ಬೆಂಗಳೂರು: ಬೆಳೆ ಸಮೃದ್ಧವಾಗುವುದಕ್ಕೆ ಮಳೆ ಬೇಕು. ಆದರೆ ಮಳೆಯೇ ಅತಿಯಾದರೆ ಬೆಳೆ ಕೈಗೆ ಸಿಗುವುದಕ್ಕೆ ಸಾಧ್ಯವೆ ಇಲ್ಲ. ಮಳೆರಾಯನನ್ನೆ ನಂಬಿ ಕುಳಿತಿರುತ್ತಾರೆ. ಆದ್ರೆ ಈ ವರ್ಷದ ಮಳೆ ರೈತನ ಬದುಕನ್ನು ಅವ್ಯವಸ್ಥೆ ಮಾಡಿಬಿಟ್ಟಿದೆ. ಮಳೆ ನೀರು ಹೆಚ್ಚಾಗಿ ಬೆಳೆ ನಾಶವಾಗಿ ತಲೆ ಮೇಲೆ ಕೈ ಹೊತ್ತು ಕುಳಿತು ಬಿಟ್ಟಿದ್ದಾರೆ.
ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಹೊಸಕೋಟೆಯಲ್ಲೂ ಮಳೆಯ ಹಾನಿ ಕಂಡು ಬಂದಿದೆ. ಕೆರೆಕೋಡಿ ಬಿದ್ದು ನೂರಾರು ಎಕರೆ ಬೆಳೆ ನಾಶವಾಗಿದೆ. ಜಮೀನಿಗೆಲ್ಲಾ ನೀರು ನಿಂತಿದ್ದು, ಬೆಳೆ ಕೈಗೆ ಬರುವ ಯಾವ ಸೂಚನೆಯೂ ಕಾಣಿಸುತ್ತಿಲ್ಲ. ಕೆರೆಕೋಡಿ ಬಿದ್ದ ಪರಿಣಾಮ ಮುತ್ಕೂರಿನಲ್ಲಿ ಸುಮಾರು 300 ರಿಂದ 400 ಎಕರೆ ಜಮೀನಿನಲ್ಲಿ ಬೆಳೆ ನಾಶವಾಗಿದೆ.
ಇನ್ನು ಕೋಲಾರ ತಾಲೂಕಿ ಹೊದಲವಾಡಿಯಲ್ಲಿಯೂ ರೈತರ ಗೋಳು ಕೇಳದವರಿಲ್ಲದಂತಾಗಿದೆ. ಸುಮಾರು ಎರಡೂವರೆ ಲಕ್ಷ ಹಣ ಖರ್ಚು ಮಾಡಿ, ಎರಡು ಎಕರೆಯಲ್ಲಿ ಹಾಕಿದ್ದ ಹೂಕೋಸು ಸಂಪೀರ್ಣ ನೀರಿನಲ್ಲಿ ಮುಳುಗಿದೆ. ಲಕ್ಷಾಂತರ ರೂಪಾಯಿ ನಷ್ಟವಾಗಿದೆ. ಅದರ ಜೊತೆಗೆ ಬಾಳೆ, ಅಡಿಕೆ ಬೆಲೆಯೂ ನೀರಿನಲ್ಲಿ ನೆಲಕಚ್ಚಿದೆ. ರೈತ ದಿನ ನಿತ್ಯ ಗೋಳಾಡುವಂತೆ ಆಗಿದೆ.
