ವರದಿ ಮತ್ತು ಫೋಟೋ ಕೃಪೆ ಕೆ.ಎಂ.ಮುತ್ತುಸ್ವಾಮಿ ಕಣ್ಣನ್
ಮೊ : 78998 64552
ಚಿತ್ರದುರ್ಗ, (ಜ.11): 2021-22 ನೇ ಸಾಲಿನಲ್ಲಿ ನಡೆದ ಬಿ.ಸಿ.ಎ. ಪದವಿ ಪರೀಕ್ಷೆಯಲ್ಲಿ ನಗರದ ವಿ.ಪಿ.ಬಡಾವಣೆಯಲ್ಲಿರುವ ಬಿಟ್ಸ್ ಹೈಟೆಕ್ ಪದವಿ ಕಾಲೇಜಿನ ವಿದ್ಯಾರ್ಥಿ ಅನೀಶ್ ಎಚ್.ಜಿ. ದಾವಣಗೆರೆ ವಿಶ್ವವಿದ್ಯಾನಿಲಯದಿಂದ ಪ್ರಥಮ ರ್ಯಾಂಕ್ ಗಳಿಸಿ ಕಾಲೇಜಿಗೆ ಕೀರ್ತಿ ತಂದಿದ್ದಾರೆ.
ಬಿಟ್ಸ್ ಹೈಟೆಕ್ ಪದವಿ ಕಾಲೇಜು ಆರಂಭವಾದಾಗಿನಿಂದಲೂ ಪ್ರತಿ ವರ್ಷ ತಪ್ಪದೆ ಸತತವಾಗಿ ಇದುವರೆವಿಗೂ ಮೂರು ಪ್ರಥಮ, ಎರಡು ದ್ವಿತೀಯ, ಒಂದು ತೃತೀಯ ರ್ಯಾಂಕ್ಗಳೊಂದಿಗೆ ಒಟ್ಟು ಹನ್ನೊಂದು ರ್ಯಾಂಕ್ಗಳನ್ನು ವಿಶ್ವವಿದ್ಯಾನಿಲಯದ ಮಟ್ಟದಲ್ಲಿ ಪಡೆದಿರುವುದು ವಿಶೇಷ. ವಿದ್ಯಾರ್ಥಿ ಅನೀಶ್ ಎಚ್.ಜಿ. ಇವರ ಸಾಧನೆಗೆ ಕಾಲೇಜಿನ ಪ್ರಾಚಾರ್ಯರು, ಬೋಧಕ ವೃಂದ ಹಾಗೂ ಆಡಳಿತ ಮಂಡಳಿಯವರು ಅಭಿನಂದಿಸಿದ್ದಾರೆ.
