ಬೆಂಗಳೂರು: ರಾಜ್ಯದ ಸರ್ಕಾರಿ ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳಲ್ಲಿ ಖಾಲಿ ಇರುವ ಬರೋಬ್ಬರಿ 15,000 ಶಿಕ್ಷಕರ ಹುದ್ದೆಗಳ ಬೃಹತ್ ನೇಮಕಾತಿಗೆ ಶಾಲಾ ಶಿಕ್ಷಣ ಇಲಾಖೆಯ ಕೇಂದ್ರೀಕೃತ ದಾಖಲಾತಿ ಘಟಕವು ಅಧಿಕೃತ ಮಾರ್ಗದರ್ಶಿ ಸೂಚಿ ಹಾಗೂ ವೇಳಾಪಟ್ಟಿಯನ್ನು ಪ್ರಕಟಿಸಿದೆ. ಶಿಕ್ಷಕ ವೃತ್ತಿ ಆಕಾಂಕ್ಷಿಗಳಿಗೆ ಇದು ಸುವರ್ಣಾವಕಾಶವಾಗಿದ್ದು, ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸುವ ಪ್ರಕ್ರಿಯೆ ಇಂದಿನಿಂದಲೇ (ಆಗಸ್ಟ್ 18) ಆರಂಭವಾಗಿದೆ.
ಹುದ್ದೆಗಳ ವಿವರ ಹಾಗೂ ವರ್ಗೀಕರಣ:
ಒಟ್ಟು 15,000 ಹುದ್ದೆಗಳನ್ನು ಕೆಳಕಂಡಂತೆ ಹಂಚಿಕೆ ಮಾಡಲಾಗಿದೆ:
ಪ್ರಾಥಮಿಕ ಶಾಲಾ ಶಿಕ್ಷಕರು (PST) / ದೈಹಿಕ ಶಿಕ್ಷಣ ಗ್ರೇಡ್-2: ಒಟ್ಟು 1,050 ಹುದ್ದೆಗಳು.
ಪದವೀಧರ ಪ್ರಾಥಮಿಕ ಶಿಕ್ಷಕರು (GPT) / ಗಣಕಯಂತ್ರ ವಿಜ್ಞಾನ ಶಿಕ್ಷಕರು (CST): ಒಟ್ಟು 9,000 ಹುದ್ದೆಗಳು.
ಕನ್ನಡ ಭಾಷೆ: 2,557
ಗಣಿತ ಮತ್ತು ವಿಜ್ಞಾನ: 3,109
ಸಮಾಜ ವಿಜ್ಞಾನ: 1,415
ಆಂಗ್ಲ ಭಾಷೆ: 643
ಜೀವ ವಿಜ್ಞಾನ: 776
ಗಣಕ ವಿಜ್ಞಾನ: 500
ಪ್ರೌಢಶಾಲಾ ಸಹಶಿಕ್ಷಕರು (AM) / ಪ್ರೌಢಶಾಲಾ ದೈಹಿಕ ಶಿಕ್ಷಣ ಗ್ರೇಡ್-1: ಒಟ್ಟು 4,950 ಹುದ್ದೆಗಳು.
ಪ್ರಮುಖ ದಿನಾಂಕಗಳು:
ಅರ್ಜಿ ಸಲ್ಲಿಕೆ ಆರಂಭ ದಿನಾಂಕ: 18/08/2026
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 07/09/2026
ಅರ್ಹತೆ ಮತ್ತು ಪರೀಕ್ಷಾ ವಿಧಾನದ ಮುಖ್ಯಾಂಶಗಳು:
TET ಅರ್ಹತೆ: 1 ರಿಂದ 8ನೇ ತರಗತಿ ಬೋಧಿಸುವ ಶಿಕ್ಷಕ ಹುದ್ದೆಗಳಿಗೆ (PST/GPT/CST) ಶಿಕ್ಷಕರ ಅರ್ಹತಾ ಪರೀಕ್ಷೆ (TET) ಕಡ್ಡಾಯ. ಪ್ರೌಢಶಾಲಾ ಸಹಶಿಕ್ಷಕರು ಹಾಗೂ ದೈಹಿಕ ಶಿಕ್ಷಣ ಶಿಕ್ಷಕರಿಗೆ TET ಕಡ್ಡಾಯವಿರುವುದಿಲ್ಲ.
