75ನೇ ಅಮೃತ ಮಹೋತ್ಸವದ ಸ್ವಾತಂತ್ರ್ಯ ದಿನಾಚರಣೆಯ ನಿಮಿತ್ತ ಕವನ : ಪುಣ್ಯಭೂಮಿ ಭಾರತ

ಪರಮ ಪುಣ್ಯಭೂಮಿ ಇದು ನಮ್ಮ ಭಾರತ
ನಮ್ಮ ಜನ್ಮಭೂಮಿ ಇದು ಎಂಥಾ ಸುಕೃತ//2//

ವೀರಕಲಿಗಳ್ಳುಟ್ಟಿದ ಪುಣ್ಯ ಮಾತೆ ಭಾರತ,
ವೀರ ನಾರಿಯರು  ಜನಿಸಿದ, ನಮ್ಮ ಮಾತೆ ಭಾರತ//2//

ವಿಶ್ವಶಾಂತಿ ಬಯಸುತಾ
ಸುಸಂಸ್ಕೃತಿಯ ಸಾರುತ
ವಿಶ್ವಗುರು ಎನಿಸಿತು ನಮ್ಮ ಭಾರತ
ನಮ್ಮ ಹೆಮ್ಮೆ ಭಾರತ//ಪ //

ಶಿಲ್ಪಿಗಳ ತವರೂರು,ಕಲೆಗಳ ನೆಲೆಬೀಡು
ದೇಶಭಕ್ತರ ತಾಣ, ಸುಜ್ಞಾನದ ಒರತೆಯಿದು
ಸಹೋದರತೆಯಿಂದ ಎಲ್ಲರ ಬೆಸೆಯುವ
ಐಕ್ಯತೆಯಲಿ ಶ್ರೇಷ್ಠವೀ ಭವ್ಯ ಭಾರತ,
ನಮ್ಮ ಹೆಮ್ಮೆ ಭಾರತ //ಪ //

ಯಾವ ಭಾಷೆ?ಯಾವ ಧರ್ಮ?
ಯಾವ ಜಾತಿ? ಯಾವ ಮತ?/
ರಾಷ್ಟ್ರೀಯತೆಯ ಮುಂದೆ ಎಲ್ಲಾ ಶೂನ್ಯವೋ!
ಸಮಾನತೆಯೊಂದೇ ಇದರ  ಧ್ಯೇಯವೋ//ಪ//

ತಿರಂಗ ಭಕ್ತಿ,ನಮಗೆ ಶಕ್ತಿ,
ದೇಶಭಕ್ತಿಯಿಂದ ಮುಕ್ತಿ/
ಎಂದು ಹಾಡುವ..
ಹಾಡಿ ಕೂಡಿ ನಲಿಯುವ //ಪ //

ಶ್ರೀಮತಿ ಭಾಗ್ಯ ಗಿರೀಶ್,
ಹೊಸದುರ್ಗ ತಾಲ್ಲೂಕು,
ಚಿತ್ರದುರ್ಗ ಜಿಲ್ಲೆ
ಮೊ :-9611092394