ಮೂಲೆ ಸೇರಿದ ಜೋಡಿ ಕಸದ ಡಬ್ಬಿಗಳು ; 20 ಲಕ್ಷ ರೂಪಾಯಿ ನೀರಲ್ಲಿ ಹೋಮ

ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಬೆಳಗೆರೆ, ಚಳ್ಳಕೆರೆ
ಮೊ : 8431413188

ಸುದ್ದಿಒನ್, ಚಳ್ಳಕೆರೆ, ಮಾರ್ಚ್. 01 : ನಗರದ ಜನಸಂಚಾರ ಹೆಚ್ಚಿರುವ ಮಾರುಕಟ್ಟೆ, ವಾಣಿಜ್ಯ ಮಳಿಗೆಗಳು ತಾಲ್ಲೂಕು ಕಚೇರಿ ,ಪೋಲೀಸ್ ಠಾಣೆ ನ್ಯಾಯಲಯದ ಆವರಣ ಸೇರಿದಂತೆ ಸಾರ್ವಜನಿಕ ಸ್ಥಳಗಳಲ್ಲಿ ಜೋಡಿ ಕಸದ ಡಬ್ಬಿಗಳನ್ನು ಇಡುವ ಕಾರ್ಯವನ್ನು ಚಳ್ಳಕೆರೆ ನಗರಸಭೆ ಮಾಡಿತ್ತು.

ನಗರದಲ್ಲಿ ಒಟ್ಟು 56 ಸ್ಥಳೀಗಳಲ್ಲಿ ಒಣ ಕಸ ಹಸಿ ಕಸದ ಜೋಡಿ ಕಸದ ಡಬ್ಬಿಗಳನ್ನ ಇಡಲಾಗಿತ್ತು. ಈ ಜೋಡಿ ಡಬ್ಬಿಗಳ ನಿರ್ಮಾಣಕ್ಕಾಗಿ ನಗರದ ₹ 20 ಲಕ್ಷ ರೂಪಾಯಿಯನ್ನು ವ್ಯಚ್ಚ ಮಾಡಿತ್ತು. ಆದರೆ ಸರಿಯಾದ ನಿರ್ವಹಣೆ ಕೊರತೆಯಿಂದಾಗಿ ಜೋಡಿ ಡಬ್ಬಗಳು ಈಗ ಮೂಲೆ ಸೇರಿವೆ ಕೆಲವು ಕಡೆ ಕಳ್ಳತನವಾಗಿದೆ.

ಇನ್ನು ಕೆಲವು ಕಡೆ ಡಬ್ಬಿಗಳನ್ನು ಹೊಡೆದು ಹಾಕಲಾಗಿದೆ.. ಇದರಿಂದಾಗಿ ಸಾರ್ವಜನಿಕರ 20 ಲಕ್ಷ ರೂಪಾಯಿ ಹಣವನ್ನು ನೀರಲ್ಲಿ ಹೋಮ ಮಾಡಿದಂತಾಗಿದೆ..