ಬಿಜೆಪಿ ರಾಷ್ಟ್ರಾಧ್ಯಕ್ಷರ ರೇಸ್ ನಲ್ಲಿ ಮೂವರು ನಾಯಕಿಯರು : ಯಾರಿಗೆ ಸಿಗಲಿದೆ ಜೆಪಿ ನಡ್ಡಾ ಸ್ಥಾನ..?

ಜೆಪಿ ನಡ್ಡಾ ಅವರು ಇದೀಗ ಕೇಂದ್ರದ ಆರೋಗ್ಯ ಖಾತೆಯ ಕ್ಯಾಬಿನೆಟ್ ದರ್ಜೆ ಸಚಿವರಾಗಿದ್ದಾರೆ. ಕೇಂದ್ರದ ಸಚಿವ ಸ್ಥಾನದಲ್ಲಿಯೇ ಉಳಿಯುವ ಆಕಾಂಕ್ಷೆಯನ್ನ ಹೊಂದಿದ್ದಾರೆ. ಹೀಗಾಗಿ ಅವರ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷೆ ಹುದ್ದೆಗೆ ಹೊಸದಾಗಿ ಆಯ್ಕೆ ಮಾಡಬೇಕಾದ ಅನಿವಾರ್ಯತೆ ಇದೆ. ಹೀಗಾಗಿ ಮುಂದಿನ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರಾಗಲು ಮೂವರು ನಾಯಕಿಯರು ರೇಸ್ ನಲ್ಲಿದ್ದಾರೆ.

ಅದರಲ್ಲೂ ನಿರ್ಮಲಾ ಸೀತರಾಮನ್, ಡಿ.ಪುರಂದರೇಶ್ವರಿ, ವನತಿ ಶ್ರೀನಿವಾಸನ್ ಹೆಸರು ಮುಂಚೂಣಿಯಲ್ಲಿವೆ. ಈ ತಿಂಗಳಲ್ಲಿಯೇ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರ ಸ್ಥಾನಕ್ಕೆ ಹೊಸ ಅಧ್ಯಕ್ಷರ ಆಯ್ಕೆಯನ್ನ ಮಾಡಲಾಗುತ್ತಿದೆ. ವಿಶೇಷ ಅಂದ್ರೆ ಈ ಮೂವರು ಮಹಿಳೆಯರು ಆಂಧ್ರಪ್ರದೇಶ ಹಾಗೂ ತಮಿಳುನಾಡಿನವರಾಗಿದ್ದಾರೆ. ಡಿ.ಪುರಂದರೇಶ್ವರಿ ಅವರು ಆಂಧ್ರ ಪ್ರದೇಶದ ಎನ್ ಟಿ ಆರ್ ಪುತ್ರಿಯಾಗಿದ್ದಾರೆ. ಈ ಬಾರಿ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಸ್ಥಾನವನ್ನು ಮಹಿಳೆಯರಿಗೆ ನೀಡಲು ನಿರ್ಧರಿಸಲಾಗಿದೆ. ಆರ್ ಎಸ್ ಎಸ್ ನಿಂದ ಈ ಸಲಹೆ ಬಂದಿದ್ದು, ಮಹಿಳೆಯರನ್ನೇ ಆಯ್ಕೆ‌ ಮಾಡಲಾಗುತ್ತಿದೆ.

ನಿರ್ಮಲಾ ಸೀತರಾಮನ್ ಸದ್ಯ ಕೇಂದ್ರದ ಹಣಕಾಸು ಸಚುಬೆಯಾಗಿದ್ದಾರೆ. ವನತಿ ಶ್ರೀನಿವಾಸನ್ ಕೊಯಮತ್ತೂರಿನ ಶಾಸಕಿಯಾಗಿದ್ದಾರೆ. ಡಿ.ಪುರಂದರೇಶ್ವರಿ ಅವರು ಆಂಧ್ರದ ಮಾಜಿ ಮುಖ್ಯಮಂತ್ರಿ ಎನ್ ಟಿ ಆರ್ ಪುತ್ರಿ ಹಾಗೂ ಮಾಜಿ ಕೇಂದ್ರ ಸಚಿವರಾಗಿದ್ದವರು. ಮೂವರ ಹೆಸರು ಕೂಡ ಹುದ್ದೆಯ ರೇಸ್ ನಲ್ಲಿದೆ. ಅನುರಾಗ್ ಠಾಕೂರ್, ಧರ್ಮೇಂದ್ರ ಪ್ರಧಾನ್, ಶಿವರಾಜ್ ಸಿಂಗ್ ಚೌಹಾಣ್, ಮನೋಹರ್ ಲಾಲ್ ಖಟ್ಟರ್, ಅರ್ಜುನ್ ರಾಮ್ ಮೇಘವಾಲ್, ಪ್ರಹ್ಲಾದ್ ಜೋಶಿ, ನಿತಿನ್ ಗಡ್ಕರಿ, ಕಿಶನ್ ರೆಡ್ಡಿ, ವಿನೋದ್ ತಾವಡೆ ಹೆಸರುಗಳು ಕೇಳಿ ಬರುತ್ತಿವೆ. ಯಾರು ಈ ಬಾರಿಯ ರಾಷ್ಟ್ರೀಯ ಅಧ್ಯಕ್ಷರಾಗ್ತಾರೆ ಅನ್ನೋದನ್ನ ನೋಡಬೇಕಿದೆ.