ಚೀನಾದಲ್ಲಿ ದೈತ್ಯ ಹಡಗು ನಿರ್ಮಾಣ : ಒಳಗಿದೆ ಐಷರಾಮಿ ಸೌಲಭ್ಯ : ಸ್ವರ್ಗವೇ ಧರೆಗಿಳಿದಂತೆ

ಸುದ್ದಿಒನ್ : ಚೀನಾ ಮತ್ತೊಂದು ಬೃಹತ್ ಐಷಾರಾಮಿ ಹಡಗು ನಿರ್ಮಿಸುವ ಮೂಲಕ ವಿಶ್ವದ ದೃಷ್ಟಿಯನ್ನು ತನ್ನತ್ತ ಸೆಳೆದಿದೆ. ದೈತ್ಯ ಹಡಗನ್ನು ಮೊಬಿ ಲೆಗಸಿ ಎಂದು ಹೆಸರಿಸಲಾಗಿದೆ. ಇದನ್ನು ಗುವಾಂಗ್‌ಝೌ ಶಿಪ್‌ಯಾರ್ಡ್ ಇಂಟರ್‌ನ್ಯಾಷನಲ್ ಸಂಸ್ಥೆ ಈ ಹಡಗನ್ನು ನಿರ್ಮಿಸಿದೆ.
ಮಂಗಳವಾರವೇ ಹಡಗು ಸಮುದ್ರ ಪ್ರಯಾಣ ಆರಂಭಿಸಿದೆ. ತನ್ನ ಮೊದಲ ಯಾನದಲ್ಲಿ ಅದು ಗುವಾಂಗ್‌ಝೌ ಕರಾವಳಿಯಿಂದ ಇಟಲಿಗೆ ಹೊರಟಿದೆ. ಮೊಬಿ ಲೆಗಸಿ 70 ಸಾವಿರ ಟನ್‌ಗಳಿಗಿಂತ ಹೆಚ್ಚು ಭಾರವನ್ನು ಹೊತ್ತೊಯ್ಯುವ ಸಾಮರ್ಥ್ಯವನ್ನು ಹೊಂದಿದೆ.

ಮೊಬಿ ಲೆಗಸಿ 2500 ಪ್ರಯಾಣಿಕರನ್ನು ಸಾಗಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದರೊಂದಿಗೆ ಕಾರುಗಳು ಮತ್ತು ಟ್ರಕ್‌ಗಳಂತಹ 800 ವಾಹನಗಳನ್ನು ಇದರಲ್ಲಿ ಸಾಗಿಸಬಹುದು. ತಯಾರಕರ ಸಂಸ್ಥೆಯ ಪ್ರಕಾರ ಈ ಹಡಗಿನ ಉದ್ದ 237 ಮೀಟರ್ ಇದೆ. ಮೊಬಿ ಲೆಗಸಿ 13 ಮಹಡಿಗಳನ್ನು ಹೊಂದಿದೆ. ಮೇಲಿನ ಮಹಡಿ ವಿಸ್ತೀರ್ಣ 16,000 ಚದರ ಮೀಟರ್, ಇದರಲ್ಲಿ 10,000 ಚದರ ಮೀಟರ್ ರೆಸ್ಟೋರೆಂಟ್‌ಗಳು, ವಿರಾಮ ಮತ್ತು ಮನರಂಜನಾ ಸೌಲಭ್ಯಗಳಿಗಾಗಿ ಕಾಯ್ದಿರಿಸಲಾಗಿದೆ. ಇದರಲ್ಲಿ ಒಟ್ಟು 533 ಐಷಾರಾಮಿ ಕೊಠಡಿಗಳನ್ನು ನಿರ್ಮಿಸಲಾಗಿದೆ.

ಇತರ ಸೌಲಭ್ಯಗಳಲ್ಲಿ ಎರಡು ಬಾರ್‌ಗಳು, ಎರಡು ರೆಸ್ಟೋರೆಂಟ್‌ಗಳು, ವಾಯುವಿಹಾರ ಮತ್ತು ಮಕ್ಕಳ ಆಟದ ಮೈದಾನ ಸೇರಿವೆ. ವಾಹನದ ಸರಕುಗಳನ್ನು ಸ್ಟರ್ನ್‌ನಲ್ಲಿ ಅಕ್ಕಪಕ್ಕದ ಮೂರು ರ್ಯಾಂಪ್ಗಳ ಮೂಲಕ ಲೋಡ್ ಮತ್ತು ಅನ್ಲೋಡ್ ಮಾಡಲಾಗುತ್ತದೆ.

ಮೊಬಿ ಲೆಗಸಿಯನ್ನು ತೇಲುವ ಸ್ಟಾರ್ ಹೋಟೆಲ್ ಎಂದೂ ಕರೆಯುತ್ತಾರೆ. ರುಚಿಕರವಾದ ಆಹಾರವನ್ನು ಬಡಿಸಲು ಅಂತರರಾಷ್ಟ್ರೀಯ ಗುಣಮಟ್ಟದ ಬಾಣಸಿಗರು ಇಲ್ಲಿದ್ದಾರೆ. ಸಂಗೀತದ ಜೊತೆಗೆ ಕಡಲ ಸೊಬಗನ್ನು ಸವಿಯಲು ಈ ಹಡಗಿನಲ್ಲಿ ವಿಶೇಷ ತಾಣಗಳಿವೆ.