ಭಾರತ – ಪಾಕಿಸ್ತಾನ ನಡುವಿನ ಟಿ20 ಪಂದ್ಯ ರದ್ದಿಗೆ ಶಾಸಕ ಜಿ.ಹೆಚ್. ತಿಪ್ಪಾರೆಡ್ಡಿ ಒತ್ತಾಯ..!

ಭಾರತ – ಪಾಕಿಸ್ತಾನ ನಡುವಿನ ಟಿ20 ಪಂದ್ಯ ರದ್ದಿಗೆ ಶಾಸಕ ಜಿ.ಹೆಚ್. ತಿಪ್ಪಾರೆಡ್ಡಿ ಒತ್ತಾಯ..!

ಸುದ್ದಿಒನ್, ಚಿತ್ರದುರ್ಗ, (ಅ.20): ಕಾಶ್ಮೀರದಲ್ಲಿ ಭಾರತೀಯ ಮೂಲನಿವಾಸಿಗಳ ಮೇಲೆ ಹಲ್ಲೆ- ಕೊಲೆ ನಡೆದಿದೆ. ಇತ್ತ ಭಾರತ – ಪಾಕಿಸ್ತಾನ ಪಂದ್ಯ ನಡೆಸಲು ಆಯೋಜಕರು ತಯಾರಿ ನಡೆಸುತ್ತಿದ್ದಾರೆ.ಇದಕ್ಕೆ ಶಾಸಕ ತಿಪ್ಪಾರೆಡ್ಡಿ ವಿರೋಧ ವ್ಯಕ್ತಪಡಿಸಿದ್ದಾರೆ.

ನಗರದಲ್ಲಿ ಸುದ್ದಿಗಾರರೊಂದಿಗೆ ಬುಧವಾರ ಬೆಳಿಗ್ಗೆ ಮಾತನಾಡಿ, ಭಾರತ-ಪಾಕಿಸ್ತಾನ ನಡುವಿನ ಟಿ20 ಪಂದ್ಯ ರದ್ದಿಗೆ ಚಿತ್ರದುರ್ಗ ಶಾಸಕ ಜಿ ಹೆಚ್ ತಿಪ್ಪಾರೆಡ್ಡಿ ಒತ್ತಾಯಿಸಿದ್ದು, ನಿರಪರಾಧಿಗಳು ಮೂಲ ಭಾರತೀಯರ ಹತ್ಯೆ ನಡೆಯುತ್ತಿದೆ. ಭಾರತದ ಕ್ರಿಕೆಟ್ ಮಂಡಳಿ ಕ್ರೀಡೆ ಆಯೋಜಿಸಬಾರದು.

ಈ ಬಗ್ಗೆ ಸರ್ಕಾರ ಕಠಿಣ ನಿರ್ಧಾರ ತೆಗೆದುಕೊಳ್ಳಬೇಕು. ಪಂದ್ಯ ರದ್ದುಮಾಡಿ ಭಾರತ ಪ್ರತಿಭಟನೆ ದಾಖಲಿಸಬೇಕು. ಪಾಕಿಸ್ತಾನದ ಈ ಧೋರಣೆಯನ್ನು ಖಂಡಿಸಬೇಕಿದೆ. ಕಾಶ್ಮೀರಿ ಪಂಡಿತರು ಹಾಗೂ ಕೂಲಿ ಮಾಡಲು ಹೋದವರು ಹತ್ಯೆಯಾಗಿದ್ದಾರೆ. ಯಾವುದೇ ಕಾರಣಕ್ಕೂ ಪಾಕಿಸ್ತಾನ ಜೊತೆ ಪಂದ್ಯ ಬೇಡ. ಪ್ರಪಂಚದಲ್ಲಿ ಭಾರತವನ್ನು ಯಾವುದೇ ಭಾವನೆಯಿಂದ ನೋಡಿದ್ರೂ ಪರವಾಗಿಲ್ಲ. ನನ್ನದೊಂದು ಸಲಹೆ ಪಾಕಿಸ್ತಾನ ಜೊತೆ ಮ್ಯಾಚ್ ಬೇಡ ಎಂದಿದ್ದಾರೆ.