ಶಿವಮೊಗ್ಗದ ಗಾಮಾ ಮತ್ತು ಜಡೆ ಗ್ರಾಮದಲ್ಲಿ ಹೋರಿ ಬೆದರಿಕೆ ಸ್ಪರ್ಧೆಯಿಂದ ಇಬ್ಬರ ಸಾವು..!

ಶಿವಮೊಗ್ಗ: ದೀಪಾವಳಿ ಹಬ್ಬ ಶುರುವಾದ್ರೆ ಸಾಕು ಮಲೆನಾಡಿನ ಭಾಗದಲ್ಲಿ ಹೋರಿ ಬೆದರಿಸುವ ಸ್ಪರ್ಧೆಯೂ ಶುರುವಾಗಿತ್ತು. ಈ ಆಚರಣೆಯಿಂದ ಸಾಕಷ್ಟು ಪ್ರಾಣಗಳು ಹೋಗಿವೆ. ಆದರೂ ಆಚರಣೆ ಮುಂದುವರೆದುಕೊಂಡು‌ ಬಂದಿದೆ. ಇದೀಗ ಜಿಲ್ಲೆಯಲ್ಲಿ ಪ್ರತ್ಯೇಕವಾಗಿ ಎರಡು ಸಾವಾಗಿದೆ.

ಶಿಕಾರಿಪುರದ ಗಾಮಾ ಎಂಬಲ್ಲಿ ಹೋರಿ ಬೆದರಿಸುವ ಸ್ಪರ್ಧೆ ನಡೆದಿದೆ. ಈ ಹಬ್ಬದಲ್ಲಿ 36 ವರ್ಷದ ಪ್ರಶಾಂತ್ ಎಂಬುವವರು ಸಾವನ್ನಪ್ಪಿದ್ದಾರೆ‌. ಈ ವಿಡಿಯೋ ವೈರಲ್ ಆಗಿದ್ದು, ಇದರಲ್ಲಿ ಬೆದರಿದ ಹೋರಿಯೂ ಹಿಂತಿರುಗಿ, ಪ್ರಶಾಂತ್ ಮೇಲೆ ಕಾಲಿಟ್ಟಿದೆ. ಗಾಯಗೊಂಡ ಪ್ರಶಾಂತ್ ನನ್ನು ಆಸ್ಪತ್ರೆಗೆ ದಾಖಲಿಸಿತಾದರೂ ಬದುಕುಳಿದಿಲ್ಲ.

ಅದೇ ರೀತಿ ಸೊರಬ ತಾಲೂಕಿನ ಜಡೆ ಗ್ರಾಮದಲ್ಲೂ ಹೋರಿ ಬೆದರಿಸುವ ಸ್ಪರ್ಧೆ ನಡೆದಿದ್ದು, ಅದರಲ್ಲಿ ಯುವಕನೊಬ್ಬ ಸಾವನ್ನಪ್ಪಿದ್ದಾನೆ. 20 ವರ್ಷ ಆದಿ ಸಾವನ್ನಪ್ಪಿರುವುದು. ಎತ್ತು ಆದಿಯನ್ನು ತಿವಿದಿದೆ ಎನ್ನಲಾಗಿದೆ.