ಹಾಲಿ ಇರುವ ಐ.ಪಿ ಸೆಟ್ಗಳ ಬೇರ್ಪಡಿಸುವ ಕಾಮಗಾರಿಯನ್ನು ನಿರ್ವಹಿಸುವುದರಿಂದ ಇದೇ ಡಿಸೆಂಬರ್ 24ರಂದು ಬೆಳಿಗ್ಗೆ 10 ರಿಂದ ಸಂಜೆ 4 ರವರೆಗೆ ತುರುವನೂರು ವಿದ್ಯುತ್ ವಿತರಣಾ ಕೇಂದ್ರದಿಂದ ವಿದ್ಯುತ್ ಸರಬರಾಜಾಗುವ 11 ಕೆವಿ ವಿದ್ಯುತ್ ಸರಬರಾಜಿನಲ್ಲಿ ಅಡಚಣೆ ಉಂಟಾಗಲಿದೆ.
ವಿದ್ಯುತ್ ಅಡಚಣೆಯಾಗುವ ಪ್ರದೇಶಗಳು: 66/11 ಕೆವಿ ತುರುವನೂರು ವಿವಿ ಕೇಂದ್ರದಿಂದ ಸರಬರಾಜಾಗುವ ಎಲ್ಲಾ 11 ಕೆವಿ ಮಾರ್ಗದಲ್ಲಿ ವಿದ್ಯುತ್ ಅಡಚಣೆಯಾಗುತ್ತದೆ. ಎಫ್-1 ಬೊಮ್ಮಕ್ಕನಹಳ್ಳಿ, ಎಫ್-3 ಅವಳೇನಹಳ್ಳಿ, ಎಫ್-4 ದೊಡ್ಡಗಟ್ಟ, ಎಫ್-5 ತುರುವನೂರು ಎನ್.ಜೆ.ವೈ, ಎಫ್-6 ಕರಿಯಮ್ಮನಹಟ್ಟಿ, ಎಫ್-7 ಕೋಟೆಹಟ್ಟಿ, ಎಫ್-8 ಹುಣಸೆಕಟ್ಟೆ ಮತ್ತು ಎಫ್-9 ಪೇಲೂರಹಟ್ಟಿ ಎನ್.ಜೆ.ವೈ 11 ಕೆವಿ ಮಾರ್ಗಗಳಲ್ಲಿ ಹಾಗೂ 66/11 ಕೆವಿ ತುರುವನೂರು ವ್ಯಾಪ್ತಿಯ ಗ್ರಾಮಗಳಲ್ಲಿ ವಿದ್ಯುತ್ ವ್ಯತ್ಯಯವಾಗಲಿದೆ.
ಗ್ರಾಹಕರು ಸಹಕರಿಸಬೇಕು ಎಂದು ಚಿತ್ರದುರ್ಗ ಬೆಸ್ಕಾಂ ವಾಣಿಜ್ಯ, ಕಾರ್ಯ ಮತ್ತು ಪಾಲನ ಗ್ರಾಮೀಣ ಉಪ ವಿಭಾಗದ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ಕೋರಿದ್ದಾರೆ.