ದೇಶದ ಗಡಿಯಲ್ಲಿ ಹಗಲು-ರಾತ್ರಿ ಎನ್ನದೆ ಕರ್ತವ್ಯ ನಿರ್ವಹಿಸುವ ಯೋಧನೊಬ್ಬ ಹಂಚಿಕೊಂಡಿರುವ ನೋವಿನ ಮಾತುಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿವೆ. ಸೈನಿಕರ ಸೇವೆಯನ್ನು ಕೇವಲ ವೇತನಕ್ಕೆ ಹೋಲಿಸದೆ, ಅವರ ತ್ಯಾಗ ಮತ್ತು ಕರ್ತವ್ಯನಿಷ್ಠೆಯನ್ನು ಗೌರವಿಸಬೇಕು ಎಂಬ ಸಂದೇಶವನ್ನು ಅವರು ನೀಡಿದ್ದಾರೆ.
ಇತ್ತೀಚೆಗೆ ಲಡಾಖ್ನಲ್ಲಿ ಪ್ರವಾಸಿಗರೊಬ್ಬರು ಭದ್ರತಾ ಕಾರಣಕ್ಕಾಗಿ ಸೈನಿಕರು ರಸ್ತೆಯನ್ನು ಕೆಲಕಾಲ ಬಂದ್ ಮಾಡಿದ್ದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದರು. ಈ ವೇಳೆ ಸೈನಿಕರು ಜನರ ತೆರಿಗೆ ಹಣದಿಂದ ವೇತನ ಪಡೆಯುತ್ತಾರೆ ಎಂಬ ರೀತಿಯಲ್ಲಿ ಮಾತನಾಡಿದ್ದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಈ ಹೇಳಿಕೆಗೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿತ್ತು.
“She says, ‘you get salary from our taxes’.
ಇದನ್ನು ಓದಿಜಾರ್ಖಂಡ್ನಲ್ಲಿ ವಿದ್ಯಾರ್ಥಿಗಳ ಭರ್ಜರಿ ಹೋರಾಟಕ್ಕೆ ಮಣಿದ ಸರ್ಕಾರ; 22 ನೇಮಕಾತಿ ಪರೀಕ್ಷೆ ರದ್ದು, ತನಿಖೆಗೆ ಆದೇಶWe stay away from our families, not for the salary, but for our country, for you. We’re ready to lay down our lives for you. Sharam karo.”
A heartfelt message from a soldier who is clearly hurt. 🥹❤️🇮🇳 pic.twitter.com/FGjqfh76ja
— Shilpa (@shilpa_cn) August 20, 2026
ಇದರ ಬೆನ್ನಲ್ಲೇ ಯೋಧರೊಬ್ಬರು ವಿಡಿಯೋ ಮೂಲಕ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದು, ಸೈನಿಕರು ಕೇವಲ ಸಂಬಳಕ್ಕಾಗಿ ಗಡಿಯಲ್ಲಿ ನಿಲ್ಲುವುದಿಲ್ಲ ಎಂದು ಹೇಳಿದ್ದಾರೆ.
ಸಿಯಾಚಿನ್ನಂತಹ ಅತ್ಯಂತ ಪ್ರತಿಕೂಲ ಹವಾಮಾನವಿರುವ ಪ್ರದೇಶಗಳಲ್ಲಾಗಲಿ, ರಾಜಸ್ಥಾನದ ಬಿಸಿಲಿನ ಮರುಭೂಮಿಯಲ್ಲಾಗಲಿ ಸೈನಿಕರು ತಮ್ಮ ಜೀವವನ್ನು ಪಣಕ್ಕಿಟ್ಟು ಕರ್ತವ್ಯ ನಿರ್ವಹಿಸುತ್ತಾರೆ. ಕುಟುಂಬದಿಂದ ದೂರವಿದ್ದು, ಹಬ್ಬ-ಹರಿದಿನಗಳನ್ನೂ ಲೆಕ್ಕಿಸದೆ, ಯಾವುದೇ ಕ್ಷಣದಲ್ಲಿ ಅಪಾಯ ಎದುರಾಗಬಹುದು ಎಂಬ ಅರಿವಿನ ನಡುವೆಯೂ ದೇಶದ ರಕ್ಷಣೆಗೆ ನಿಂತಿರುತ್ತಾರೆ.
