ದೆಹಲಿ.ಆಗಸ್ಟ್.19: ದೇಶದ ಅತಿದೊಡ್ಡ ಸಾರ್ವಜನಿಕ ವಲಯದ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI), ಕ್ಲರಿಕಲ್ ಕೇಡರ್ನಲ್ಲಿ ಖಾಲಿ ಇರುವ 9,124 ಜೂನಿಯರ್ ಅಸೋಸಿಯೇಟ್ (ಕಸ್ಟಮರ್ ಸಪೋರ್ಟ್ & ಸೇಲ್ಸ್) ಹುದ್ದೆಗಳ ಭರ್ತಿಗೆ ಅಧಿಕೃತ ನೇಮಕಾತಿ ಅಧಿಸೂಚನೆ ಹೊರಡಿಸಿದೆ. ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು.
ಒಟ್ಟು ಹುದ್ದೆಗಳು: 9,124
ವಿದ್ಯಾರ್ಹತೆ: ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ಪದವಿ ಪೂರ್ಣಗೊಳಿಸಿರಬೇಕು. ಅಂತಿಮ ವರ್ಷ/ಸೆಮಿಸ್ಟರ್ನಲ್ಲಿ ಕಲಿಯುತ್ತಿರುವ ವಿದ್ಯಾರ್ಥಿಗಳೂ ಅರ್ಜಿ ಸಲ್ಲಿಸಬಹುದು (ಡಿಸೆಂಬರ್ 31, 2026ರೊಳಗೆ ತೇರ್ಗಡೆ ಪ್ರಮಾಣಪತ್ರ ಹೊಂದಿರಬೇಕು). 15 ವರ್ಷ ಸೇವೆ ಸಲ್ಲಿಸಿದ ಮಾಜಿ ಸೈನಿಕರಿಗೂ (SSLC ಅರ್ಹತೆ) ಅವಕಾಶವಿದೆ.
ವಯೋಮಿತಿ (01-04-2026ಕ್ಕೆ ಅನ್ವಯಿಸುವಂತೆ): 20 ರಿಂದ 28 ವರ್ಷ. (ಮೀಸಲಾತಿ ಅನ್ವಯ: OBC ಅಭ್ಯರ್ಥಿಗಳಿಗೆ 3 ವರ್ಷ, SC/ST ಅಭ್ಯರ್ಥಿಗಳಿಗೆ 5 ವರ್ಷ, PwBD ಅಭ್ಯರ್ಥಿಗಳಿಗೆ 10 ವರ್ಷಗಳ ವಯೋಸಡಿಲಿಕೆ ಇರುತ್ತದೆ).
ಅರ್ಜಿ ಶುಲ್ಕ: ಸಾಮಾನ್ಯ, OBC ಹಾಗೂ EWS ಅಭ್ಯರ್ಥಿಗಳಿಗೆ ₹750. SC, ST, PwBD ಮತ್ತು ಮಾಜಿ ಸೈನಿಕರಿಗೆ ಯಾವುದೇ ಶುಲ್ಕವಿಲ್ಲ.
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಆಗಸ್ಟ್ 31.
ಅಧಿಕೃತ ವೆಬ್ಸೈಟ್: sbi.bank.in/web/careers/current-openings
ಆಯ್ಕೆ ಪ್ರಕ್ರಿಯೆ ಮತ್ತು ಪರೀಕ್ಷಾ ವಿಧಾನ:
ನೇಮಕಾತಿಯು ಪ್ರಿಲಿಮಿನರಿ ಪರೀಕ್ಷೆ, ಮುಖ್ಯ ಪರೀಕ್ಷೆ ಹಾಗೂ ಸ್ಥಳೀಯ ಭಾಷಾ ಪ್ರಾವೀಣ್ಯತಾ ಪರೀಕ್ಷೆ (LPT) ಆಧಾರದ ಮೇಲೆ ನಡೆಯಲಿದೆ.
ಹಂತ 1: ಪ್ರಿಲಿಮಿನರಿ ಪರೀಕ್ಷೆ (ತಾತ್ಕಾಲಿಕವಾಗಿ ಸೆಪ್ಟೆಂಬರ್):
ಕಂಪ್ಯೂಟರ್ ಆಧಾರಿತ (CBT) ವಸ್ತುನಿಷ್ಠ ಮಾದರಿಯ ಪರೀಕ್ಷೆ.
ಒಟ್ಟು 100 ಅಂಕಗಳಿಗೆ 100 ಪ್ರಶ್ನೆಗಳಿರುತ್ತವೆ (ಅವಧಿ: 60 ನಿಮಿಷ).
ವಿಷಯಗಳು: ಇಂಗ್ಲಿಷ್ (30 ಅಂಕ – 20 ನಿಮಿಷ), ನ್ಯೂಮರಿಕಲ್ ಎಬಿಲಿಟಿ (35 ಅಂಕ – 20 ನಿಮಿಷ), ರೀಸನಿಂಗ್ ಎಬಿಲಿಟಿ (35 ಅಂಕ – 20 ನಿಮಿಷ).
