ಮೊಬೈಲ್ ನೆಟ್ ಸ್ಲೋ ಸಮಸ್ಯೆಗೆ ಇಲ್ಲಿದೆ ಪರಿಹಾರ! ಈ ಟಿಪ್ಸ್ ಫಾಲೋ ಮಾಡಿ

ಇಂದಿನ ಡಿಜಿಟಲ್ ಯುಗದಲ್ಲಿ ಪ್ರತಿಯೊಬ್ಬರಿಗೂ ವೇಗದ ಇಂಟರ್ನೆಟ್ ಸಂಪರ್ಕ ಅತ್ಯಗತ್ಯ. ಆದರೆ ಹಲವು ಬಾರಿಗೆ ಸ್ಮಾರ್ಟ್ಫೋನ್ನಲ್ಲಿ ಇಂಟರ್ನೆಟ್ ವೇಗ (Internet Speed) ಇದ್ದಕ್ಕಿದ್ದಂತೆ ಕಡಿಮೆಯಾಗಿ ಕಿರಿಕಿರಿ ಉಂಟುಮಾಡುತ್ತದೆ. ನೆಟ್ವರ್ಕ್ ಸಿಗ್ನಲ್ ಉತ್ತಮವಾಗಿದ್ದರೂ ಇಂಟರ್ನೆಟ್ ಸರಿಯಾಗಿ ಕೆಲಸ ಮಾಡದಿರಲು ಫೋನ್ನ ಕೆಲವೊಂದು ಸೆಟ್ಟಿಂಗ್ಸ್ಗಳು ಹಾಗೂ ತಾಂತ್ರಿಕ ಕಾರಣಗಳು ಹೊಣೆ.

ನಿಮ್ಮ ಮೊಬೈಲ್ನಲ್ಲಿ ಇಂಟರ್ನೆಟ್ ಸ್ಪೀಡ್ ಹೆಚ್ಚಿಸಲು ಅನುಸರಿಸಬೇಕಾದ ಕೆಲವು ಪ್ರಮುಖ ಮತ್ತು ಸರಳ ಸಲಹೆಗಳು ಇಲ್ಲಿವೆ:

1. ಏರ್ ಪ್ಲೇನ್ ಮೋಡ್ (Flight Mode) ಆನ್-ಆಫ್ ಮಾಡಿ
ಇಂಟರ್ ನೆಟ್ ಸ್ಲೋ ಆದಾಗ ತಕ್ಷಣವೇ ಮಾಡಬಹುದಾದ ಅತಿ ಸರಳ ಕೆಲಸವೆಂದರೆ ಮೊಬೈಲ್ನ ‘Airplane Mode’ ಆನ್ ಮಾಡುವುದು. 5 ರಿಂದ 10 ಸೆಕೆಂಡುಗಳ ನಂತರ ಅದನ್ನು ಮತ್ತೆ ಆಫ್ ಮಾಡಿ. ಹೀಗೆ ಮಾಡುವುದರಿಂದ ಮೊಬೈಲ್ ನೆಟ್ ವರ್ಕ್ ಟವರ್ನೊಂದಿಗೆ ಹೊಸದಾಗಿ ಸಂಪರ್ಕ ಸಾಧಿಸಿ, ಸಿಗ್ನಲ್ ಹಾಗೂ ಇಂಟರ್ನೆಟ್ ಸ್ಪೀಡ್ ರೀಫ್ರೆಶ್ ಆಗುತ್ತದೆ.

2. ಸ್ಮಾರ್ಟ್ ಫೋನ್ ರಿಸ್ಟಾರ್ಟ್ (Restart) ಮಾಡಿ
ದೀರ್ಘಕಾಲದವರೆಗೆ ಫೋನ್ ರಿಸ್ಟಾರ್ಟ್ ಮಾಡದಿದ್ದರೆ ಹಿನ್ನೆಲೆಯಲ್ಲಿ (Background) ಅನೇಕ ಪ್ರಕ್ರಿಯೆಗಳು ನಡೆಯುತ್ತಿರುತ್ತವೆ. ಇದರಿಂದ ಫೋನ್ ಸ್ಲೋ ಆಗುವುದಲ್ಲದೆ ಇಂಟರ್ ನೆಟ್ ವೇಗವೂ ತಗ್ಗುತ್ತದೆ. ವಾರಕ್ಕೆ ಒಮ್ಮೆಯಾದರೂ ಫೋನ್ ರಿಸ್ಟಾರ್ಟ್ ಮಾಡುವುದರಿಂದ ಸಿಸ್ಟಮ್ ಮೆಮೊರಿ ಕ್ಲಿಯರ್ ಆಗಿ ಇಂಟರ್ನೆಟ್ ಸ್ಪೀಡ್ ಉತ್ತಮಗೊಳ್ಳುತ್ತದೆ.

3. ಆ್ಯಪ್ ಕ್ಯಾಶ್ ಡೇಟಾ (App Cache Data) ಕ್ಲಿಯರ್ ಮಾಡಿ
ಸಾಮಾಜಿಕ ಜಾಲತಾಣಗಳು ಹಾಗೂ ಬ್ರೌಸರ್ ಗಳನ್ನು ನಿರಂತರವಾಗಿ ಬಳಸುವುದರಿಂದ ಫೋನ್ ನಲ್ಲಿ ಹೆಚ್ಚಿನ ಪ್ರಮಾಣದ ‘Cache Memory’ ಸಂಗ್ರಹವಾಗುತ್ತದೆ.

