ಸುದ್ದಿಒನ್, ಚಿತ್ರದುರ್ಗ, ಮೇ. 09 : ಹಿರಿಯೂರು ತಾಲ್ಲೂಕಿನ ಬಸಪ್ಪನಮಾಳಿಗೆ ಗ್ರಾಮದ ಡಾ. ಕಂಠೀರವ ಬಾಲ ಸರಸ್ವತಿ (86 ವರ್ಷ) ಅವರು ಹೃದಯಾಘಾತದಿಂದ ಇಂದು ಮಧ್ಯಾನ್ಹ ಮೂರು ಗಂಟೆ ಸುಮಾರಿಗೆ ಬೆಂಗಳೂರಿನಲ್ಲಿ ನಿಧನರಾದರು. ಮೃತರಿಗೆ ಪತ್ನಿ, ಇಬ್ಬರು ಪುತ್ರಿಯರು ಸೇರಿದಂತೆ ಅಪಾರ ಬಂಧು ಬಳಗದವರನ್ನು ಅಗಲಿದ್ದಾರೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ. ಚಿತ್ರದುರ್ಗದಲ್ಲಿ ಬಸವೇಶ್ವರ ಆಸ್ಪತ್ರೆ ಸ್ಥಾಪನೆಯಾಗುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಮತ್ತು ಮೆಡಿಕಲ್ ಕಾಲೇಜಿನ ಮೊದಲ ಡೀನ್ ಆಗಿದ್ದರು. ಎಸ್.ಎಸ್. ಆಸ್ಪತ್ರೆ, ದಾವಣಗೆರೆ, ಎಂ.ಎಸ್.ರಾಮಯ್ಯ ಆಸ್ಪತ್ರೆ, ಬೆಂಗಳೂರು ಮತ್ತು ಅಮೇರಿಕಾ ಸೇರಿದಂತೆ ಇತರೆ ವೈದ್ಯಕೀಯ ಕ್ಷೇತ್ರದಲ್ಲಿ ಸೇವೆಯನ್ನು ಸಲ್ಲಿಸಿದ್ದರು.
ಹಿನ್ನೆಲೆ :
ಕಂಠೀರವ ಬಾಲಸರಸ್ವತಿ ಯವರು ಹಿರಿಯೂರು ತಾಲೂಕಿನ ಬಸಪ್ಪನ ಮಾಳಿಗೆ ಗ್ರಾಮದ ಬಿ.ಜಿ. ತಿಮ್ಮಾರೆಡ್ಡಿ ಮತ್ತು ತಿಪ್ಪಮ್ಮ ದಂಪತಿಗಳ ಮಗನಾಗಿ
22/2/1941 ರಂದು ಹಿರಿಯ ಮಗನಾಗಿ ಜನಿಸಿದರು.
1956 ರಲ್ಲಿ ಎಸ್.ಎಸ್.ಎಲ್.ಸಿ. ಪರೀಕ್ಷೆ ಯಲ್ಲಿ ಮರಡಿಹಳ್ಳಿ ಶಾಲೆಯಲ್ಲಿ ಕನ್ನಡ ಮಾಧ್ಯಮದಲ್ಲಿ ಸಾಧನೆ ಮಾಡಿದವರು. ಅನಂತರ ಚಿತ್ರದುರ್ಗದಲ್ಲಿ inter-mediate ಪೂರ್ಣಗೊಳಿಸಿ ಅನಂತರ ‘ಎಂ.ಬಿ.ಬಿ.ಎಸ್ ‘ ಕೋರ್ಸ್ ಗೆ ಸೇರಿ 1964 ರಲ್ಲಿ ಪೂರ್ಣ ಗೊಳಿಸಿ ‘Anasthesia’ ವಿಭಾಗದಲ್ಲಿ
‘ಎಂ.ಡಿ’ ಪೂರ್ಣಗೊಳಿಸಿ ‘1966’ ರಲ್ಲಿ ಇಂಗ್ಲೆಂಡ್ ನಲ್ಲಿ ವೈದ್ಯಕೀಯ ಸೇವೆ ಆರಂಭಿಸಿದರು.
ಅನಂತರ ಚಿಕಾಗೋ ದಲ್ಲಿ ಹದಿನೈದು ವರ್ಷ ಸೇವೆ ಸಲ್ಲಿಸಿ 1985 – 86 ರಲ್ಲಿ ಭಾರತಕ್ಕೆ ಹಿಂದಿರುಗಿ ಬೆಂಗಳೂರಿನ ಪ್ರತಿಷ್ಟಿತ ರಾಮಯ್ಯ ಮೆಡಿಕಲ್ ಕಾಲೇಜಿನ ಮುಖ್ಯಸ್ಥರು ಮತ್ತು ದಾವಣಗೆರೆ ಎಸ್. ಎಸ್. ಮೆಡಿಕಲ್ ಕಾಲೇಜಿನ ನಿರ್ದೇಶಕರಾಗಿ ಕರ್ತವ್ಯ ನಿರ್ವಹಿಸಿದರು. ಮುಂದಿನ ದಿನಗಳಲ್ಲಿ ಚಿತ್ರದುರ್ಗದಲ್ಲಿ ಬಸವೇಶ್ವರ ಆಸ್ಪತ್ರೆ ಸ್ಥಾಪನೆ ಆಗುವುದರಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಮತ್ತು ಬೆಳ್ಳೂರಿನ ಆದಿ ಚುಂಚನಗಿರಿ ಆಸ್ಪತ್ರೆ ಯಲ್ಲೂ ಸೇವೆ ಸಲ್ಲಿಸಿದ್ದರು ಹಾಗೂ ‘kamachur institute of medical science advisor’ ಆಗಿ ಅನೇಕ ಮೆಡಿಕಲ್ ಕಾಲೇಜುಗಳಲ್ಲಿ ಸೇವೆ ಸಲ್ಲಿಸಿದರು. ಬೆಂಗಳೂರಿನ ಸೌತ್ ಸೆಂಟ್ರಲ್ ಪಾಸ್ಟ್ ಪ್ರೆಸಿಡೆಂಟ್, ಬೆಂಗಳೂರಿನ ಸ್ಟಡಿ ಸರ್ಕಲ್ ಪಾಸ್ಟ್ ಪ್ರೆಸಿಡೆಂಟ್ ಆಗಿದ್ದರು. ಮತ್ತು ಅಧ್ಯಕ್ಷರು student wellfare trust ಮರೆಡಿಹಳ್ಳಿ ಹಾಗೂ ಗೌರವಧ್ಯಕ್ಷರು ಹಳೆ ವಿದ್ಯಾರ್ಥಿ ಸಂಘ ಮರೆಡಿಹಳ್ಳಿ ಆಗಿದ್ದರು. ವೈದ್ಯ ವೃತ್ತಿ ಯೊಂದಿಗೆ ಸಮಾಜ ಮುಖಿ ಸೇವೆ ಮಾಡುತ್ತ ವಿದ್ಯಾಭ್ಯಾಸ ಮಾಡಿದ ಊರಿಗೆ, ಶಾಲೆಗಳಿಗೆ ಹಾಗು ಅನೇಕ ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಕ್ಷೇತ್ರದಲ್ಲಿ ಸಹಾಯ ಹಸ್ತ ಚಾಚಿದ್ದರು.
