Warning: Undefined array key "options" in /home/nagendra/public_html/content/plugins/elementor-pro/modules/theme-builder/widgets/site-logo.php on line 124

ಆದಿ ಯುಗದಿಂದ ಆಧುನಿಕ ಯುಗದವರೆಗೂ ಗುರುವೇ ಸಾಕ್ಷಾತ್ ದೇವರು : ಶಿಕ್ಷಕರೇ ನಿಮಗೊಂದು ಸಲಾಂ…!

Facebook
Twitter
Telegram
WhatsApp

 

 

ಸುದ್ದಿಒನ್ : ನಮ್ಮ ಸಮಾಜದಲ್ಲಿ ಗುರುವಿಗೆ ವಿಶೇಷ ಸ್ಥಾನವಿದೆ. ತಂದೆ ತಾಯಿಯ ನಂತರದ ಸ್ಥಾನ ಗುರುವಿಗೆ. ಸರಿಯಾದ ಶಿಕ್ಷಕರಿಲ್ಲದ ಜೀವನವು ನಿರರ್ಥಕವಾಗುತ್ತದೆ. ಭಾರತೀಯ ಸಂಸ್ಕೃತಿಯಲ್ಲಿ ಗುರುವಿಗೆ ವಿಶೇಷ ಸ್ಥಾನ ನೀಡಲಾಗಿದೆ.

ಮನುಷ್ಯನಿಗೆ ತನ್ನ ಜೀವನದಲ್ಲಿ ಖಂಡಿತವಾಗಿ ಯಾವುದಾದರೊಂದು ರೂಪದಲ್ಲಿ ಶಿಕ್ಷಕ ಬೇಕು. ಅಜ್ಞಾನವೆಂಬ ಅಂಧಕಾರದಿಂದ ನಮ್ಮನ್ನು ಜ್ಞಾನದ ಬೆಳಕಿನೆಡೆಗೆ ಕರೆತರುವ ವ್ಯಕ್ತಿಯೇ ಗುರು. ಅಂತಹ ಗುರುವಿನ ಬಗ್ಗೆ ಎಷ್ಟು ಹೇಳಿದರೂ ಸಾಲದು. ಸತ್ಯ ಮತ್ತು ಸುಳ್ಳಿನ ನಡುವಿನ ವ್ಯತ್ಯಾಸವನ್ನು ಹೇಳುವವರು ಅವರು. ಗುರುವಿಲ್ಲದೆ ಶಿಷ್ಯನಿಗೆ ಜ್ಞಾನ ಸಂಪಾದನೆ ಅಸಾಧ್ಯ. ನಮ್ಮ ಸಂಪ್ರದಾಯದಲ್ಲಿ ಗುರುವಿಗೆ ವಿಶೇಷ ಸ್ಥಾನವಿದೆ. ಅದಕ್ಕೇ
ಗುರು ಬ್ರಹ್ಮ ಗುರು ವಿಷ್ಣು
ಗುರು ದೇವೋ ಮಹೇಶ್ವರ,
ಗುರು ಸಾಕ್ಷಾತ್ ಪರ ಬ್ರಹ್ಮ
ತಸ್ಮೈಶ್ರೀ ಗುರವೇ ನಮಃ ಎಂದು ಕರೆಯುತ್ತೇವೆ.

ತಂದೆತಾಯಿಗಳು ಮಕ್ಕಳಿಗೆ ಜನ್ಮ ನೀಡುತ್ತಾರೆ. ಆದರೆ ಗುರುಗಳು ಆ ಮಕ್ಕಳಿಗೆ ಶಿಕ್ಷಣ ನೀಡಿ ಅವರನ್ನು ಸನ್ಮಾರ್ಗದಲ್ಲಿ ನಡೆಸುತ್ತಾರೆ ಮತ್ತು ಅವರ ಪ್ರಗತಿಗೆ ದಾರಿ ಮಾಡಿಕೊಡುತ್ತಾರೆ.

ಸೆಪ್ಟೆಂಬರ್ 5 ಡಾ. ಸರ್ವಪಲ್ಲಿ ರಾಧಾಕೃಷ್ಣನ್ ಅವರ ಜನ್ಮದಿನವಾಗಿದೆ. ಈ ಹಿನ್ನೆಲೆಯಲ್ಲಿ, ಭಾರತದಲ್ಲಿ ಪ್ರತಿ ವರ್ಷ, ಸೆಪ್ಟೆಂಬರ್ 5 ಅನ್ನು ‘ಶಿಕ್ಷಕರ ದಿನ‘ ಎಂದು ಆಚರಿಸಲಾಗುತ್ತದೆ.
ನಮ್ಮ ದೇಶದಲ್ಲಿ ಶಿಕ್ಷಕರಿಗೆ ನೀಡಿರುವ ಸ್ಥಾನವೇ ವಿಶೇಷ. ಗುರುವನ್ನು ದೇವರೆಂದು ಪೂಜಿಸುವ ಸಂಸ್ಕೃತಿ ನಮ್ಮದು. ಪಾಠ ಹೇಳುವ ಗುರುಗಳಾಗಿ, ಆಚಾರ ವಿಚಾರಗಳನ್ನು ಕಲಿಸುವ ಆಚಾರ್ಯರಾಗಿ, ತಮ್ಮ ಜ್ಞಾನವನ್ನು ಇತರರಿಗೆ ಧಾರೆ ಎರೆಯುವ ಮೂಲಕ ಬದುಕಿನಲ್ಲಿ ಬೆಳಕು ಚೆಲ್ಲುವ ಅನೇಕ ಗುರುಗಳಿದ್ದಾರೆ.