ತೆರಿಗೆ ಹಣದ ಮಾತಿಗಿಂತ ತ್ಯಾಗದ ಬೆಲೆ ಅರಿಯಿರಿ
ನಾಗರಿಕರು ತೆರಿಗೆ ಪಾವತಿಸುವುದು ದೇಶದ ಜವಾಬ್ದಾರಿಯ ಭಾಗವೇ ಸರಿ. ಆದರೆ ಆ ತೆರಿಗೆಯಿಂದ ದೊರೆಯುವ ಸೌಲಭ್ಯಗಳು ಮತ್ತು ವೇತನದ ಹಿಂದೆ ದೇಶದ ಭದ್ರತೆಗಾಗಿ ದುಡಿಯುವ ಸಾವಿರಾರು ಯೋಧರ ಸೇವೆಯೂ ಇದೆ.
ನಾವು ಮನೆಗಳಲ್ಲಿ ನೆಮ್ಮದಿಯಿಂದ ಜೀವನ ನಡೆಸಲು ಸಾಧ್ಯವಾಗುವುದರ ಹಿಂದೆ ಗಡಿಯಲ್ಲಿ ಕಾವಲು ಕಾಯುತ್ತಿರುವ ಸೈನಿಕರ ಕೊಡುಗೆ ಮಹತ್ವದ್ದಾಗಿದೆ. ಹೀಗಾಗಿ ಅವರ ಸೇವೆಯನ್ನು ಕೇವಲ ‘ಉದ್ಯೋಗ’ ಅಥವಾ ‘ಸಂಬಳ’ ಎಂಬ ದೃಷ್ಟಿಯಿಂದ ನೋಡುವುದು ಅವರ ತ್ಯಾಗವನ್ನು ಸಣ್ಣದಾಗಿ ಕಾಣುವಂತಾಗುತ್ತದೆ.
ಯೋಧರಿಗೆ ಗೌರವವೇ ದೊಡ್ಡ ಬೆಂಬಲ
ಸೈನಿಕರು ದೇಶಕ್ಕಾಗಿ ತಮ್ಮ ಜೀವನವನ್ನೇ ಮುಡಿಪಾಗಿಟ್ಟಿದ್ದಾರೆ. ಅವರೊಂದಿಗೆ ಮಾತನಾಡುವಾಗ ಗೌರವ ಮತ್ತು ಕೃತಜ್ಞತೆಯ ಭಾವನೆ ಇರಬೇಕು. ಗಡಿಯಲ್ಲಿ ಕರ್ತವ್ಯ ನಿರ್ವಹಿಸುವ ಯೋಧರಿಗೆ ದೇಶವಾಸಿಗಳ ಪ್ರೀತಿ, ಗೌರವ ಮತ್ತು ನೈತಿಕ ಬೆಂಬಲವೂ ದೊಡ್ಡ ಶಕ್ತಿಯಾಗಿದೆ.
‘ನಾವು ನಿಮಗಾಗಿ ಪ್ರಾಣ ಕೊಡಲು ಸಿದ್ಧರಿದ್ದೇವೆ, ನೀವು ನಮಗೆ ಕೊಂಚ ಗೌರವ ಕೊಡಿ’ ಎಂಬ ಯೋಧನ ಮನದಾಳದ ಮಾತು ಪ್ರತಿಯೊಬ್ಬ ನಾಗರಿಕನನ್ನೂ ಆತ್ಮಾವಲೋಕನಕ್ಕೆ ಪ್ರೇರೇಪಿಸುವಂತಿದೆ.
ದೇಶದ ಸೈನಿಕರನ್ನು ಗೌರವಿಸುವುದು ಕೇವಲ ಒಂದು ಕರ್ತವ್ಯವಲ್ಲ; ಅವರ ತ್ಯಾಗವನ್ನು ಅರ್ಥಮಾಡಿಕೊಂಡು ಕೃತಜ್ಞತೆ ಸಲ್ಲಿಸುವುದು ಪ್ರತಿಯೊಬ್ಬ ಭಾರತೀಯನ ಜವಾಬ್ದಾರಿಯಾಗಿದೆ.