ಮಾಡುವ ವಿಧಾನ: Settings > Apps > Select App > Storage > Clear Cache ಆಯ್ಕೆ ಮಾಡುವ ಮೂಲಕ ಕ್ಯಾಶ್ ಡೇಟಾ ತೆರವುಗೊಳಿಸಿ.

4. ಹಿನ್ನೆಲೆಯಲ್ಲಿ ಓಡುತ್ತಿರುವ ಆ್ಯಪ್ ಗಳನ್ನು ಕ್ಲೋಸ್ ಮಾಡಿ
ನಾವು ಬಳಸದಿದ್ದರೂ ಹಲವು ಆ್ಯಪ್ಗಳು ಬ್ಯಾಕ್ ಗ್ರೌಂಡ್ ನಲ್ಲಿ ಇಂಟರ್ನೆಟ್ ಡೇಟಾವನ್ನು ಬಳಸುತ್ತಿರುತ್ತವೆ. ಇದರಿಂದ ನೀವು ಪ್ರಸ್ತುತ ಬಳಸುತ್ತಿರುವ ಆ್ಯಪ್ಗೆ ಪೂರ್ತಿ ಇಂಟರ್ನೆಟ್ ಸ್ಪೀಡ್ ಸಿಗುವುದಿಲ್ಲ. ಆದ್ದರಿಂದ ಅಗತ್ಯವಿಲ್ಲದ ಆ್ಯಪ್ ಗಳನ್ನು ರಿಸೆಂಟ್ ಟ್ಯಾಬ್ ನಿಂದ ಕ್ಲೋಸ್ ಮಾಡಿ.

5. ಆಟೋ-ಅಪ್ ಡೇಟ್ (Auto Update) ಡಿಸೇಬಲ್ ಮಾಡಿ
ಗೂಗಲ್ ಪ್ಲೇ ಸ್ಟೋರ್ ಆ್ಯಪ್ ಸ್ಟೋರ್ ನಲ್ಲಿ ಆ್ಯಪ್ಗಳು ಹಿನ್ನೆಲೆಯಲ್ಲಿ ತಾನಾಗಿಯೇ ಅಪ್ ಡೇಟ್ ಆಗುತ್ತಿದ್ದರೆ ಇಂಟರ್ ನೆಟ್ ವೇಗ ಕಡಿಮೆಯಾಗುತ್ತದೆ.

ಪ್ಲೇ ಸ್ಟೋರ್ ಸೆಟ್ಟಿಂಗ್ಸ್ ಗೆ ಹೋಗಿ ‘Auto-update apps’ ಆಯ್ಕೆಯನ್ನು ‘Don’t auto-update’ ಅಥವಾ ‘Over Wi-Fi only’ ಗೆ ಬದಲಾಯಿಸಿ.

6. ನೆಟ್ ವರ್ಕ್ ಸೆಟ್ಟಿಂಗ್ಸ್ ರಿಸೆಟ್ (Reset Network Settings) ಮಾಡಿ
ನೆಟ್ ವರ್ಕ್ ನಲ್ಲಿ ಏನಾದರೂ ದೋಷವಿದ್ದರೆ ಅಥವಾ ಸೆಟ್ಟಿಂಗ್ಸ್ ಬದಲಾಗಿದ್ದರೆ ಇಂಟರ್ ನೆಟ್ ಸ್ಪೀಡ್ ಕಡಿಮೆಯಾಗಬಹುದು.

ಫೋನ್ ನ Settings > System > Reset options > Reset Wi-Fi, mobile & Bluetooth ಗೆ ಹೋಗಿ ನೆಟ್ವರ್ಕ್ ರಿಸೆಟ್ ಮಾಡಿ. ಇದರಿಂದ ಯಾವುದೇ ಪರ್ಸನಲ್ ಡೇಟಾ ಡಿಲೀಟ್ ಆಗುವುದಿಲ್ಲ, ಕೇವಲ ನೆಟ್ ವರ್ಕ್ ಸೆಟ್ಟಿಂಗ್ಸ್ ಹೊಸದಾಗುತ್ತವೆ.

7. ಸಾಫ್ಟ್ ವೇರ್ ಮತ್ತು ಆ್ಯಪ್ ಗಳನ್ನು ಅಪ್ ಡೇಟ್ ಆಗಿರಿಸಿ
ನಿಮ್ಮ ಮೊಬೈಲ್ ಆಪರೇಟಿಂಗ್ ಸಿಸ್ಟಮ್ (OS) ಮತ್ತು ನೀವು ಬಳಸುವ ಆ್ಯಪ್ಗಳನ್ನು ನಿಯಮಿತವಾಗಿ ಅಪ್ ಡೇಟ್ ಮಾಡಿಕೊಳ್ಳಿ. ಹೊಸ ಆವೃತ್ತಿಗಳು ಬಗ್ಗಳನ್ನು ಸರಿಪಡಿಸಿ ನೆಟ್ ವರ್ಕ್ ಕಾರ್ಯಕ್ಷಮತೆಯನ್ನು ಹೆಚ್ಚಿಸುತ್ತವೆ.