ಚಿತ್ರದುರ್ಗ | ಕಣಿವೆಮಾರಮ್ಮ ದೇವಿಗೆ ಗಾಯತ್ರಿದೇವಿ ಅಲಂಕಾರ

ಸುದ್ದಿಒನ್, ಚಿತ್ರದುರ್ಗ, ಅಕ್ಟೋಬರ್. 11 : ನಗರ ಪೊಲೀಸ್ ಠಾಣೆ ಆವರಣದಲ್ಲಿ ಕಣಿವೆಮಾರಮ್ಮನಿಗೆ ದಸರಾ ನವರಾತ್ರಿಯ ಮೊದಲನೆ ದಿನವಾದ ಭಾನುವಾರ ಗಾಯತ್ರಿದೇವಿ ಅಲಂಕಾರ ಮಾಡಿ ವಿಶೇಷವಾಗಿ ಪೂಜಿಸಲಾಯಿತು.

ಬಗೆ ಬಗೆಯ ಹೂವು ಹಾರ, ಹಸಿರು ಪತ್ರೆಯಿಂದ ಕಂಗೊಳಿಸುತ್ತಿರುವ ಕಣಿವೆಮಾರಮ್ಮ ಗಾಯತ್ರಿ ಅಲಂಕಾರದಲ್ಲಿರುವುದನ್ನು ನೂರಾರು ಭಕ್ತರು ಕಣ್ತುಂಬಿಕೊಂಡು ಶ್ರದ್ದಾ ಭಕ್ತಿಯನ್ನು ಸಮರ್ಪಿಸಿದರು. ಒಂಬತ್ತು ದಿನಗಳ ಕಾಲ ಪ್ರತಿನಿತ್ಯವು ಒಂದೊಂದು ರೂಪದಲ್ಲಿ ಕಣಿವೆಮಾರಮ್ಮನನ್ನು ಅಲಂಕರಿಸಿ ಪೂಜಿಸಲಾಗುವುದು.