ಎಂ.ಎಸ್ಸಿ. ಕೃಷಿಯಲ್ಲಿ ಚಿತ್ರದುರ್ಗದ ಹೇಮಶ್ರಿಗೆ ಮೂರು ಚಿನ್ನದ ಪದಕ ಮತ್ತು ಪ್ರಶಸ್ತಿ ವಿತರಣೆ

ವರದಿ ಮತ್ತು ಫೋಟೋ ಕೃಪೆ ಕೆ.ಎಂ.ಮುತ್ತುಸ್ವಾಮಿ ಕಣ್ಣನ್,
ಮೊ : 78998 64552

ಸುದ್ದಿಒನ್, ಚಿತ್ರದುರ್ಗ, ಮಾರ್ಚ್. 06 : ಚಿತ್ರದುರ್ಗದಲ್ಲಿ ಕಳೆದ 23 ವರ್ಷಗಳಿಂದಲೂ ತರಕಾರಿ ಮಾರಾಟ ಮಾಡಿಕೊಂಡು ಜೀವನ ಸಾಗಿಸುತ್ತಿರುವ ಪಿ.ಜಿ.ಗೋವಿಂದರಾಜು, ಗೀತಮ್ಮ ದಂಪತಿಗಳ ಪುತ್ರಿ ಹೇಮಶ್ರಿ ಪಿ.ಜಿ. ಇವರು ಎಂ.ಎಸ್ಸಿ. ಕೃಷಿ ಸಸ್ಯ ಜೀವ ರಸಾಯನಶಾಸ್ತ್ರದಲ್ಲಿ ಮೂರು ಗೋಲ್ಡ್ ಮೆಡಲ್ ಪಡೆದಿದ್ದಾರೆ.

ಬೆಂಗಳೂರಿನ ಗಾಂಧಿ ಕೃಷಿ ವಿಶ್ವವಿದ್ಯಾನಿಲಯದಲ್ಲಿ ಎಂ.ಎಸ್ಸಿ. ಸಸ್ಯ ಜೀವರಸಾಯನ ಅಧ್ಯಯನ ಮಾಡಿದ ಹೇಮಶ್ರಿಗೆ ಕರ್ನಾಟಕ ರಾಜ್ಯಪಾಲರಾದ ಥಾವರ್‍ಚಂದ್ ಗೆಹ್ಲೋಟ್‍ರವರು ಬೆಂಗಳೂರಿನ ವಿಜ್ಞಾನ ಕೇಂದ್ರದಲ್ಲಿ ಚಿನ್ನದ ಪದಕ ಹಾಗೂ ಸರ್ಟಿಫಿಕೇಟ್ ನೀಡಿ ಗೌರವಿಸಿದರು.

ಕೃಷಿ ಸಚಿವ ಚಲುವರಾಯಸ್ವಾಮಿ, ಉಪ ಕುಲಪತಿ ಹೆಚ್.ಸುರೇಶ್ ಚಿತ್ರದಲ್ಲಿದ್ದಾರೆ.