ನವದೆಹಲಿ : ಬೆಳಕಿನ ನಿಯಂತ್ರಿತ ಅಯಾನ್ ಚಾನೆಲ್‌ಗಳು ಹಾಗೂ ‘ಆಪ್ಟೊಜೆನೆಟಿಕ್ಸ್’ ತಂತ್ರಜ್ಞಾನಕ್ಕೆ ಸಂಬಂಧಿಸಿದ ಮಹತ್ವದ ಆವಿಷ್ಕಾರಗಳಿಗಾಗಿ 2026ರ ಸಾಲಿನ ವೈದ್ಯಕೀಯ ನೊಬೆಲ್ ಪ್ರಶಸ್ತಿ (Nobel Prize )ಯನ್ನು ಜಂಟಿಯಾಗಿ ಮೂವರು ವಿಜ್ಞಾನಿಗಳಿಗೆ (scientists) ಘೋಷಿಸಲಾಗಿದೆ.
ಸ್ವೀಡನ್‌ನ ಕ್ಯಾರೋಲಿನ್ಸ್ಕಾ ಸಂಸ್ಥೆಯ ನೊಬೆಲ್ ಅಸೆಂಬ್ಲಿಯು ಅಕ್ಟೋಬರ್ 5, ಸೋಮವಾರದಂದು ಈ ಸಾಲಿನ ಶರೀರಶಾಸ್ತ್ರ ಅಥವಾ ವೈದ್ಯಕೀಯ ಕ್ಷೇತ್ರದ ನೊಬೆಲ್ ಪ್ರಶಸ್ತಿಯನ್ನು ಪ್ರಕಟಿಸಿದೆ. ಅಮೆರಿಕದ ಕಾರ್ಲ್ ಡಿಸೆರೋತ್, ಜರ್ಮನಿಯ ಪೀಟರ್ ಹೆಗೆಮನ್ ಹಾಗೂ ಜಾರ್ಜ್ ನಗೆಲ್ ಅವರು ಜಂಟಿಯಾಗಿ ಈ ಗೌರವಕ್ಕೆ ಪಾತ್ರರಾಗಿದ್ದಾರೆ.
BREAKING NEWS
The 2026 #NobelPrize in Physiology or Medicine has been awarded to Karl Deisseroth, Peter Hegemann and Georg Nagel “for their discoveries concerning light-gated ion channels and optogenetics.” pic.twitter.com/pkDDEBWtkz— The Nobel Prize (@NobelPrize) October 5, 2026
ಬೆಳಕಿನ ಮೂಲಕ ಮೆದುಳಿನ ನರಕೋಶಗಳನ್ನು ನಿಯಂತ್ರಿಸುವ ಮತ್ತು ಅಧ್ಯಯನ ಮಾಡುವ ಕ್ರಾಂತಿಕಾರಿ ‘ಆಪ್ಟೊಜೆನೆಟಿಕ್ಸ್’ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುವಲ್ಲಿ ಈ ಮೂವರು ವಿಜ್ಞಾನಿಗಳು ಮಹತ್ತರ ಪಾತ್ರ ವಹಿಸಿದ್ದಾರೆ. ಬೆಳಕಿಗೆ ಪ್ರತಿಕ್ರಿಯಿಸುವ ಅಯಾನ್ ಚಾನೆಲ್‌ಗಳನ್ನು ಗುರುತಿಸಿ, ಅವುಗಳನ್ನು ಜೀವಕೋಶಗಳಲ್ಲಿ ಯಶಸ್ವಿಯಾಗಿ ಅಳವಡಿಸುವ ಮೂಲಕ ನರವಿಜ್ಞಾನ ಕ್ಷೇತ್ರದಲ್ಲಿ ಇವರು ಹೊಸ ಮೈಲಿಗಲ್ಲನ್ನು ಸ್ಥಾಪಿಸಿದ್ದಾರೆ.
ಈ ಆವಿಷ್ಕಾರವು ಮೆದುಳಿನ ಸಂಕೀರ್ಣ ಕಾರ್ಯವಿಧಾನಗಳನ್ನು ಅರ್ಥಮಾಡಿಕೊಳ್ಳಲು ಜಾಗತಿಕ ಮಟ್ಟದಲ್ಲಿ ದೊಡ್ಡ ಸಹಾಯ ಮಾಡಿದೆ. ವಿಶೇಷವಾಗಿ ಪಾರ್ಕಿನ್ಸನ್, ಖಿನ್ನತೆ, ಅಪಸ್ಮಾರ ಸೇರಿದಂತೆ ಹಲವು ನರಸಂಬಂಧಿ ಕಾಯಿಲೆಗಳ ಮೂಲವನ್ನು ಅರಿಯಲು ಮತ್ತು ಮುಂದಿನ ದಿನಗಳಲ್ಲಿ ಅವುಗಳಿಗೆ ನಿಖರ ಚಿಕಿತ್ಸೆ ಕಂಡುಕೊಳ್ಳಲು ಈ ತಂತ್ರಜ್ಞಾನವು ಹೊಸ ದಾರಿಗಳನ್ನು ತೆರೆದುಕೊಟ್ಟಿದೆ.
