ಯುಗಾದಿ ಕವಿತೆ : ಯುಗಾದಿ ಸಂಭ್ರಮ : ಸುಜಾತ ಪ್ರಾಣೇಶ್

ಚೈತ್ರನಾಗಮನವಾಗಿದೆ
ವಸಂತ ಋತು ಅಡಿಯಿಡುತಿದೆ
ಮಾಮರ ಮೆಲ್ಲನೆ ಪಲ್ಲವಿಸುತಿದೆ
ಕೋಗಿಲೆಯ ಕೂಜನ ಕೇಳುತಿದೆ ॥

ಮತ್ತೆ ಯುಗಾದಿ ಬಂದಿದೆ
ಹೊಸವರ್ಷದ ಸಂಭ್ರಮ ತಂದಿದೆ
ಪ್ಲವನಾಮಕ್ಕೆ ವಿದಾಯ ಹೇಳುತ್ತಾ
ಶುಭಕೃತು ಮೆಲ್ಲನೆ ಅಡಿಯಿಟ್ಟಿದೆ ॥

ಬೇವು ಬೆಲ್ಲವ ಆಸ್ವಾದಿಸುತ
ಸುಖ ದುಃಖಗಳ ಸಮಭಾವದಿ ಸ್ವೀಕರಿಸುತಾ
ಹೊಸ ವರ್ಷಕ್ಕೆ ಹೊಸ ಸಂಕಲ್ಪವ ಮಾಡುತಾ
ಸಂಭ್ರಮದಿ ಸಾಗಲಿ ನಮ್ಮ ಪಥ  ॥

ದ್ವೇಷ ಅಸೂಯೆಗಳ ಮರೆಯೋಣ
ಶಾಂತಿ ಸೌಹಾರ್ದದಿ ಬಾಳೋಣ
ವಿಶ್ವ ಮಾನವರಾಗೋಣ
ಮಾನವೀಯತೆಯ ಮೆರೆಯೋಣ ॥

ಭಾರತಾಂಬೆ ವಿಶ್ವಮಾತೆಯಾಗಲಿ
ಮನುಕುಲಕ್ಕೆ ಭಾರತ ಮಾದರಿಯಾಗಲಿ
ಉಗ್ರರ ಚೆಂಡಾಡುವ ಚಾಮುಂಡಿಯಾಗಲಿ
ಸರ್ವರಿಗೂ ಯುಗಾದಿ ಶುಭ ತರಲಿ ॥

ಸುಜಾತ ಪ್ರಾಣೇಶ್
ಚಿತ್ರದುರ್ಗ ; 99861 53163