ಪರೀಕ್ಷಾ ಸ್ವರೂಪ: ಪರೀಕ್ಷೆಯು OMR ಹಾಳೆ ಆಧಾರಿತ ವಸ್ತುನಿಷ್ಠ ಬಹುಆಯ್ಕೆ (MCQ) ಮಾದರಿಯಲ್ಲಿದ್ದು, ಪತ್ರಿಕೆ-1 (ಸಾಮಾನ್ಯ ಪತ್ರಿಕೆ – 100 ಅಂಕ) ಮತ್ತು ಪತ್ರಿಕೆ-2 (ನಿರ್ದಿಷ್ಟ ವಿಷಯ – 100 ಅಂಕ) ಎರಡಕ್ಕೂ ಹಾಜರಾಗುವುದು ಕಡ್ಡಾಯ.
ಕನಿಷ್ಠ ಅಂಕ ಹಾಗೂ ಋಣಾತ್ಮಕ ಮೌಲ್ಯಮಾಪನ: ಪ್ರತಿ ಪತ್ರಿಕೆಯಲ್ಲಿ ಕನಿಷ್ಠ ಶೇ. 35 ಅಂಕ ಗಳಿಸುವುದು ಕಡ್ಡಾಯ. ಪ್ರಶ್ನೆ ಪತ್ರಿಕೆಯ ಸೂಚನೆಯಂತೆ ಉತ್ತರಿಸದೆ ಖಾಲಿ ಬಿಟ್ಟರೆ/ತಪ್ಪಾಗಿ ನಮೂದಿಸಿದರೆ 0.25 ನೆಗೆಟಿವ್ ಅಂಕ ಕಡಿತಗೊಳಿಸಲಾಗುತ್ತದೆ.
ಹಾಲ್ ಟಿಕೆಟ್ (ಪ್ರವೇಶ ಪತ್ರ): ಪರೀಕ್ಷೆ ಆರಂಭವಾಗುವುದಕ್ಕಿಂತ 10 ದಿನಗಳ ಮುಂಚಿತವಾಗಿ ಇಲಾಖಾ ವೆಬ್ಸೈಟ್ನಲ್ಲಿ ಲಭ್ಯವಾಗಲಿದೆ.
ಅರ್ಜಿ ಸಲ್ಲಿಸುವ ವಿಧಾನ:
ಅರ್ಹ ಅಭ್ಯರ್ಥಿಗಳು ಶಾಲಾ ಶಿಕ್ಷಣ ಇಲಾಖೆಯ ಅಧಿಕೃತ ವೆಬ್ಸೈಟ್ https://schooleducation.karnataka.gov.in/cacell/en ಗೆ ಭೇಟಿ ನೀಡಿ, ಆನ್ಲೈನ್ ಮೂಲಕ ಮಾತ್ರ ಅರ್ಜಿ ಸಲ್ಲಿಸಬೇಕು.
ಸಹಾಯವಾಣಿ (Helpline): ಅರ್ಜಿ ಸಲ್ಲಿಕೆ ಕುರಿತು ಯಾವುದೇ ಗೊಂದಲಗಳಿದ್ದಲ್ಲಿ ಸಂಪರ್ಕಿಸಲು ದೂರವಾಣಿ ಸಂಖ್ಯೆಗಳು: 080-22483145 / 080-22483140 / 9483024723 (ಬೆಳಿಗ್ಗೆ 8:00 ರಿಂದ ಸಂಜೆ 8:00 ರವರೆಗೆ).
