ಎಲ್ಲಾ ಕಾಯ್ದೆಗಳನ್ನು ಹಾಕಿ, ಹೊರಗೆ ಬಾರದಂತೆ ಬುದ್ಧಿ ಕಲಿಸಬೇಕು : ರಾಜಶೇಖರನಾಂದ ಸ್ವಾಮೀಜಿ

ಶಿವಮೊಗ್ಗ: ಸರ್ಕಾರವನ್ನು ಆಗ್ರಹ ಮಾಡುತ್ತೀವಿ. ಕೇವಲ ಬಾಯಿ ಮಾತಿನಲ್ಲಿ ಹೇಳುವುದನ್ನು ಸಾಕು ಮಾಡಿ. ಕಾನೂನನ್ನು ತಕ್ಷಣವಾಗಿ ಜಾರಿ ಮಾಡಿ. ಎರಡ್ಮೂರು ದಿವಸದ ಒಳಗೆ ಇವರಿಂದ ಏನು ಸಮಾಜಕ್ಕೆ ಅನಾಹುತವಾಗಿದೆ, ಉತ್ತರಪ್ರದೇಶದಲ್ಲಿ ಒಳ್ಳೆಯ ಕಾನೂನು ರಚನೆ ಮಾಡಿರುವುದರಿಂದ ಈಗ ಅಲ್ಲೆಲ್ಲ ನಿಂತಿದೆ. ಅಂತ ಕಾನೂನನ್ನು ಕರ್ನಾಟಕದಲ್ಲೂ ತನ್ನಿ. ಇಡೀ ಭಾರತ ದೇಶಕ್ಕೆ ಜಾಹೀರಾಗಬೇಕೆಂದು ಆಗ್ರಹಿಸುತ್ತೇವೆ ಎಂದು ರಾಜಶೇಖರನಾಂದ ಸ್ವಾಮೀಜಿ ಆಗ್ರಹಿಸಿದ್ದಾರೆ.

ದುರ್ಬಲಗೊಳಿಸುವ ಪ್ರಕ್ರಿಯೆ ಈ ಹಿಂದೆ ಕಾಶ್ಮೀರದಲ್ಲಿ ನಡೆಯಿತು. ಇವತ್ತು ಈ ಕಾಶ್ಮೀರದ ಫೈಲ್ಸ್ ಗಳು ಭಾರತದಾದ್ಯಂತ ನಡೆಯುವ ಪ್ರಕ್ರಿಯೆಗೆ ಚಾಲನೆ ಕೊಟ್ಟಿದ್ದಾರೆಂಬ ಒಂದೇ ಒಂದು ಉದಾಹರಣೆಯ ಪ್ರಕರಣ. ಈ ಪ್ರಕರಣಗಳಿಗೆ ತೀಲಾಂಜಲಿ ಇಡಬೇಕು. ಇಲ್ಲಿಯೇ ಇದು ನಿಲ್ಲಬೇಕು. ಯಾವುದೇ ಕಾರಣಕ್ಕು ಇಂಥ ಘಟನೆಗಳು ತಲೆ ಎತ್ತದಂತ ಕಾರ್ಯ ಪೊಲೀಸ್ ಇಲಾಖೆ ಮಾಡಬೇಕು. ಅಷ್ಟೇ ಪ್ರಬುದ್ಧವಾಗಿ ನಮ್ಮ ಭಾರತದ ನಾಗರಿಕರಿಗೆ ಇದೆ.

ಇನ್ನು ಇದು ಮುಂದುವರೆದು ಮಸೀದಿಗಳಲ್ಲಿ ಕೂಗುವಂತ ಪ್ರಕ್ರಿಯೆಗಳು ನಡೆಯುತ್ತಾ ಇವೆ. ಏನು ಕೂಗೋದು. ಸಮಾಜವನ್ನು ಒಂದು ಕಡೆ ಹಾಳು ಮಾಡುವುದು. ಇನ್ನೊಂದು ಕಡೆ ಕೂಗಿ ಬೊಬ್ಬೆ ಇಡುವುದು. ಇದೆಲ್ಲವೂ ಕೂಡ ಭಾರತದ ಒಳಗೆ ನಡೀತಾ ಇದೆ. ಹಾಗಾಗಿ ಭಾರತದೊಳಗೆ ನಡೆಯುವ ಈ ಪ್ರಕ್ರಿಯೆಗಳು ಆದಷ್ಟು ಶೀಘ್ರದಲ್ಲಿ ತೀಲಾಂಜಲಿ ಇಡುವ ಅವಶ್ಯಕತೆಯನ್ನು ನಡೆಸಬೇಕೆಂದು ಕೇಳಿಕೊಳ್ಳುತ್ತೇನೆ. ಯಾರು ಆರೋಪಿಗಳು ಈ ರೀತಿಯಾಗಿ ದಾಳಿ ಮಾಡಿದ್ದಾರೆ, ತಕ್ಷಣವಾಗಿ ಬಂಧಿಸಿ ಏನೆಲ್ಲಾ ಕಾಯ್ದೆಗಳಿವೆ ಅದೆಲ್ಲವನ್ನು ಹಾಕಿ ಹೊರಗೆ ಬರದಂತೆ ಮುಟ್ಟುಗೋಲು ಹಾಕಬೇಕು. ಆಗ ಮುಂದಿನ ದಿನಗಳಲ್ಲಿ ಎಲ್ಲಾ ಸಮಾಜ ಜಾಗೃತಿಯಾಗುತ್ತೆ ಎಂದು ಸ್ವಾಮೀಜಿಗಳು ತಿಳಿಸಿದ್ದಾರೆ.