ವಿರೋಧ ಪಕ್ಷದ ವಿರೋಧದ ನಡುವೆಯೂ ಅಂಗೀಕಾರವಾಯ್ತು ಮತಾಂತರ ನಿಷೇಧ ಕಾಯ್ದೆ..!

ಬೆಳಗಾವಿ : ರಾಜ್ಯದಲ್ಲಿ ಮತಾಂತರ ನಿಷೇಧ ಕಾಯ್ದೆಯನ್ನ ಜಾರುಗೆ ತರಲಾಗುವುದು ಎಂದು ಹೇಳಿದಾಗಿನಿಂದಲೂ ವಿರೋಧ ಪಕ್ಷ ಕಾಂಗ್ರೆಸ್ ವಿರೋಧಿಸುತ್ತಲೆ ಬಂದಿದೆ. ಆದರೆ ಆಡಳಿತ ಪಕ್ಷ ಬಿಜೆಪಿ ಅದಕ್ಕೆ ಸೊಪ್ಪು ಹಾಕದೆ ಇ‌ಂದು ಕಾಯ್ದೆಯನ್ನ ಅಂಗೀಕಾರ ಮಾಡಿದ್ದಾರೆ.

ಇಂದು ನಡೆದ ಅಧಿವೇಶನದಲ್ಲಿ ಮತಾಂತರ ನಿಷೇಧ ಕಾಯ್ದೆಗೆ ಅಂಗೀಕಾರ ಸಿಕ್ಕಿದೆ. ಸ್ಪೀಕರ್ ಕಾಗೇರಿ ಇಂದು ಮಸೂದೆಯನ್ನು ಧ್ವನಿ ಮತಕ್ಕೆ ಹಾಕಿದ್ದರು. ವಿಧಾನಸಭೆಯ ಹೆಚ್ಚಿನ ಸದಸ್ಯರು ಮತಾಂತರ ನಿಷೇಧ ಕಾಯ್ದೆಗೆ ಒಪ್ಪಿಗೆ ಸೂಚಿಸಿದರು. ಹೀಗಾಗಿ ಮಸೂದೆಗೆ ಅಂಗೀಕಾರ ಸಿಕ್ಕಿದೆ.

ಬಲವಂತವಾಗಿ ಮತಾಂತರಗೊಳ್ಳುವವರಿಗೆ ಈಗಾಗಲೇ ಶಿಕ್ಷೆ ಜಾರಿಯಲ್ಲಿತ್ತು. ಆದರೂ ಇತ್ತೀಚಿನ ದಿನದಲ್ಲಿ ಆಸೆ, ಆಮಿಷವೊಡ್ಡಿ ಬಲವಂತವಾಗಿ ಮತಾಂತರ ಮಾಡಲಾಗುತ್ತಿದೆ ಎಂಬ ಆರೋಪ ಕೇಳಿ ಬರುತ್ತಿತ್ತು. ಹೀಗಾಗಿ ಮತಾಂತರ ಕಾಯ್ದೆಯನ್ನ ಬಲಗೊಳಿಸಲಾಗಿದೆ. ಯಾರೇ ಮತಾಂತರಗೊಳ್ಳಬೇಕಾದರೂ ಕಾನೂನಿನ ಮೂಲಕವೇ ಮತಾಂತರಗೊಳ್ಳಬೇಕಾಗಿದೆ.