ಬಾಗಲಕೋಟೆ: ಬಸವಕಲ್ಯಾಣ ನಗರದ ಬಿಜೆಪಿ ಶಾಸಕ ಶರಣ್ ಸಲಗಾರ್ ಅವರ ಮೇಲೆ ವಂಚನೆ ಆರೋಪ ಕೇಳಿ ಬಂದಿದೆ. ಎಫ್ಐಆರ್ ಕೂಡ ದಾಖಲಾಗಿದ್ದು, 99 ಲಕ್ಷ ಪಡೆದಿದ್ದಾರೆಂದು ದೂರಲಾಗಿದೆ. ಲೆಟರ್ ಹೆಡ್, ಖಾಲಿ ಚೆಕ್ ಕೂಡ ನೀಡಿದ್ದರು. ಈ ಬಗ್ಗೆ ಶಾಸಕ ಶರಣ್ ಸಲಗಾರ್ ಪ್ರತಿಕ್ರಿಯೆ ನೀಡಿದ್ದು, ದೂರು ಕೊಟ್ಟವರಿಗೆ, ಸಾಲ ಕೊಟ್ಟಿದ್ದೀನಿ ಎಂಬುವವರಿಗೆ ಎಲ್ಲಿಂದ ಬಂತು 99 ಲಕ್ಷ ಎಂದೇ ಕೇಳಿದ್ದಾರೆ.
ಸಂಜು ಸುಗುರೆ ಅವರು ಈ ರೀತಿ ಆರೋಪ ಮಾಡಿದ್ದಾರೆ. ಸಂಜು ಸುಗುರೆ ಅವರ ಮನೆಯಲ್ಲಿಯೇ ನನ್ನ ಲೆಟರ್ ಹೆಡ್, ಖಾಲಿ ಚೆಕ್, ಸೈನ್ ಮಾಡಿಕೊಟ್ಟಿದ್ದ ಲೆಟರ್ ಹೆಡ್ ಎಲ್ಲವೂ ಇತ್ತು. ಅವ ಬಾರಿ ವಿಶ್ವಾಸಾರ್ಹ ವ್ಯಕ್ತಿ ಎಂದು ನಂಬಿದ್ದೆ ನನ್ನ ದೊಡ್ಡ ತಪ್ಪಿದೆ. ಅವ ಬಡ್ಡಿ ವ್ಯವಹಾರ ನಡೆಸ್ತಾನೆ. ಹತ್ ಸಾವಿರ, ಇಪ್ಪತ್ ಸಾವಿರ ಹಣವನ್ನ ವಾಹನಗಳು ಇರುವವರಿಗೆ ಕೊಡ್ತಾನೆ. ಅವರು ಹಣ ವಾಪಾಸ್ ಕೊಟ್ಟಿಲ್ಲ ಅಂದ್ರೆ ಗಾಡಿಗಳನ್ನ ತಂದು ನಿಲ್ಲಿಸಿಕೊಳ್ತಾನೆ.
ಈಗ ನನಗೆ 99 ಲಕ್ಷ ಹಣವನ್ನ ಎಲ್ಲಿಂದ ಕೊಟ್ಟ ಅಂತ ಪ್ರೂವ್ ಮಾಡಬೇಕು ಸರ್. ಇಡೀ ಬಸವ ಕಲ್ಯಾಣ ಮಂದಿ ಹೇಳ್ತಾರೆ ಅವ ಎಷ್ಟು ನೀಚ ಅನ್ನೋದನ್ನ. ದುಡ್ಡಿನ ವಿಚಾರ ಬಂದಾಗ ಅವ್ನ ತಂದೆಗೆ ಹೊಡೆದವ್ನೆ. ಇಡೀ ಬಸವ ಕಲ್ಯಾಣ, ಬಾಗಲಕೋಟೆ ಮಾಧ್ಯಮದ ಎದುರೇ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದೀನಿ. ಒಂದೂವರೆ ವರ್ಷದ ಹಿಂದೆ ನಾನು ಅವ್ನಿಗೆ ಒಂದು ಪೈಸೆ ಕೊಡುವುದಿಲ್ಲ, ಆ ರೀತಿಯ ವ್ಯವಹಾರ ಇಲ್ಲ ಅಂತಾನೇ ಹೇಳಿದ್ದೀನಿ ಎಂದು ಸ್ಪಷ್ಟನೆ ನೀಡಿದ್ದಾರೆ.