ಗುರುಗಳು ನೀಡಿದ ಜ್ಞಾನವೇ ನಮ್ಮನ್ನು ಉತ್ತುಂಗಕ್ಕೇರಿಸುತ್ತದೆ. ಅವರ ಬೋಧನೆಯಿಂದ ನಮ್ಮ ಕನಸುಗಳನ್ನು ನನಸಾಗಿಸಿಕೊಳ್ಳುತ್ತೇವೆ. ಗುರುಗಳು ತಮ್ಮ ಶಕ್ತಿ ಮತ್ತು ಅಮೂಲ್ಯ ಸಮಯವನ್ನು ನಮಗಾಗಿ ವ್ಯಯಿಸುವ ನಿಸ್ವಾರ್ಥ ವ್ಯಕ್ತಿಗಳು.
ಅವರು ನಮಗೆ ಏಳಿಗೆಗಾಗಿ ಶ್ರಮಿಸುತ್ತಾರೆ.  ಅವರು ನಮಗಾಗಿ ದಣಿವರಿಯಿಲ್ಲದೆ ಕೆಲಸ ಮಾಡುತ್ತಾರೆ.

ಗುರುಗಳ ಸ್ಪೂರ್ತಿದಾಯಕ ಮಾತುಗಳು ನಮ್ಮ ಜೀವನವನ್ನು ಬದಲಾಯಿಸುತ್ತವೆ.  ಅವರು ಹೇಳಿಕೊಟ್ಟ ಮಾತುಗಳು ಜ್ಞಾನದ ರೂಪದಲ್ಲಿ ನಮ್ಮ ಜೀವನದಲ್ಲಿ ಬೆಳಕನ್ನು ತುಂಬುತ್ತವೆ. ಗುರುಗಳು ನೀಡಿದ ಸ್ಫೂರ್ತಿಯಿಂದ ನಾವು ಎತ್ತರಕ್ಕೆ ಬೆಳೆಯುತ್ತೇವೆ. ಗುರುವಿನ ಋಣ ಎಂದೂ ತೀರಿಸಲಾಗದು. ಆದಿ ಯುಗದಿಂದ ಆಧುನಿಕ ಯುಗಕ್ಕೆ ಗುರುವೇ ಸಾಕ್ಷಾತ್ ದೇವರು.

ವಿದ್ಯಾರ್ಥಿಗಳ ಭವಿಷ್ಯಕ್ಕೆ ಮೆಟ್ಟಿಲು ಕಟ್ಟಿದ ಅಕ್ಷರ ಕಾರ್ಮಿಕ ವಿದ್ಯಾರ್ಥಿಗಳ ಬೆಳವಣಿಗೆ ನೋಡುತ್ತಾ.. ಬದುಕಿನ ತೋಟದಲ್ಲಿ ಅನಗತ್ಯ ಕಳೆಯನ್ನು ಹೋಗಲಾಡಿಸುವವರು ಶಿಕ್ಷಕ. ಅದಕ್ಕೇ ನಮ್ಮ ಸಮಾಜ ಮಾತೃದೇವೋ ಭವ.. ಪಿತೃದೇವೋ ಭವ.. ಆಚಾರ್ಯ ದೇವೋಭವ..ಎಂದು ಎಂದೆಂದಿಗೂ ಶಿಕ್ಷಕರನ್ನು ಸ್ಮರಿಸುತ್ತೇವೆ.

