ಸುದ್ದಿಒನ್, ಚಳ್ಳಕೆರೆ,ಜನವರಿ. 25 : ಬೈಕಿನಲ್ಲಿ ಬಂದು ಸುಲಿಗೆ ಮಾಡುತ್ತಿದ್ದ ಆರೋಪಿಯನ್ನು ಚಳ್ಳಕೆರೆ ಪೊಲೀಸರು ಬಂಧಿಸಿದ್ದಾರೆ. ಆರೋಪಿಯಿಂದ ಅರೋಪಿತನಿಂದ 11, 40,000 ರೂ ಮೌಲ್ಯದ ಒಡವೆ ಮತ್ತು ಬೈಕ್ ವಶಕ್ಕೆ ಪಡೆಯಲಾಗಿದೆ.
ಹಿರಿಯೂರು ತಾಲ್ಲೂಕಿನ ಖಂಡೇನಹಳ್ಳಿ ಗ್ರಾಮ ರೋಷನ್ (34 ವರ್ಷ) ಬಂಧಿತ ಆರೋಪಿ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಆರೋಪಿಯು ತಾಲ್ಲೂಕಿನ ಬಾಲೇನಹಳ್ಳಿ ಗ್ರಾಮದ ಶ್ರೀಮತಿ ಬಸಮ್ಮ ಎಂಬುವರ ಕೊರಳಿನಲ್ಲಿದ್ದ 40ಗ್ರಾಂ ತೂಕದ ಸುಮಾರು 1.50.000/- ರೂಪಾಯಿ ಬೆಲೆಯ ಬಂಗಾರದ ಸರವನ್ನು ಕಳ್ಳತನ ಮಾಡಿದ್ದ. ಈ ಸಂಬಂಧ ಈತನ ವಿರುದ್ದ ದೂರು ದಾಖಲಿಸಲಾಗಿತ್ತು.
ಆರೋಪಿಯ ಪತ್ತೆಗೆ S. P. ರಂಜಿತ್ ಕುಮಾರ್ ಬಂಡಾರು, ಮತ್ತು ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಕುಮಾರಸ್ವಾಮಿ ಹಾಗೂ ಚಳ್ಳಕೆರೆ ಉಪವಿಭಾಗದ ಪೊಲೀಸ್ ಉಪಾಧೀಕ್ಷಕರಾದ ರಾಜಣ್ಣ.ಟಿ.ಬಿ. ಇವರುಗಳ ಮಾರ್ಗದರ್ಶನದಲ್ಲಿ ಪೊಲೀಸ್ ನಿರೀಕ್ಷಕರಾದ ಆರ್.ಎಫ್.ದೇಸಾಯಿ ಇವರ ನೇತೃತ್ವದಲ್ಲಿ ಶಿವರಾಜ್,ಜೆ, ಪಿಎಸ್‌ಐ, ಹಾಗೂ ಸಿಬ್ಬಂದಿಯವರನ್ನೊಳಗೊಂಡ ವಿಶೇಷ ತಂಡವನ್ನು ರಚಿಸಲಾಗಿತ್ತು.
ಜನವರಿ 21 ರಂದು ಆರೋಪಿ ರೋಷನ್ ನನ್ನು ಬಂದಿಸಲಾಗಿದೆ. ಆತನಿಂದ ಬಂಗಾರದ ಸರಗಳನ್ನು ಮತ್ತು 2 ಬೈಕುಗಳನ್ನು ಜಪ್ಪು ಮಾಡಲಾಗಿದೆ..
ಒಟ್ಟು 7 ಪ್ರಕರಣಗಳಲ್ಲಿ 208 ಗ್ರಾಂ ತೂಕದ 9,70,000 ಬೆಲೆ ಬಾಳುವ 7 ಬಂಗಾರದ ಸರಗಳು ಹಾಗೂ 1,70,000 ಬೆಲೆ ಬಾಳುವ ಎರೆಡು ಬೈಕ್ ಗಳನ್ನ ವಶಕ್ಕೆ ಪಡೆದು ನ್ಯಾಯಾಂಗ ಬಂಧನಕ್ಕೆ ನೀಡಲಾಗಿದೆ.
ಚಳ್ಳಕೆರೆ ಪೊಲೀಸರ ಕಾರ್ಯಾಚರಣೆಗೆ S. P. ರಂಜಿತ್ ಕುಮಾರ್ ಬಂಡಾರು ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
