ವಮಿಕಾಳ ಫೋಟೋ ತೆಗೆಯದೆ ಇದ್ದರೆ ನಿಮ್ಮನ್ನ ಪ್ರಶಂಸಿಸುತ್ತೇವೆ : ವಿರುಷ್ಕಾ ಮನವಿ

ಕೊಹ್ಲಿ ಮಗಳನ್ನ ನೋಡಲೇಬೇಕು ಎಂಬುದು ಹಲವರ ಆಸೆಯಾಗಿತ್ತು. ಆದ್ರೆ ಕೊಹ್ಲಿ ಮಾತ್ರ ಅವಳಿಗೆ ಪ್ರಪಂಚದ ಜ್ಞಾನ ತಿಳಿಯುವವರೆಗೂ ಅವಳ ಫೋಟೋ ಎಲ್ಲಿಯೂ ಹಾಕುವುದಿಲ್ಲ ಎಂದಿದ್ದರು. ಆದ್ರೆ ಅಕಸ್ಮಾತ್ತಾಗಿ ಕೊಹ್ಲಿ ಮಗಳು ವಮಿಕಾ ಕ್ಯಾನೆರಾ ಕಣ್ಣಿಗೆ ಬಿದ್ದಿದ್ದಾಳೆ.

ನ್ಯೂಲ್ಯಾಂಡ್ ಕ್ರೀಡಾಂಗಣದಲ್ಲಿ ನಡೆದ ದಕ್ಷಿಣಾ ಆಫ್ರಿಕಾದ ಪಂದ್ಯದಲ್ಲಿ ಈ ಒಂದು ಸುಂದರ ಗಳಿಗೆ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಕೊಹ್ಲಿ ಅರ್ಧಶತಕ ಬಾರಿಸುತ್ತಿದ್ದಂತೆ ವಿರುಷ್ಕಾ ದಂಪತಿ ಮಗಳು ವಮಿಕಾ ಚಪ್ಪಾಳೆ ತಟ್ಟಿ, ಕಿರುಚಿದ್ದಾಳೆ. ಎಂಜಾಯ್ ಮಾಡಿದ್ದಾರೆ. ಈ ಸಂತಸವನ್ನ ಕ್ಯಾಮೆರಾ ಮೆನ್ ಒಬ್ಬರು ಸೆರೆಹಿಡಿದಿದ್ದು, ಎಲ್ಲೆಡೆ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

ಇದು ವಿರುಷ್ಕಾ ದಂಪತಿಗೆ ಬೇಸರ ತರಿಸಿದ್ದು, ಎಲ್ಲರಿಗೂ ಮನವಿ ಮಾಡಿದ್ದಾರೆ. ನಿನ್ನೆಯ ಪಂದ್ಯದ ವೇಳೆ ನಮ್ಮ ಮಗಳು ವಮಿಕಾಳ ಫೋಟೋ ಸೆರೆಹಿಡಿಯಲಾಗಿದೆ. ಕ್ಯಾಮೆರಾ ನಮ್ಮ ಕಡೆ ಇದೆ ಎಂದು ತಿಳಿದಿರಲಿಲ್ಲ. ಎಲ್ಲೆಡೆ ಫೋಟೋ ಶೇರ್ ಆಗುತ್ತಿದೆ. ನಾವೂ ಈ ಹಿಂದೆ ಕೂಡ ಹೇಳಿದ್ದೆವು. ನೀವೂ ನನ್ನ ಮಗಳ ಫೋಟೋ ಕ್ಲಿಕ್ಕಿಸದೇ, ಶೇರ್ ಮಾಡದೆ ಇದ್ದರೆ ಪ್ರಶಂಸಿಸುತ್ತೇವೆ ಎಂದಿದ್ದಾರೆ.