ಬೆಂಗಳೂರಲ್ಲಿ ನಡೆಯಿತು ಕೇಂದ್ರ ಸಚಿವೆ ನಿರ್ಮಲಾ ಸೀತರಾಮನ್ ಮಗಳ ಸರಳ ವಿವಾಹ..!

ಬೆಂಗಳೂರು: ಹಣಕಾಸು ಸಚಿವೆ ನಿರ್ಮಲಾ ಸೀತರಾಮನ್ ಮಗಳ ಮದುವೆ ಎಂದರೆ ಒಂದು ದೊಡ್ಡಮಟ್ಟದ ನಿರೀಕ್ಷೆ ಇರುತ್ತದೆ. ಅವರಿರುವ ಹುದ್ದೆಗೆ ಸ್ವರ್ಗಲೋಕವನ್ನೇ ಧರೆಗಿಳಿಸಬಹುದೇನೋ ಎಂಬ ಕಲ್ಪನೆ ಇರುತ್ತದೆ. ಆದರೆ ಅವರ ಮಗಳ ಮದುವೆ ನಡೆದಿರುವುದು ಸಾದಾ ಸೀದಾ ಸರಳವಾಗಿ.

ಹೌದು ಬೆಂಗಳೂರಿನ ಟ್ಯಾಮರಿಂಡ್ ಟ್ರೀನಲ್ಲಿ ಸಚಿವೆ ನಿರ್ಮಲಾ ಸೀತರಾಮನ್ ಅವರ ಮಗಳು ವಾಙ್ಮಯಿ ಮದುವೆ ನೆರವೇರಿದೆ. ಪ್ರತೀಕ್ ಜೊತೆಗೆ ಹೊಸ ಬಾಳಿಗೆ ಕಾಲಿಟ್ಟಿದ್ದಾರೆ. ಈ ಮದುವೆ ಸರಳವಾಗಿ ನಡೆದಿದೆ. ಸದ್ದಿಲ್ಲದೆ, ಹೆಚ್ಚಿನ ವಿಐಪಿಗಳಿ, ಗಣ್ಯರು ಇಲ್ಲದೆ ಮದುವೆ ಮಾಡಿ ಮುಗಿಸಿದ್ದಾರೆ.

ಉಡುಪಿಯ ಅದಮಾರು ಪೀಠದ ಶ್ರೀ ಶ್ರೀ ವಿಶ್ವಪ್ರಿಯ ತೀರ್ಥ ಶ್ರೀಪಾದರ ಶಿಷ್ಯೆಯಾಗಿರುವವರು ನಿರ್ಮಲಾ ಸೀತರಾಮನ್. ಹೀಗಾಗಿ ಮಠದ ಶ್ರೀಗಳ ಆಶೀರ್ವಾದವೂ ಸಿಕ್ಕಿದೆ. ಮಠದಿಂದ ಮಧುಕರ್ಪ, ಸೀರೆ, ಶಾಲು, ಗಂಧವನ್ನು ಕಳುಹಿಸಿಕೊಟ್ಟಿದ್ದಾರೆ. ಹಾಗೇ ನವ ವಧು – ವರರಿಗೆ ಆಶೀರ್ವದಿಸಿದ್ದಾರೆ.