ದೆಹಲಿ.ಸೆಪ್ಟೆಂಬರ್.06: ದೇಶದ ಪ್ರಮುಖ ಸಾರ್ವಜನಿಕ ವಲಯದ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ತನ್ನ ಗ್ರಾಹಕರಿಗೆ ಬಿಗ್ ಶಾಕ್ ನೀಡಿದೆ. ಎಟಿಎಂ ಉಚಿತ ವಹಿವಾಟಿನ ಮಿತಿಯಲ್ಲಿ ಮಹತ್ವದ ಬದಲಾವಣೆಗಳನ್ನು ಮಾಡಿದ್ದು, ಉಚಿತ ವಿತ್ಡ್ರಾವಲ್ ಸಂಖ್ಯೆಯನ್ನು ಕಡಿತಗೊಳಿಸಿದೆ.
ವಿಶೇಷವಾಗಿ ಸ್ಯಾಲರಿ (ವೇತನ) ಖಾತೆದಾರರಿಗೆ ಈ ನಿಯಮಗಳು ಅನ್ವಯವಾಗಲಿದ್ದು, ಇತರ ಬ್ಯಾಂಕ್ಗಳ ಎಟಿಎಂಗಳಲ್ಲಿ ನಡೆಸುವ ಉಚಿತ ವಹಿವಾಟುಗಳ ಸಂಖ್ಯೆಯನ್ನು ಅರ್ಧಕ್ಕಿಳಿಸಲಾಗಿದೆ.
ಹೊಸ ನಿಯಮಗಳು ಮತ್ತು ಶುಲ್ಕಗಳ ವಿವರ:
ಇತರ ಬ್ಯಾಂಕ್ ಎಟಿಎಂ ವಹಿವಾಟು ಮಿತಿ ಕಡಿತ: ಈ ಹಿಂದೆ ಸ್ಯಾಲರಿ ಖಾತೆದಾರರಿಗೆ ಇತರ ಬ್ಯಾಂಕ್ಗಳ ಎಟಿಎಂಗಳಲ್ಲಿ ತಿಂಗಳಿಗೆ 10 ಉಚಿತ ವಹಿವಾಟುಗಳಿಗೆ ಅವಕಾಶವಿತ್ತು. ಈಗ ಅದನ್ನು 5ಕ್ಕೆ ಇಳಿಸಲಾಗಿದೆ.
ಹೆಚ್ಚುವರಿ ಶುಲ್ಕ: ನಿಗದಿತ 5 ಉಚಿತ ವಹಿವಾಟುಗಳು ಮುಗಿದ ನಂತರ, ಪ್ರತಿ ನಗದು ವಿತ್ಡ್ರಾವಲ್ಗೆ 23 ರೂ. (+GST) ಹಾಗೂ ನಗದು ರಹಿತ (Non-cash) ವಹಿವಾಟುಗಳಿಗೆ 11 ರೂ. (+GST) ಶುಲ್ಕ ವಿಧಿಸಲಾಗುತ್ತದೆ.
ಎಸ್ಬಿಐ ಎಟಿಎಂಗಳು: ಎಸ್ಬಿಐ ಎಟಿಎಂಗಳಲ್ಲಿ ಸ್ಯಾಲರಿ ಖಾತೆದಾರರು ತಿಂಗಳಿಗೆ 10 ಉಚಿತ ವಹಿವಾಟುಗಳನ್ನು ಎಂದಿನಂತೆ ಮುಂದುವರಿಸಬಹುದು.
ವ್ಯಾಪ್ತಿ: ಮೆಟ್ರೋ ಹಾಗೂ ನಾನ್-ಮೆಟ್ರೋ ನಗರಗಳೆಂಬ ಯಾವುದೇ ವ್ಯತ್ಯಾಸವಿಲ್ಲದೆ ಎಲ್ಲಾ ಕಡೆಗಳಲ್ಲೂ ಅಕ್ಟೋಬರ್ 1ರಿಂದ ಈ ನಿಯಮ ಅನ್ವಯವಾಗಲಿದೆ. ಎಲ್ಲಾ ಶ್ರೇಣಿಯ ಎಸ್ಬಿಐ ಸ್ಯಾಲರಿ ಖಾತೆದಾರರಿಗೆ ಇದು ಅನ್ವಯಿಸುತ್ತದೆ.
ಸಾಮಾನ್ಯ ಉಳಿತಾಯ ಹಾಗೂ ಬೇಸಿಕ್ ಸೇವಿಂಗ್ಸ್ ಖಾತೆದಾರರ ಸ್ಥಿತಿ:
ಸಾಮಾನ್ಯ ಖಾತೆದಾರರು: ಸ್ಯಾಲರಿ ಖಾತೆ ಹೊಂದಿರದ ಸಾಮಾನ್ಯ ಉಳಿತಾಯ ಖಾತೆದಾರರಿಗೆ ಪ್ರಸ್ತುತ ಇರುವ 5 ಉಚಿತ ವಹಿವಾಟುಗಳ ಮಿತಿಯಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ. 5ರ ನಂತರ ಸಾಮಾನ್ಯ ಶುಲ್ಕಗಳು ಅನ್ವಯವಾಗುತ್ತವೆ.
ಬೇಸಿಕ್ ಸೇವಿಂಗ್ಸ್ ಅಕೌಂಟ್ (BSBD): ಬೇಸಿಕ್ ಸೇವಿಂಗ್ಸ್ ಖಾತೆದಾರರಿಗೆ ತಿಂಗಳಿಗೆ ಕೇವಲ 4 ಉಚಿತ ವಹಿವಾಟುಗಳಿಗೆ ಮಾತ್ರ ಅವಕಾಶವಿರುತ್ತದೆ. ನಾಲ್ಕು ವಹಿವಾಟು ಮೀರಿದರೆ ಪ್ರತಿ ಹೆಚ್ಚುವರಿ ವಹಿವಾಟಿಗೆ 15 ರೂ. (+GST) ಶುಲ್ಕ ಪಾವತಿಸಬೇಕಾಗುತ್ತದೆ.
ಈ ಎಲ್ಲಾ ಪರಿಷ್ಕೃತ ನಿಯಮಗಳು ಅಕ್ಟೋಬರ್ 1ರಿಂದ ಜಾರಿಗೆ ಬರಲಿವೆ ಎಂದು ಎಸ್ಬಿಐ ತಿಳಿಸಿದೆ.
