ತುಮಕೂರು: ಕಾಂಗ್ರೆಸ್ ಇತ್ತಿಚೆಗೆ ಬೃಹತ್ ಸಮಾವೇಶ ನಡೆಯಿತು. ಈ ಸಮಾವೇಶದಲ್ಲಿ ಮಾಜಿ ಡಿಸಿಎಂ ಜಿ ಪರಮೇಶ್ವರ್ ಗೈರಾಗಿದ್ದರು. ಈ ಸಂಬಂಧ ಕೆ ಎನ್ ರಾಜಣ್ಣ ಮಾತನಾಡಿದ್ದು, ಈ ವುಚಾರ ನಮ್ಮನ್ನ ಕೇಳಿದರೆ ಹೇಗೆ..? ನಾವೇನು ಸಂಘಟಿಕರಲ್ಲ. ಆ ಎರಡು ಕಾರ್ಯಕ್ರಮಕ್ಕೂ ಸಂಘಟನೆಗೂ ನಮಗೂ ಸಂಬಂಧವಿಲ್ಲ. ನಾವೂ ಅಲ್ಲಿ ಆಹ್ವಾನಿತರು ಅಷ್ಟೇ ಎಂದಿದ್ದಾರೆ.
ಆ ಕಾರ್ಯಕ್ರಮಕ್ಕೆ ಬೇರೆ ಯಾರನ್ನು ಕರೆದಿದ್ದಾರೋ, ಬಿಟ್ಟಿದ್ದಾರೋ, ಯಾರು ಬಂದಿದ್ದಾರೋ, ಬಿಟ್ಟಿದ್ದಾರೋ ನಮ್ಮ ಉಸಾಬರಿ ಅಲ್ಲ. ಯಾರೇ ಅಹಿಂದಾದವರು, ಯಾರೇ ಕಾರ್ಯಕ್ರಮ ಮಾಡಲಿ ಅದು ನಮ್ಮ ಕಾರ್ಯಕ್ರಮ ಎಂದು ತಿಳಿದೇ ಕೆಲಸ ಮಾಡುತ್ತೇನೆ.ಯಾವ ಅಸಮಾಧಾನವೂ ಇಲ್ಲಿ ಇಲ್ಲ. ನಾನು ಎರಡು ಸಮುದಾಯಗಳು ಕಾರ್ಯಕ್ರಮ ಮಾಡಿದಾಗ ಸಪೋರ್ಟ್ ಮಾಡುತ್ತೇವೆ.
ಅದೆಲ್ಲೂ ತಳ ಸಮುದಾಯದವರು ಕಾರ್ಯಕ್ರಮ ಮಾಡ್ತಾರೆ ಎಂದಾಗ ನಾವೂ ಬೆಂಬಲ ಮಾಡುತ್ತೇವೆ. ಆ ಕೆಲಸದಲ್ಲಿ ನಾವೂ ತೊಡಗಿಸಿಕೊಳ್ಳುತ್ತೇವೆ. ಇನ್ಯಾರಾದರೂ ಮಾಡಿದರೂ ಹೋಗ್ತೀವಿ, ಮಾಡ್ತೀವಿ, ಬರ್ತೀವಿ. ಯಾರು ಬರ್ತಾರೆ ಹೋಗ್ತಾರೆ ಎಂಬುದು ನಮ್ಮ ಲೆಕ್ಕ ಅಲ್ಲ. ಬರೋರು ಹೋಗೋರು ಗೊತ್ತಿಲ್ಲ ಎಂದಿದ್ದಾರೆ.