ದೇವರು ಮತ್ತು ಗುರುಗಳು ಅಕ್ಕಪಕ್ಕದಲ್ಲಿದ್ದರೆ ಮೊದಲು ಗುರುವಿಗೆ ನಮಸ್ಕರಿಸುತ್ತೇನೆ ಎಂದು ಕಬೀರದಾಸರು ಹೇಳುತ್ತಾರೆ. ಏಕೆಂದರೆ
ದೇವರು ಎಂದರೆ ಯಾರೆಂದು ಹೇಳಿಕೊಟ್ಟಿದ್ದೇ ಗುರುಗಳು ಎಂದು ಹೇಳುತ್ತಾರೆ. ಒಬ್ಬ ಶಿಕ್ಷಕ ಸಮಾಜಕ್ಕೆ ಬಹಳಷ್ಟು ಒಳ್ಳೆಯದನ್ನು ಮಾಡುತ್ತಾನೆ. ಗುರುವು ಯಾವುದೋ ಸಂದರ್ಭದಲ್ಲಿ ಮಾಡಿದ ತಪ್ಪನ್ನು ಶಿಷ್ಯನು ಮಾಡದಂತೆ ಮುನ್ನಡೆಸುವ ಮಾರ್ಗದರ್ಶಕ.
ನಿಸ್ವಾರ್ಥ ಹೃದಯದಿಂದ ತಮ್ಮ ವಿದ್ಯಾರ್ಥಿಗಳನ್ನು ಶ್ರೇಷ್ಠರನ್ನಾಗಿಸುತ್ತಿರುವ ಶಿಕ್ಷಕರೇ ನಿಮಗೊಂದು ಸಲಾಂ.

ಎಲ್ಲಾ ಶಿಕ್ಷಕರಿಗೆ ಸುದ್ದಿಒನ್ ಓದುಗರ ಪರವಾಗಿ ಶಿಕ್ಷಕರ ದಿನಾಚರಣೆಯ ಶುಭಾಶಯಗಳು.

Facebook
Twitter
Telegram
WhatsApp
suddionenews

suddionenews

Leave a Comment

Top Stories

ಈ ರಾಶಿಯವರ ಮದುವೆ ಯಾವಾಗ ಆಗುತ್ತೆ? ಎಂಬ ಚಿಂತೆಯಲ್ಲಿ ವಯಸ್ಸು ಮೀರುತಿದೆ.

ಈ ರಾಶಿಯವರ ಮದುವೆ ಯಾವಾಗ ಆಗುತ್ತೆ? ಎಂಬ ಚಿಂತೆಯಲ್ಲಿ ವಯಸ್ಸು ಮೀರುತಿದೆ. ಈ ರಾಶಿಯವರು ತುಂಬಾ ದಿವಸದಿಂದ ಪ್ರೀತಿಸುತ್ತಿದ್ದಾರೆ ಆದರೆ ಇವರ ಜೊತೆ ಮದುವೆ ಆಗುತ್ತೋ ಇಲ್ವೋ ಎಂಬ ಅನುಮಾನ, ಭಾನುವಾರ- ರಾಶಿ ಭವಿಷ್ಯ

ಪ್ರಜ್ವಲ್ ವಿಡಿಯೋ ಕೇಸ್ : ದೇಹದ ಆರೋಗ್ಯ ಮಾತ್ರವಲ್ಲ ಸಮಾಜದ ಆರೋಗ್ಯವನ್ನು ಸುಧಾರಿಸಬೇಕು ಡಾ. ಮಂಜುನಾಥ್

ರಾಮನಗರ: ರಾಜ್ಯದಲ್ಲಷ್ಟೇ ಅಲ್ಲ ದೇಶದಲ್ಲೂ ಪ್ರಜ್ವಲ್ ರೇವಣ್ಣ ಅವರ ಅಶ್ಲೀಲ ವಿಡಿಯೋ ಪ್ರಕರಣ ಸದ್ದು ಮಾಡುತ್ತಿದೆ. ಎಸ್ಐಟಿ ಅಧಿಕಾರಿಗಳು ಪ್ರಜ್ವಲ್ ರೇವಣ್ಣ ತನಿಖೆಗೆ ಕಾಯುತ್ತಿದ್ದಾರೆ. ಆದರೆ ಪ್ರಜ್ವಲ್ ರೇವಣ್ಣ ರಾಜ್ಯಕ್ಕೆ ಬರುವ ಸಾಹಸ ಮಾಡುತ್ತಿಲ್ಲ.

ಸರ್ಕಾರಿ ಮತ್ತು ಖಾಸಗಿ ಶಾಲೆಗಳ ಗಂಭೀರ ಸಮಸ್ಯೆಗಳ ಪರಿಹಾರಕ್ಕೆ ಡಿ.ಟಿ. ಶ್ರೀನಿವಾಸ್ ಅವರನ್ನು ಬೆಂಬಲಿಸಿ : ಶಾಸಕ ಟಿ. ರಘುಮೂರ್ತಿ

  ವರದಿ ಮತ್ತು ಫೋಟೋ ಕೃಪೆ ಸುರೇಶ್ ಬೆಳಗೆರೆ ಮೊ : 97398 75729 ಸುದ್ದಿಒನ್, ಚಳ್ಳಕೆರೆ, ಮೇ. 18 : ಜನಪರ ಆಡಳಿತ ಮಾಡುತ್ತಿರುವ ಕಾಂಗ್ರೆಸ್ ಸರ್ಕಾರ ಸರ್ವರಿಗೂ ಅನುಕೂಲವಾಗುವಂತೆ ರೂಪಿಸುವ ಯೋಜನೆಗಳು

error: Content is protected !!