ತಪ್ಪು ಉತ್ತರಕ್ಕೆ 1/4 ನೆಗೆಟಿವ್ ಅಂಕವಿರುತ್ತದೆ. ಹುದ್ದೆಗಳ ಸಂಖ್ಯೆಗೆ ಅನುಗುಣವಾಗಿ 1:10 ಅನುಪಾತದಲ್ಲಿ ಅಭ್ಯರ್ಥಿಗಳನ್ನು ಮುಖ್ಯ ಪರೀಕ್ಷೆಗೆ ಆಯ್ಕೆ ಮಾಡಲಾಗುತ್ತದೆ.
ಹಂತ 2: ಮುಖ್ಯ ಪರೀಕ್ಷೆ (ತಾತ್ಕಾಲಿಕವಾಗಿ ನವೆಂಬರ್):
ಒಟ್ಟು 190 ಪ್ರಶ್ನೆಗಳು, 200 ಅಂಕಗಳಿಗೆ 160 ನಿಮಿಷಗಳ ಕಾಲಾವಕಾಶವಿರುತ್ತದೆ.
ವಿಷಯಗಳು: ಜನರಲ್/ಫೈನಾನ್ಶಿಯಲ್ ಅವೇರ್ನೆಸ್ (50 ಪ್ರಶ್ನೆ/50 ಅಂಕ), ಜನರಲ್ ಇಂಗ್ಲಿಷ್ (40 ಪ್ರಶ್ನೆ/40 ಅಂಕ), ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್ (50 ಪ್ರಶ್ನೆ/50 ಅಂಕ), ರೀಸನಿಂಗ್ ಎಬಿಲಿಟಿ & ಕಂಪ್ಯೂಟರ್ ಆಪ್ಟಿಟ್ಯೂಡ್ (50 ಪ್ರಶ್ನೆ/60 ಅಂಕ).
ಇದರಲ್ಲಿಯೂ 1/4 ನೆಗೆಟಿವ್ ಅಂಕವಿರುತ್ತದೆ. ಅಂತಿಮ ಮೆರಿಟ್ ಪಟ್ಟಿಯನ್ನು ಕೇವಲ ಮುಖ್ಯ ಪರೀಕ್ಷೆಯ ಅಂಕಗಳ ಆಧಾರದ ಮೇಲೆಯೇ ಸಿದ್ಧಪಡಿಸಲಾಗುತ್ತದೆ.
ಹಂತ 3: ಸ್ಥಳೀಯ ಭಾಷಾ ಪರೀಕ್ಷೆ (LPT):
10ನೇ ಅಥವಾ 12ನೇ ತರಗತಿಯಲ್ಲಿ ಆಯಾ ರಾಜ್ಯದ ಸ್ಥಳೀಯ ಭಾಷೆಯನ್ನು ಓದಿದವರಿಗೆ ಈ ಪರೀಕ್ಷೆಯಿಂದ ವಿನಾಯಿತಿ ಇರುತ್ತದೆ. ಇತರರಿಗೆ ಭಾಷಾ ಪರೀಕ್ಷೆ ಕಡ್ಡಾಯವಾಗಿದ್ದು, ಅರ್ಹತೆ ಪಡೆಯುವುದು ಅಗತ್ಯ.
ಪರೀಕ್ಷಾ ಸಿದ್ಧತೆಗೆ ಪ್ರಮುಖ ಸಲಹೆಗಳು:
ಸಿಲಬಸ್ ಅನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಂಡು, ಪ್ರಿಲಿಮ್ಸ್ ಮತ್ತು ಮುಖ್ಯ ಪರೀಕ್ಷೆ ಎರಡಕ್ಕೂ ಒಟ್ಟಿಗೆ ಅಧ್ಯಯನ ನಡೆಸಿ.
ಗಣಿತ ಮತ್ತು ರೀಸನಿಂಗ್ ವಿಭಾಗಗಳಲ್ಲಿ ವೇಗ ಹಾಗೂ ನಿಖರತೆ ಸಾಧಿಸಲು ದಿನನಿತ್ಯ ಮಾದರಿ ಪ್ರಶ್ನೆಪತ್ರಿಕೆಗಳನ್ನು ಅಭ್ಯಾಸ ಮಾಡಿ.
ಉತ್ತಮ ಅಂಕ ಗಳಿಸಲು ಇಂಗ್ಲಿಷ್ ಭಾಷೆಯ ಮೇಲಿನ ಹಿಡಿತ ಮತ್ತು ದಿನಪತ್ರಿಕೆಗಳನ್ನು ಓದುವ ಮೂಲಕ ಪ್ರಚಲಿತ ವಿದ್ಯಮಾನಗಳ ಅರಿವು ವೃದ್ಧಿಸಿಕೊಳ್ಳಿ.
ಕಳೆದ 3-4 ವರ್ಷಗಳ ಹಿಂದಿನ ಪ್ರಶ್ನೆಪತ್ರಿಕೆಗಳನ್ನು (Previous Papers) ಬಿಡಿಸುವುದರಿಂದ ಪರೀಕ್ಷೆಯ ಸ್ವರೂಪ ಮತ್ತು ಸಮಯ ನಿರ್ವಹಣೆ ಸುಲಭವಾಗುತ್ತದೆ.
