ತಂತ್ರಜ್ಞಾನ ಬೆಳೆದಷ್ಟು ಸಮಾಜದಲ್ಲಿ ಆತಂಕ ಹುಟ್ಟಿಸುವ ಘಟನೆಗಳು ಹೆಚ್ಚಾಗುತ್ತವೆ. ಅದರಲ್ಲಿ ಈ ಡೀಪ್ ಫೇಕ್ ವಿಡಿಯೋ ಕೂಡ ಒಂದು. ಇತ್ತಿಚೆಗೆ ರಶ್ಮಿಕಾ ಮಂದಣ್ಣ ಅವರ ಡೀಪ್ ಫೇಕ್ ವಿಡಿಯೋ ಎಲ್ಲೆಡೆ ಹಲ್ ಚಲ್ ಕ್ರಿಯೇಟ್ ಮಾಡಿತ್ತು. ಒಂದು ಕ್ಷಣ ನೋಡಿದವರೆಲ್ಲ, ರಶ್ಮಿಕಾ ಯಾಕಿಂಗಾದ್ರೂ ಅಂತಾನೇ ಪ್ರಶ್ನೆ ಹಾಕಿಕೊಂಡಿದ್ದರು. ಆ ವಿಡಿಯೋ ರಶ್ಮಿಕಾ ಮಂದಣ್ಣನಿಗೂ ಶಾಕ್ ಎನಿಸಿತ್ತು. ಅದಕ್ಕೆ ನಟಿ ಕ್ಲಾರಿಟಿಯನ್ನು ನೀಡಿದ್ದರು. ಈ ವಿಡಿಯೋ ನನ್ನ ರಿಯಲ್ ವಿಡಿಯೋ ಅಲ್ಲ ಅಂತ.
ರಶ್ಮಿಕಾ ಮಂದಣ್ಣ ಆ ವಿಡಿಯೋ ನನ್ನದಲ್ಲ ಎಂದು ಹೇಳುವ ತನಕ ಅದನ್ನ ರಿಯಲ್ ಎಂದೇ ಭಾವಿಸಿದ್ದರು. ಆದರೆ ಅದ್ಯಾವಾಗ ಫೇಕ್ ವಿಡಿಯೋ ಎಂದು ಗೊತ್ತಾಯ್ತೋ ಅಂದಿನಿಂದ ಹೆಣ್ಣು ಮಕ್ಕಳಲ್ಲಿ ಆತಂಕ ಮನೆ ಮಾಡಿದೆ. ರಶ್ಮಿಕಾ ಮಂದಣ್ಣ ಕೂಡ ಆ ಪ್ರಶ್ನೆಯನ್ನೇ ಎತ್ತಿದ್ದಾರೆ. ನಟಿಯಾಗಿರುವಾಗ ಇಂಥ ವಿಡಿಯೋಗಳು ಬಂದಿದೆ. ಈಗ ನನ್ನ ಬೆಂಬಲಕ್ಕೆ ಪೋಷಕರು, ಅಭಿಮಾನಿಗಳು ನಿಂತಿದ್ದಾರೆ. ಒಂದು ವೇಳೆ ನಾನು ಕಾಲೇಜಿನಲ್ಲಿ ಇರಬೇಕಾದಾಗ ಈ ರೀತಿ ಆಗಿದ್ದರೆ ಎಂದೇ ಆತಂಕ ವ್ಯಕ್ತಪಡಿಸಿದ್ದಾರೆ.
ಡೀಪ್ ಫೇಕ್ ನಟಿಯರ ಮುಖಗಳನ್ನು ಬಳಸಿಕೊಂಡು ಮಾಡಲಾಗುತ್ತಿದೆ. ಶಕ್ತಿಶಾಲಿ ಕಂಪ್ಯೂಟರ್ ಟೆಕ್ನಾಲಜಿಗಳನ್ನು ಬಳಸಿಕೊಂಡು, ಒಬ್ಬ ವ್ಯಕ್ತಿಯ ಮುಖದೊಂದಿಗೆ ಇನ್ನೊಬ್ಬ ವ್ಯಕ್ತಿಯ ಮುಖವನ್ನು ಬದಲಾಯಿಸಿ, ಸೃಷ್ಟಿಸುವ ನಕಲಿ ವಿಡಿಯೋ ಇದಾಗಿದೆ. ಸದ್ಯಕ್ಕೆ ಈ ಟೆಕ್ನಾಲಜಿ ಬಳಸಿ ವೈರಲ್ ಮಾಡುತ್ತಿರುವ ವಿಡಿಯೋಗಳು ಅಸಹ್ಯವನ್ನೇ ಹುಟ್ಟಿಸುತ್ತಿವೆ. ಒಳ್ಳೆಯ ರೀತಿಯ ವಿಡಿಯೋಗಳಾಗಿ ಹೊರ ಬರುತ್ತಿಲ್ಲ. ಇದು ಸಹಜವಾಗಿಯೇ ಹೆಣ್ಣು ಮಕ್ಕಳ ಆತಂಕಕ್ಕೆ ಕಾರಣವಾಗಿದೆ.
Newbie Techy