ಕಬ್ಜ ಸಿನಿಮಾದ ಬಗ್ಗೆ ಈಗಾಗಲೇ ದೊಡ್ಡ ಮಟ್ಟದ ನಿರೀಕ್ಷೆ ಬೆಳೆದಿದೆ. ದುಬಾರಿ ಬಜೆಟ್ ನಲ್ಲಿ ಸಿದ್ಧವಾಗಿರುವ ಸಿನಿಮಾದ ಹಾಡು, ಟೀಸರ್ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ. ಈಗ ಸಿನಿಮಾ ತಂಡದಿಂದ ಪೋಸ್ಟರ್ ಒಂದು ರಿಲೀಸ್ ಆಗಿದ್ದು, ವಾವ್ ಇದು ಸೂಪರ್ ಅಂತಿದ್ದಾರೆ. ಬಿಕಾಸ್ ಆಫ್ ಆ ಪೋಸ್ಟರ್ ನಲ್ಲಿ ಶಿವಣ್ಣ ಕೂಡ ಇದ್ದಾರೆ.
ಅಂದ ಹಾಗೇ ಕಬ್ಜ ಸಿನಿಮಾದಲ್ಲಿ ಈಗಾಗಲೇ ಸುದೀಪ್ ಮತ್ತು ಉಪೇಂದ್ರ ನಟಿಸಿದ್ದಾರೆ. ಸ್ಯಾಂಡಲ್ ವುಡ್ ನಲ್ಲಿಯೇ ದೊಡ್ಡ ನಿರೀಕ್ಷೆ ಹುಟ್ಟು ಹಾಕಿರುವಂತ ಸಿನಿಮಾ ಇದಾಗಿದೆ. ಆರ್ ಚಂದ್ರು ನಿರ್ದೇಶನದ ಕಬ್ಜದಲ್ಲಿ ಶಿವಣ್ಣ ನಟಿಸಿದ್ದು, ಇಂದು ಬೆಳಗ್ಗೆ ಫಸ್ಟ್ ಲುಕ್ ಪೋಸ್ಟರ್ ರಿಲೀಸ್ ಆಗಿದೆ. ಮೂವರು ಬಿಗ್ ಸ್ಟಾರ್ ಗಳು ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದು, ಮತ್ತೊಮ್ಮೆ ಇಡೀ ಇಂಡಸ್ಟ್ರೀ ಸ್ಯಾಂಡಲ್ ವುಡ್ ನತ್ತ ತಿರುಗಿ ನೋಡುವುದರಲ್ಲಿ ನೋ ಡೌಟ್.
ಕಬ್ಜ ಸಿನಿಮಾದ ಹಾಡುಗಳು ಈಗಾಗಲೇ ರಿಲೀಸ್ ಆಗಿದೆ. ಟಾಕ್ ಆಫ್ ದಿ ಟೌನ್ ಆಗಿದೆ. ನಾಳೆ ಟ್ರೇಲರ್ ಗೆ ಡೇಟ್ ಫಿಕ್ಸ್ ಆಗಿದ್ದು, ಕುತೂಹಲದ ಘಟ್ಟದಲ್ಲಿ ನಿಂತು ಎಲ್ಲರು ಕಾಯುತ್ತಿದ್ದಾರೆ. ಸದ್ಯ ಪೋಸ್ಟರ್ ಮತ್ತಷ್ಟು ಭರವಸೆ ಮೂಡಿಸಿದೆ. ಶಿವಣ್ಣ ಇಬ್ಬರ ದೋಸ್ತಿಯಾಗಿ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ ಎಂಬುದು ಗಾಂಧಿನಗರದ ಮಾಹಿತಿ. ಆದ್ರೆ ಸರಿಯಾಗಿ ಪಾತ್ರ ಏನು ಎಂಬುದು ತಿಳಿಯಬೇಕು ಅಂದ್ರೆ ಸಿನಿಮಾವನ್ನೇ ನೋಡಬೇಕಿದೆ. ಮಾರ್ಚ್ 17ರಂದು ಪುನೀತ್ ರಾಜ್‍ಕುಮಾರ್ ಹುಟ್ಟುಹಬ್ಬದ ದಿನಕ್ಕೆ ಕಬ್ಜ ರಿಲೀಸ್ ಆಗ್ತಾ ಇದೆ.
Newbie Techy