ರಾತ್ರಿ ಮಲಗುವ ಮುನ್ನ `ಫೋನ್ ಸ್ಕ್ರೋಲಿಂಗ್’ ಮಾಡುವುದರಿಂದ ಈ ಡೇಂಜರಸ್ ಪ್ರಾಬ್ಲಮ್ಸ್ ಬರುತ್ತೆ ಹುಷಾರ್!

ಇತ್ತೀಚಿನ ದಿನಗಳಲ್ಲಿ ರಾತ್ರಿ ಮಲಗುವ ಮುನ್ನ ಮೊಬೈಲ್ ಫೋನ್ ಹಿಡಿದು ಗಂಟೆಗಟ್ಟಲೆ ಕೆಟ್ಟ ಸುದ್ದಿಗಳು, ನೆಗೆಟಿವ್ ವಿಚಾರಗಳು ಅಥವಾ ಸೋಶಿಯಲ್ ಮೀಡಿಯಾ ಪೋಸ್ಟ್ಗಳನ್ನು ನೋಡುವ ಅಭ್ಯಾಸ (ಡೂಮ್ಸ್ಕ್ರೋಲಿಂಗ್ – Doomscrolling) ಹೆಚ್ಚಾಗುತ್ತಿದೆ. ದಿನದ ಕೊನೆಯಲ್ಲಿ ಮಾಡುವ ಈ ಒಂದು ಸಣ್ಣ ತಪ್ಪು ನಿಮ್ಮ ಮಾನಸಿಕ ಮತ್ತು ದೈಹಿಕ ಆರೋಗ್ಯವನ್ನು ಹೇಗೆ ಹಾಳುಮಾಡುತ್ತದೆ ಗೊತ್ತಾ?

ಆರೋಗ್ಯ ತಜ್ಞರ ಪ್ರಕಾರ, ರಾತ್ರಿ ಮಲಗುವ ಮುನ್ನ ಫೋನ್ ಸ್ಕ್ರೋಲ್ ಮಾಡುವುದರಿಂದ ಉಂಟಾಗುವ ಪ್ರಮುಖ ಅಡ್ಡಪರಿಣಾಮಗಳು (Side Effects) ಇಲ್ಲಿವೆ:

1. ನಿದ್ರಾಹೀನತೆ (Insomnia):
ಸ್ಮಾರ್ಟ್ಫೋನ್ನಿಂದ ಬರುವ ನೀಲಿ ಬೆಳಕು (Blue Light) ದೇಹದಲ್ಲಿ ನಿದ್ರೆಯನ್ನು ನಿಯಂತ್ರಿಸುವ ‘ಮೆಲಟೋನಿನ್’ ಹಾರ್ಮೋನ್ ಉತ್ಪತ್ತಿಯನ್ನು ತಡೆಯುತ್ತದೆ. ಇದರಿಂದಾಗಿ ನಿದ್ರೆಯ ಗುಣಮಟ್ಟ ಹಾಳಾಗಿ, ನಿದ್ರಾಹೀನತೆ ಉಂಟಾಗುತ್ತದೆ.

2. ತೀವ್ರ ಮಾನಸಿಕ ಒತ್ತಡ ಮತ್ತು ಆತಂಕ (Stress & Anxiety):
ಮಲಗುವ ಮುನ್ನ ನೆಗೆಟಿವ್ ಸುದ್ದಿಗಳು ಹಾಗೂ ವಿಡಿಯೋಗಳನ್ನು ನೋಡುವುದರಿಂದ ಮೆದುಳು ಉತ್ತೇಜನಗೊಂಡು, ಹಾರ್ಟ್ಬೀಟ್ ಹೆಚ್ಚಾಗುತ್ತದೆ. ಇದು ತೀವ್ರ ಮಾನಸಿಕ ಒತ್ತಡ (Stress) ಮತ್ತು ಆತಂಕಕ್ಕೆ (Anxiety) ಕಾರಣವಾಗುತ್ತದೆ.

3. ಕಣ್ಣಿನ ಆಯಾಸ (Eye Strain):
ಕತ್ತಲೆಯಲ್ಲಿ ಫೋನ್ ಪರದೆಯ ಬೆಳಕನ್ನು ದಿಟ್ಟಿಸುವುದರಿಂದ ಕಣ್ಣುಗಳು ಬೇಗನೆ ಆಯಾಸಗೊಳ್ಳುತ್ತವೆ. ಕಣ್ಣು ಒಣಗುವುದು, ಕಣ್ಣುರಿ ಮತ್ತು ತಲೆನೋವಿನಂತಹ ಸಮಸ್ಯೆಗಳು ಕಾಡಬಹುದು.

4. ಬೆಳಿಗ್ಗೆ ಏಳುವಾಗ ಆಯಾಸ ಮತ್ತು ಸುಸ್ತು:
ರಾತ್ರಿ ಸರಿಯಾಗಿ ನಿದ್ರೆ ಸಿಗದ ಕಾರಣ ಬೆಳಿಗ್ಗೆ ಎದ್ದಾಗ ದೇಹದಲ್ಲಿ ಶಕ್ತಿ ಇರುವುದಿಲ್ಲ. ದಿನವಿಡೀ ಆಯಾಸ, ಸುಸ್ತು ಮತ್ತು ಗಮನ ಕೇಂದ್ರೀಕರಿಸಲು ಸಾಧ್ಯವಾಗದಿರುವಿಕೆ ಉಂಟಾಗುತ್ತದೆ.

5. ಖಿನ್ನತೆ (Depression) ಹೆಚ್ಚಾಗುವ ಸಾಧ್ಯತೆ:
ನಿರಂತರವಾಗಿ ನೆಗೆಟಿವ್ ವಿಷಯಗಳನ್ನೇ ನೋಡುತ್ತಾ ಕಾಲ ಕಳೆಯುವುದರಿಂದ ಧನಾತ್ಮಕ ಚಿಂತನೆಗಳು ಕಡಿಮೆಯಾಗಿ, ದೀರ್ಘಾವಧಿಯಲ್ಲಿ ಖಿನ್ನತೆಯಂತಹ ಸಮಸ್ಯೆಗಳಿಗೆ ದಾರಿಯಾಗುತ್ತದೆ.

ಪರಿಹಾರವೇನು?

ಮಲಗುವ ಕನಿಷ್ಠ 1 ಗಂಟೆ ಮುಂಚಿತವಾಗಿಯೇ ಮೊಬೈಲ್, ಲ್ಯಾಪ್ಟಾಪ್ ಪಕ್ಕಕ್ಕಿಡಿ.

ರಾತ್ರಿ ಕತ್ತಲೆಯಲ್ಲಿ ಫೋನ್ ಬಳಸಬೇಡಿ.

ಮಲಗುವ ಮುನ್ನ ಪುಸ್ತಕ ಓದುವುದು, ಪ್ರಶಾಂತ ಸಂಗೀತ ಕೇಳುವುದು ಅಥವಾ ಧ್ಯಾನ ಮಾಡುವುದನ್ನು ಅಭ್ಯಾಸ ಮಾಡಿಕೊಳ್ಳಿ.