ಸುದ್ದಿಒನ್,ಬೆಂಗಳೂರು,ಜೂನ್.1: ರಾಜ್ಯ ರಾಜಕಾರಣದಲ್ಲಿ ಮತ್ತೆ ಚುನಾವಣಾ ಕಣ ಕಾವೇರಿದೆ. ಕರ್ನಾಟಕ ವಿಧಾನಪರಿಷತ್ನ 7 ತೆರವಾಗಲಿರುವ ಸ್ಥಾನಗಳಿಗೆ ಚುನಾವಣೆಯ ಅಧಿಕೃತ ಬಿಗ್ ಅಪ್ಡೇಟ್ ಹೊರಬಿದ್ದಿದೆ. ಈ ಹೈವೋಲ್ಟೇಜ್ ಚುನಾವಣೆಗೆ ಇಂದಿನಿಂದಲೇ (ಜೂನ್ 1) ನಾಮಪತ್ರ ಸಲ್ಲಿಕೆ ಪ್ರಕ್ರಿಯೆ ಆರಂಭವಾಗಿದ್ದು, ರಾಜಕೀಯ ಪಕ್ಷಗಳಲ್ಲಿ ಟಿಕೆಟ್ಗಾಗಿ ಭರ್ಜರಿ ಪೈಪೋಟಿ ಶುರುವಾಗಿದೆ.
ವಿಧಾನಸಭೆ ಕಾರ್ಯದರ್ಶಿಯೂ ಆಗಿರುವ ಚುನಾವಣಾಧಿಕಾರಿ ಎಂ.ಕೆ. ವಿಶಾಲಕ್ಷಿ ಅವರು ಈ ಕುರಿತು ಅಧಿಕೃತ ನೋಟಿಫಿಕೇಶನ್ ಹೊರಡಿಸಿದ್ದು, ಜೂನ್ 8ರವರೆಗೆ ಅಭ್ಯರ್ಥಿಗಳು ತಮ್ಮ ಉಮೇದುವಾರಿಕೆ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ.
ಪ್ರಮುಖ ದಿನಾಂಕಗಳು ಇಂತಿವೆ:
ನಾಮಪತ್ರ ಸಲ್ಲಿಕೆಗೆ ಕಡೆ ದಿನ: ಜೂನ್ 8, 2026
ಪರಿಶೀಲನೆ: ಜೂನ್ 9
ಹೆಸರು ಹಿಂಪಡೆಯಲು ಕೊನೆ ದಿನ: ಜೂನ್ 11
ಮತದಾನದ ದಿನ: ಜೂನ್ 18 (ಬೆಳಗ್ಗೆ 9 ರಿಂದ ಸಂಜೆ 4 ರವರೆಗೆ)
ಫಲಿತಾಂಶ: ಜೂನ್ 18ರ ಸಂಜೆ 5 ಗಂಟೆಯಿಂದಲೇ ವೋಟ್ ಕೌಂಟಿಂಗ್ ಶುರು
ಒಂದು ವೇಳೆ ಕಣದಲ್ಲಿ ಕೇವಲ 7 ಅಭ್ಯರ್ಥಿಗಳು ಮಾತ್ರ ಉಳಿದುಕೊಂಡರೆ ಅವರೆಲ್ಲರೂ ಅವಿರೋಧವಾಗಿ ಆಯ್ಕೆಯಾಗಲಿದ್ದಾರೆ. ಆದರೆ, 7ಕ್ಕಿಂತ ಹೆಚ್ಚು ಜನ ಕಣದಲ್ಲಿದ್ದರೆ ಮಾತ್ರ ಜೂನ್ 18 ರಂದು ಮತದಾನ ನಡೆಯಲಿದೆ.ಬರುವ ಜೂನ್ 30ಕ್ಕೆ ಹಾಲಿ ಇರುವ 7 ಪ್ರಮುಖ ನಾಯಕರ ಅಧಿಕಾರ ಅವಧಿ ಕೊನೆಗೊಳ್ಳುತ್ತಿದೆ. ಕಾಂಗ್ರೆಸ್ನಿಂದ ಗೋವಿಂದರಾಜು, ನಾಸಿರ್ ಅಹಮದ್, ಬಿ.ಕೆ. ಹರಿಪ್ರಸಾದ್ ಹಾಗೂ ತಿಪ್ಪಣ್ಣಪ್ಪ ನಿವೃತ್ತರಾಗುತ್ತಿದ್ದರೆ, ಬಿಜೆಪಿಯಿಂದ ಎಂಟಿಬಿ ನಾಗರಾಜ್, ಸುನೀಲ್ ವಲ್ಯಾಪುರೆ ಮತ್ತು ಪ್ರತಾಪ್ ಸಿಂಹ ನಾಯಕ್ ಅವರ ಅವಧಿ ಮುಗಿಯುತ್ತಿದೆ.
