ಸುದ್ದಿಒನ್ : ಚಿತ್ರದುರ್ಗ ತಾಲ್ಲೂಕಿನ ಐತಿಹಾಸಿಕ ನೆಲೆಯಾದ ಚಂದ್ರವಳ್ಳಿಯ ನೆರಳಗೊಂಡದಿ ಎಂದು ಕರೆಯುವ ಸ್ಥಳದ ಗುಹಾ ಆಸರೆಯ ಬಳಿ ಬಿಳಿ ವರ್ಣ ಚಿತ್ರಗಳು ಪತ್ತೆಯಾಗಿವೆ.
ಇದು ನೂತನ ಶಿಲಾಯುಗದ ಕಾಲಕ್ಕೆ(Neolithic) ಸೇರಿದ ಕ್ರಿ. ಪೂ. 3000-4000 ಅವಧಿಯ ಚಿತ್ರವಾಗಿದ್ದು, ಇದು ಮನುಷ್ಯಾಕೃತಿಯ ರೇಖಾಚಿತ್ರವಾಗಿದೆ. ಮನುಷ್ಯ ಸರಳ ರೇಖೆಗಳಲ್ಲಿ ಬಿಡಿಸಲಾಗಿದೆ. ಇದನ್ನು ಪುರಾತತ್ವ ಶಾಸ್ತ್ರದಲ್ಲಿ ‘ಆಂಥ್ರೋಪೋಮಾರ್ಫಿಕ್ ಆಕೃತಿ’ ಎಂದು ಕರೆಯುವರು. ಕಡ್ಡಿ ಬಳಸಿ ಬಿಡಿಸಿದ ಸ್ಟಿಗ್ ಫಿಗರ್ ಮಾದರಿಯ ಚಿತ್ರವಾಗಿದೆ. ಕೈಗಳು ಸೊಂಟದ ಬಳಿ ಹರಡಿ ಯಾವುದೋ ಬುಡಕಟ್ಟು ಅಥವಾ ಧಾರ್ಮಿಕ ಆಚರಣೆ (Ritual) ಯಲ್ಲಿ ತೊಡಗಿರುವಂತೆ ಚಿತ್ರಿಸಲಾಗಿದೆ. ಬಿಳಿವರ್ಣಕ್ಕೆ ಸುಣ್ಣದ ಕಲ್ಲು ಮತ್ತು ಪ್ರಾಣಿಗಳ ಕೊಬ್ಬು, ಜೇಡಿಮಣ್ಣಿನ ಮಿಶ್ರಣ ಮಾಡಿ ಬಳಸಿರಬಹುದು ಎಂದು ಅಭಿಪ್ರಾಯ ಪಟ್ಡಿದ್ದಾರೆ.
ಮಯೂರವರ್ಮನ ಚಂದ್ರವಳ್ಳಿ ಶಾಸನದ ಅಧ್ಯಯನಕ್ಕೆ ಡಾ. ಮಹೇಶ್ ಕುಂಚಿಗನಾಳು, ಡಾ. ಕೆ. ಕಣುಮಪ್ಪ, ಪ್ರಭಾಕರ್, ಶರತ್, ಕೈಲಾಸ್ ತೆರಳಿದ್ದಾಗ ಪತ್ತೆ ಮಾಡಲಾಗಿದೆ.
ಮಾಹಿತಿ: ಡಾ. ಮಹೇಶ್ ಕುಂಚಿಗನಾಳು,
ಉಪನ್ಯಾಸಕರು, ಚಿಕ್ಕಗೊಂಡನಹಳ್ಳಿ, ಚಿತ್ರದುರ್ಗ. ಮೊ: 9738573758
