ಬೆಂಗಳೂರು: ಬಿಗ್ ಬಾಸ್ ಸೀಸನ್ 12 ಇಂದು ಮುಕ್ತಾಯಗೊಂಡಿದೆ. ಸೀಸನ್ 12ರಲ್ಲಿ ಕಾವ್ಯಾ ಶೈವ ನಾಲ್ಕನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ. ಕಾವ್ಯಾ ಕೂಡ ಸುದೀಪ್ ಅವರ ಮತ್ತೊಂದು ಕೈನಲ್ಲಿ ಇರ್ತಾರೆ, ಫಿನಾಲೆ ಗೆದ್ದು ಬರ್ತಾರೆ ಅಂತ ಅವರ ಕುಟುಂಬಸ್ಥರು ಅಂದುಕೊಂಡಿದ್ದರು. ಆದರೆ ನಾಲ್ಕನೇ ಸ್ಥಾನ ಪಡೆದುಕೊಂಡಿದ್ದಾರೆ. ನಾಲ್ಕನೇ ಸ್ಥಾನಕ್ಕೆ ಬಂದ ಕಾವ್ಯಾಗೆ ಸಿಕ್ಕ ಬಹುಮಾನವೆಷ್ಟು ಗೊತ್ತಾ..?
ಸದ್ಯಕ್ಕೆ ಕಲರ್ಸ್ ಕನ್ನಡದವರೇ ಅಧಿಕೃತವಾಗಿ ಅನೌನ್ಸ್ ಮಾಡಿದಂತೆ ಕಾವ್ಯಾಗೆ 10 ಲಕ್ಷ ರೂಪಾಯಿ ಬಹುಮಾನ ಸಿಕ್ಕಿದೆ. ಕಾವ್ಯಾ ಅವರನ್ನು ಅಂದ್ರೆ ನಾಲ್ಕನೇ ಸ್ಥಾನದ ಸ್ಪರ್ಧಿಯನ್ನು ಹೊರಗೆ ಕರೆದುಕೊಂಡು ಬರುವುದಕ್ಕೆ ಕ್ರೇಜಿಸ್ಟಾರ್ ರವಿಚಂದ್ರನ್ ಅವರನ್ನು ಗೆಸ್ಟ್ ಆಗಿ ಕಳುಹಿಸಲಾಗಿತ್ತು. ರವಿಚಂದ್ರನ್ ಅವರು 15 ಲಕ್ಷದ ಸೂಟ್ ಕೇಸ್ ಹಿಡಿದುಕೊಂಡು ಹೋಗಿದ್ದರು. ಆದರೆ ಆ ಸೂಟ್ ಕೇಸನ್ನ ಯಾರೂ ತೆಗೆದುಕೊಳ್ಳಲಿಲ್ಲ. ಬಳಿಕ ಕಾವ್ಯಾನೇ ಮನೆಯಿಂದ ಹೊರಗೆ ಬಂದರು.
ಬಿಗ್ ಬಾಸ್ ಮನೆಗೆ ಎರಡನೇ ಸ್ಪರ್ಧಿಯಾಗಿ ಎಂಟ್ರಿ ಕೊಟ್ಟಿದ್ದ ಕಾವ್ಯಾ, ಗಿಲ್ಲಿ ಜೊತೆಗಿನ ಸ್ನೇಹದಿಂದ ಇಷ್ಟು ದಿನ ಮನೆಯಲ್ಲಿ ಉಳಿದುಕೊಂಡಿದ್ದರು. ಅದರಲ್ಲೂ ಗಿಲ್ಲಿ ಕಾವು ಕಾವು ಅಂತಾನೇ ಖ್ಯಾತಿ ಬರುವಂತೆ ಮಾಡಿದ್ದರು. ಮನೆಯೊಳಗಿಂದ ವಾಪಾಸ್ ಬಂದ ಸ್ಪರ್ಧಿಗಳು ಕೂಡ ಅದನ್ನೇ ಹೇಳ್ತಾ ಇದ್ದರು. ಗಿಲ್ಲಿಯಿಂದ ಕಾವ್ಯಾ ಅಷ್ಟೇ ಅಂತ. ನೋಡುಗರಿಗೂ ಅದು ಸತ್ಯ ಎನಿಸುವಂತೆಯೇ ಮನೆಯೊಳಗೆ ನಡೆಯುತ್ತಾ ಇತ್ತು. ಇದೀಗ ಕಾವ್ಯಾ ಮನೆಯಿಂದ ಹೊರಗೆ ಬಂದಿದ್ದಾರೆ. ಅಷ್ಟೇ ಅಲ್ಲ ನನ್ನ ಜೊತೆಗೆ ಸುದೀಪ್ ಸರ್ ಜೊತೆಗೆ ಕಾವ್ಯಾ ಕೈ ಕೂಡ ಇರುತ್ತೆ ಅಂತ ಗಿಲ್ಲಿನೇ ಹೇಳಿದ್ದರು.
