ರಾಮಗಢ: ಇತ್ತೀಚೆಗೆ ಯುಪಿಎಸ್ಸಿ ಫಲಿತಾಂಶ ಹೊರಬಿದ್ದಿದೆ. ಇದರಲ್ಲಿ ರ್ಯಾಂಕ್ ಪಡೆದವರೆಲ್ಲಾ ಸಂಭ್ರಮಿಸಿದ್ದಾರೆ. ಅವರ ಸುದ್ದಿ ಮಾಧ್ಯಮದಲ್ಲೂ ಪ್ರಸಾರವಾಗಿದೆ. ಇದೆ ರೀತಿ ದಿವ್ಯಾ ಪಾಂಡೆ ಎಂಬ ವಿದ್ಯಾರ್ಥಿನಿಯೂ ರ್ಯಾಂಕ್ ಬಂದಿದ್ದಾಳೆಂಬ ಸುದ್ದಿ ಹರಿದಾಡಿತ್ತು. ಮನೆಯವರು ಸಂಭ್ರಮಿಸಿದ್ದರು. ಸ್ಥಳೀಯರು ಸನ್ಮಾನಿಸಿದ್ದರು. ಆದರೆ ಹೆಸರಿನ ಗೊಂದಲವಾಗಿ ಆ ಸಂಭ್ರಮವೆಲ್ಲಾ ಸುಳ್ಳಾಗಿದೆ. ಈ ಬಗ್ಗೆ ಆಕೆಯ ಕುಟುಂಬಸ್ಥರೇ ಸ್ಪಷ್ಟನೆ ನೀಡಿದ್ದಾರೆ.
ದಿವ್ಯಾ ಪಾಂಡೆ ಮನೆಯವರ ಸಂಭ್ರಮಕ್ಕೆ ಜಾರ್ಖಂಡ್ ಜಿಲ್ಲಾಡಳಿತ ಮತ್ತು ಸೆಂಟ್ರಲ್ ಕೋಲ್ಫೀಲ್ಡ್ಸ್ ನಿಗಮ (ಸಿಸಿಎಲ್) ಕೂಡ ಸನ್ಮಾನ ಮಾಡಿತ್ತು. ದಕ್ಷಿಣ ಭಾರತ ಮೂಲದ ದಿವ್ಯಾ.ಪಿ ಯುಪಿಎಸ್ಸಿ ನಲ್ಲಿ ರ್ಯಾಂಕ್ ಬಂದಿರುವುದು. ಆದರೆ, ಫ್ರೆಂಡ್ಸ್ ಮಾಡಿದ ಮಿಸ್ಟೇಕ್ನಿಂದ ದಿವ್ಯಾ ಪಾಂಡೆ ಕುಟುಂಬಸ್ಥರು ಸಂಭ್ರಮ ಪಟ್ಟಿದ್ದರು.
ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಕುಟುಂಬಸ್ಥರು, ಯುಪಿಎಸ್ಸಿ ಪರೀಕ್ಷೆಯಲ್ಲಿ 323ನೇ ರ್ಯಾಂಕ್ನಲ್ಲಿ ಪಾಸ್ ಆಗಿರುವ ಬಗ್ಗೆ ನನ್ನ ಅಕ್ಕನಿಗೆ ಉತ್ತರ ಪ್ರದೇಶ ಮೂಲದ ಫ್ರೆಂಡ್ಸ್ ಫೋನ್ ಮೂಲಕ ತಿಳಿಸಿದರು. ನಾವು ಯುಪಿಎಸ್ಸಿ ಫಲಿತಾಂಶ ನೋಡಲು ವೆಬ್ಸೈಟ್ ಪರಿಶೀಲಿಸಿದೆವು. ಆದರೆ, ಇಂಟರ್ನೆಟ್ ಸರಿಯಾಗಿ ಕಾರ್ಯನಿರ್ವಹಿಸುತ್ತಿರಲಿಲ್ಲ. ಹೀಗಾಗಿ ಇಷ್ಟೆಲ್ಲ ರಾದ್ಧಾಂತವಾಯಿತು. ನಮ್ಮಿಂದ ಎಡವಟ್ಟಾಗಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ.
