ಸೆಲೆಬ್ರೆಟಿಗಳು ಅಭಿಮಾನಿಗಳಿಗೆ ಸಿಗುವುದೇ ಒಂದು ದಿನ. ಅದುವೇ ಅವರ ಹುಟ್ಟುಹಬ್ಬದ ದಿನ. ಆದ್ರೆ ಕಳೆದ ಮೂರ್ನಾಲ್ಕು ವರ್ಷದಿಂದ ನಟ ನಟಿಯರು ತಮ್ಮ ಹುಟ್ಟುಹಬ್ಬ ಆಚರಿಸಿಕೊಳ್ಳುವುದನ್ನೇ ಬಿಟ್ಟು ಬಿಟ್ಟಿದ್ದಾರೆ. ಅದಕ್ಕೆ ಒಂದಷ್ಟು ಕಾರಣಗಳು ಇದೆ. ಇತ್ತಿಚೆಗೆ ಆ ಸಂಸ್ಕೃತಿ ಮತ್ತೆ ಮರಳಿದೆ. ಈಗಾಗಲೇ ಅಭಿಮಾನಿಗಳ ಇಷ್ಟದ ನಟರೆಲ್ಲ ತಮ್ಮ ತಮ್ಮ ಹುಟ್ಟುಹಬ್ಬವನ್ನು ಅಭಿಮಾನಿಗಳ ಸಮ್ಮುಖದಲ್ಲಿಯೇ ಆಚರಿಸಿಕೊಳ್ಳುತ್ತಿದ್ದಾರೆ. ಇದೀಗ ಡಾಲಿ ಧನಂಜಯ್ ಸರದಿ.
ಡಾಲಿ ಧನಂಜಯ್ ಗೇನು ಅಭಿಮಾನಿ ಸಂಖ್ಯೆ ಕಡಿಮೆ ಏನು ಇಲ್ಲ. ಕ್ರೇಜ್ ಕೂಡ ಜಾಸ್ತಿನೇ ಇದೆ. ಈ ಬಾರಿ ಅಭಿಮಾನಿಗಳಿಗೆ ಡಾಲಿ ಧನಂಜಯ್ ತೀರಾ ಹತ್ತಿರದಲ್ಲಿ ಸಿಗುವುದಕ್ಕೆ ಪ್ಲ್ಯಾನ್ ಮಾಡಿದ್ದಾರೆ. ಅದುವೆ ಅವರ ಹುಟ್ಟುಹಬ್ಬಕ್ಕೆ.
ಹುಟ್ಟುಹಬ್ಬ ಇನ್ನು ದೂರ ದಿನ ಇರುವಾಗಲೇ ಸಿದ್ಧತೆ ಜೋರಾಗಿದೆ. ಆಗಸ್ಟ್ 23 ರಂದು ಡಾಲಿ ಹುಟ್ಟುಹಬ್ಬ. ಜೆಪಿ ನಗರದ ಗ್ರೌಂಡ್ ನಲ್ಲಿ ಹುಟ್ಟು ಹಬ್ಬ ಆಚರಿಸಿಕೊಳ್ಳಲಿದ್ದಾರೆ. ಅಭಿಮಾನಿಗಳಿಗೂ ಆಹ್ವಾನ ನೀಡಲಾಗಿದೆ. ಆಗಸ್ಟ್22 ರ ರಾತ್ರಿಯಿಂದಾನೇ ಈ ಸೆಲೆಬ್ರೇಷನ್ ನಡೆಯಲಿದೆ. ಆಗಸ್ಟ್23 ಕ್ಕೆ ಅಭಿಮಾನಿಗಳನ್ನೆಲ್ಲ ಗ್ರೌಂಡ್ ನಲ್ಲಿಯೇ ಭೇಟಿಯಾಗಲಿದ್ದಾರೆ.
