ಬೆಂಗಳೂರು: ಅಪ್ಪು ಇನ್ನಿಲ್ಲ ಅನ್ನೋ ಸುದ್ದಿ ಕೇಳಿ ಇಂದಿಗೆ 6 ದಿನ. ಆದರೂ ಒಪ್ಪಿಕೊಳ್ಳೊದಕ್ಕೆ ಅರಗಿಸಿಕೊಳೋದಕ್ಕೆ ಆಗುತ್ತಲೆ ಇಲ್ಲ. ಅಭಿಮಾನಿಗಳಿಗೆ ಹೀಗೆ ಅಂದ್ರೆ ಇನ್ನು ದೊಡ್ಮನೆ ಕುಟುಂಬಸ್ಥರಿಗೆ ಹೇಗಾಗಿರಬೇಡ ಅಲ್ವಾ. ಮನೆಯವರಿಗೆ ಆ ನೋವು ಭರಿಸುವ ಶಕ್ತಿಯನ್ನ ಆ ದೇವರೇ ನೀಡಬೇಕು.
ಆದ್ರೆ ಈಗ ಅಪ್ಪು ಬಗ್ಗೆ ಶಿವಣ್ಣ ಹೇಳಿರುವ ವಿಡಿಯೋ ನೋಡಿ ಅಭಿಮಾನಿಗಳು ದೇವರನ್ನ ಶಪಿಸಿದ್ದಾರೆ. ಪುನೀತ್ ಕುಮಾರ್ ಸಾವಿಗೂ ಮುನ್ನ ಭಜರಂಗಿ2 ಪ್ರಿರಿಲೀಸ್ ಕಾರ್ಯಕ್ರಮ ನಡೆದಿತ್ತು. ಆ ಕಾರ್ಯಕ್ರಮದಲ್ಲಿ ಅಪ್ಪು, ಯಶ್ ಸೇರಿದಂತೆ ಅನೇಕ ತಾರೆಯರು ಭಾಗಿಯಾಗಿದ್ರು. ಆದ್ರೆ ಅಪ್ಪು ಅಷ್ಟೊಂದು ಆ್ಯಕ್ಟೀವ್ ಆಗಲಿ, ಖುಷಿಯಿಂದಾಗಲಿ ಇರಲಿಲ್ಲ. ಅದನ್ನ ಗೀತಾ ಶಿವ ರಾಜ್‍ಕುಮಾರ್ ಅವರು ಗಮನಿಸಿದ್ದಾರೆ.
ಈ ಬಗ್ಗೆ ಮಾತನಾಡಿರುವ ಶಿವಣ್ಣ ಅಪ್ಪು ಅದ್ಯಾಕೊಇ ಪ್ರಿರಿಲೀಸ್ ಕಾರ್ಯಕ್ರಮದಲ್ಲಿ ಡಲ್ ಆಗಿದ್ದ. ಇದನ್ನ ಗೀತಾ ನೋಡಿ ಹೇಳಿದ್ರು. ಅಪ್ಪು ಯಾಕೋ ಖುಷಿಯಾಗಿಲ್ಲ ಅಂತ ಎಂದು ಆ ದಿನವನ್ನ ಮೆಲುಕು ಹಾಕಿದ್ದಾರೆ.
ಅಪ್ಪು ಕೋಟ್ಯಾಂತರ ಅಭಿಮಾನಿಗಳ ಸ್ಪೂರ್ತಿಯ ಚಿಲುಮೆಯಾಗಿದ್ದರು. ಆದ್ರೆ ಹೀಗೆ ದಿಢೀರನೆ ಹೋಗಿದ್ದು, ಆ ಅಭಿಮಾನಿಗಳಿಗೆ ಆಘಾತವನ್ನುಂಟು ಮಾಡಿದೆ. ಅದೆಷ್ಟು ಸರಳತೆ, ಅದೆಷ್ಟು ಸಮಾಜ ಸೇವೆ. ಇದೆಲ್ಲವೂ ಇನ್ನಷ್ಟು ವರ್ಷ ಮುಂದುವರೆಯಲು ಅಪ್ಪು ಇರಬೇಕಿತ್ತು ಅನ್ನೋದೆ ಸಾರ್ವಜನಿಕರ ಒತ್ತಾಸೆಯಾಗಿತ್ತು.
Newbie Techy