ಬಿಗ್ ಬಾಸ್ ಫಿನಾಲೆ ಸಮೀಪಿಸುತ್ತಿದೆ. ಇನ್ನೊಂದು ವಾರವಷ್ಟೇ. ಕಿಚ್ಚನ ಪಂಚಾಯ್ತಿ ಇದು ಕೊನೆಯ ಪಂಚಾಯ್ತಿ. ಮುಂದಿನ ಶನಿವಾರ, ಭಾನುವಾರಕ್ಕೆ ಬಿಗ್ ಬಾಸ್ ಮುಕ್ತಾಯಗೊಳ್ಳುತ್ತದೆ. ಇಂದು ಸೂಪರ್ ಸಂಡೇ ವಿತ್ ಸುದೀಪ ಪಂಚಾಯ್ತಿಯಲ್ಲಿ ಎಪಿಸೋಡ್ ಸಖತ್ ಮಜಾ ಕೊಟ್ಟಿದೆ.
ಬಿಗ್ ಬಾಸ್ ಗೆ ವೈಲ್ಡ್ ಕಾರ್ಡ್ ಮೂಲಕ ಬಂದವರು ರಜತ್. ಬಂದ ದಿನದಿಂದ ಚೈತ್ರಾ ಕುಂದಾಪುರ ಹಾಗೂ ಉಗ್ರಂ ಮಂಜು ಅವರನ್ನ ಟಾರ್ಗೆಟ್ ಮಾಡಿಕೊಂಡರು. ಚೈತ್ರಾ ಇರುವ ತನಕ ನಮ್ಮ ಬಾಸ್ ಬಾಸ್ ಅಂತ ಆಡ್ತಾ ಇದ್ರು. ಈಗಂತು ಮಂಜು ಫುಲ್ ಟಾರ್ಗೆಟ್. ನಾನೇ ಸ್ಟ್ರಾಂಗ್, ನನ್ ಪ್ಲ್ಯಾನ್ ಮುಂದೆ ಯಾರು ಇಲ್ಲ ಎಂದೇ ರಜತ್ ಬೀಗುತ್ತಿದ್ದರು. ಅಂಥವರಿಗೇನೆ ಹನುಮಂತು ಸರಿಯಾಗಿ ತಿರುಗೇಟು ನೀಡಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲಿ ಹನುಮಂತು ಬಗ್ಗೆ ಅಂಡರ್ ಎಸ್ಟಿಮೇಟ್ ಮಾಡುವಂತೆ ಇಲ್ಲ. ಹಾಗೇ ಮಾಡಿದರೆ ಅವರೇ ದಡ್ಡರು ಅಂತ ಅರ್ಥ. ಹಳ್ಳಿ ಹೈದ, ಕಡಿಮೆ ಓದಿದ್ದಾರೆ ಅಂದರು ತಲೆಯಲ್ಲಿರುವ ಬುದ್ದಿ ತುಂಬಾ ಚೆನ್ನಾಗಿದೆ. ಹೀಗಾಗಿಯೇ ಒಂದು ರಿಯಾಲಿಟಿ ಶೋ ಗೆದ್ದರು ಅಹಂ ಇಲ್ಲ, ಲೈಫ್ ಸ್ಟೈಲ್ ಬದಲಾವಣೆಯೂ ಇಲ್ಲ. ಸಾದಾ ಸೀದಾ ಮನುಷ್ಯ.
ಕಿಚ್ಚನ ಪಂಚಾಯ್ತಿಯಲ್ಲಿ ಹಿಟ್ ಯಾರೂ, ಪ್ಲಾಫ್ ಯಾರೂ ಎಂಬ ಅಭಿಪ್ರಾಯದ ಟಾಸ್ಕ್ ಕೊಟ್ಟಿದ್ದಾರೆ. ಆಗ ಹನುಮಂತು ರಜತ್ ಅವರನ್ನ ಪ್ಲಾಫ್ ಸ್ಥಾನಕ್ಕೆ ನಿಲ್ಲಿಸಿ, ಸಿಲ್ಲಿ ರೀಸನ್ ಕೊಡ್ತಾರೆ ಎಂದಿದ್ದಾರೆ. ತಕ್ಷಣ ರಿಯಾಕ್ಟ್ ಮಾಡಿದ ರಜತ್, ಮಾವ ಮಾವ ಅಂತ ಹೋಗಿ ಚುಚ್ಚಿಬಿಟ್ಟೆ. ನಿನ್ನ ಡವ್ ಗಳನ್ನ ನೋಡಿದ್ದೀವಿ ಅಂದಿದ್ದಾರೆ. ಅದಕ್ಕೆ ಮೊದಲು ಸಿಲ್ಲಿ ರೀಸನ್ ಅಂದ್ರೆ ಯಾವ್ದು ಅಂತ ಅರ್ಥ ಮಾಡ್ಕೊ. ಆಮೇಲೆ ಸ್ಟ್ರಾಂಗ್ ರೀಸನ್ ಕೊಡಿವಂತೆ ಅಂತ ಹೇಳಿ ಸುದೀಪ್ ಮುಂದೆಯೇ ತಿರುಗೇಟು ನೀಡಿದ್ದಾರೆ. ಸುದೀಪ್ ಅಂತು ಸಖತ್ ಎಂಜಾಯ್ ಮಾಡಿದ್ದಾರೆ.
