ಬೆಂಗಳೂರು.ಜೂನ್.15: ರಾಜ್ಯದ ಸರ್ಕಾರಿ ಶಾಲಾ ಶಿಕ್ಷಕರ ಹಾಜರಾತಿಗಾಗಿ ಜಾರಿಗೆ ತರಲಾಗಿರುವ ‘ಕರ್ತವ್ಯ’ (KAAMS) ಮೊಬೈಲ್ ಅಪ್ಲಿಕೇಷನ್ನಲ್ಲಿ ಇತ್ತೀಚೆಗೆ ತಾಂತ್ರಿಕ ಅಡಚಣೆಗಳು ಕಾಣಿಸಿಕೊಳ್ಳುತ್ತಿವೆ. ಪ್ರಮುಖವಾಗಿ, ಶಿಕ್ಷಕರು ಹಾಜರಾತಿ ದಾಖಲಿಸುವಾಗ ಮುಖ ಹೊಂದಾಣಿಕೆಯಾಗುತ್ತಿಲ್ಲ ಎಂಬ ದೋಷ (Face-Mismatch Error) ವ್ಯಾಪಕವಾಗಿ ಎದುರಾಗುತ್ತಿದೆ.
ಸಾಮಾನ್ಯವಾಗಿ ಬೆಳಕಿನ ವ್ಯತ್ಯಾಸ ಅಥವಾ ಆ್ಯಪ್ನಲ್ಲಿರುವ ಹಳೆಯ ಫೋಟೋಗಳಿಂದಾಗಿ ಈ ತಾಂತ್ರಿಕ ಸಮಸ್ಯೆ ಉಂಟಾಗುತ್ತಿದ್ದು, ಇದನ್ನು ಶಿಕ್ಷಕರು ಸ್ವತಃ ತಾವೇ ಸುಲಭವಾಗಿ ಸರಿಪಡಿಸಿಕೊಳ್ಳಬಹುದಾಗಿದೆ ಎಂದು ತಾಂತ್ರಿಕ ವಿಭಾಗ ತಿಳಿಸಿದೆ.
ಒಂದು ವೇಳೆ ನಿಮಗೂ ಈ ರೀತಿಯ ತಾಂತ್ರಿಕ ಅಡಚಣೆ ಎದುರಾಗುತ್ತಿದ್ದರೆ, ತಕ್ಷಣವೇ ಈ ಕೆಳಗಿನ ಹಂತಗಳನ್ನು ಅನುಸರಿಸಿ.
ಹಂತ 1: ಮೊದಲಿಗೆ ನಿಮ್ಮ ಮೊಬೈಲ್ನಲ್ಲಿ ‘ಕರ್ತವ್ಯ’ ಆ್ಯಪ್ ಓಪನ್ ಮಾಡಿ, ಹೋಮ್ ಪೇಜ್ನಲ್ಲಿರುವ ‘ಪ್ರೊಫೈಲ್’ (Profile) ವಿಭಾಗಕ್ಕೆ ಭೇಟಿ ನೀಡಿ.
ಹಂತ 2: ಅಲ್ಲಿ ಕಾಣಿಸುವ ‘Update your Profile Image’ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಹಂತ 3: ಈಗ ಉತ್ತಮ ಬೆಳಕಿರುವ ಜಾಗದಲ್ಲಿ ನಿಂತು, ಸ್ಪಷ್ಟವಾದ ನಿಮ್ಮ ಹೊಸ ಸೆಲ್ಫಿ ಫೋಟೋವನ್ನು ತೆಗೆದುಕೊಳ್ಳಿ.
ಹಂತ 4: ಫೋಟೋ ಯಶಸ್ವಿಯಾಗಿ ಅಪ್ಲೋಡ್ ಆದ ಬಳಿಕ, ಆ್ಯಪ್ನ ಮುಖ್ಯ ಪುಟಕ್ಕೆ (Home Page) ಮರಳಿ ಬಂದು ಒಮ್ಮೆ ‘ರಿಫ್ರೆಶ್’ (Refresh) ಮಾಡಿ.
ʻಕರ್ತವ್ಯʼ (KAAMS) ಅಪ್ಲಿಕೇಷನ್ನಲ್ಲಿ ಹಾಜರಾತಿ ಹಾಕುವಾಗ ನಿಮ್ಮ ಮುಖ ಹೊಂದಾಣಿಕೆಯಾಗದೆ, ಏನಾದರೂ ದೋಷ ತೋರಿಸುತ್ತಿದೆಯೇ? (Face-Mismatch Error) ಬೆಳಕಿನ ವ್ಯತ್ಯಾಸ ಅಥವಾ ಹಳೆಯ ಫೋಟೋಗಳಿಂದಾಗಿ ಈ ತಾಂತ್ರಿಕ ಅಡಚಣೆ ಉಂಟಾಗಿರಬಹುದು. ಇದನ್ನು ನೀವೇ ಸುಲಭವಾಗಿ ಸರಿಪಡಿಸಬಹುದು. ಮೊದಲು ಆ್ಯಪ್ನ 'ಪ್ರೊಫೈಲ್' (Profile)ಗೆ ಹೋಗಿ, ಅಲ್ಲಿ… pic.twitter.com/5gJsaElKt4
— School Education & Literacy Department Karnataka (@ShalaShikshana) June 15, 2026
ಈ ಪ್ರಕ್ರಿಯೆಯಿಂದಾಗಿ ಆ್ಯಪ್ನಲ್ಲಿ ನಿಮ್ಮ ಮುಖದ ಗುರುತು (Face Recognition) ನವೀಕರಣಗೊಳ್ಳುತ್ತದೆ (Update). ತದನಂತರ ಯಾವುದೇ ತೊಂದರೆಯಿಲ್ಲದೆ ಸುಲಭವಾಗಿ ಹಾಜರಾತಿಯನ್ನು ದಾಖಲಿಸಬಹುದಾಗಿದೆ.
