ಇಸ್ಪೀಟ್ ಆಡುವಾಗ ಹೃದಯಾಘಾತ. : ಸ್ನೇಹಿತರೆದುರೆ ಜೆಡಿಎಸ್ ಮುಖಂಡ ಸಾವು..!

ಮೈಸೂರು: ಸಾವು ಎಂಬುದು ಯಾರಿಗೆ, ಯಾವಾಗ, ಯಾವ ರೂಪದಲ್ಲಿ ಬರುತ್ತೆ ಎಂಬುದನ್ನು ಹೇಳುವುದಕ್ಕೆ ಆಗಲ್ಲ. ನೋಡ ನೋಡುತ್ತಿದ್ದವರೇ ಸಾವನ್ನಪ್ಪಿರುವ ಘಟನೆಗಳು ಸಾಕಷ್ಟು ನಡೆದಿವೆ. ಇದೀಗ ಅಂತದ್ದೆ ಘಟನೆಯೊಂದು ಜಿಲ್ಲೆಯಲ್ಲಿ ನಡೆದಿದೆ. ಜೆಡಿಎಸ್ ಮುಖಂಡರೊಬ್ಬರು ನೋಡ ನೋಡುತ್ತಿದ್ದಂತೆಯೇ ಕೊನೆಯುಸಿರೆಳೆದಿದ್ದಾರೆ.

ಕೆ ಟಿ ಸ್ಟ್ರೀಟ್ ನಿವಾಸಿಯಾಗಿರುವ ಅಶ್ವತ್ಥ್ ಮೃತ ದುರ್ದೈವಿ. ಜೆಡಿಎಸ್ ಪಕ್ಷದ ಸಂಚಾಲಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದರು. ಸ್ನೇಹಿಯರ ಜೊತೆಗೂಡಿ ಖುಷಿ ಖುಷಿಯಾಗಿ ಇಸ್ಪೀಟ್ ಆಡುತ್ತಿರುವಾಗಲೇ ಸಾವು ಸಂಭವಿಸಿದೆ. ಇದರಿಂದ ಸ್ನೇಹಿತರೆಲ್ಲ ಗಾಬರಿಯಾಗಿದ್ದಾರೆ.

ಅಶ್ವತ್ಥ್ ಇಸ್ಪೀಟ್ ಎಲೆ ಎತ್ತುವಾಗ ಪಕ್ಕದಲ್ಲಿಯೇ ಇದ್ದ ಸ್ನೇಹಿತನ ಭುಜದ ಮೇಲೆ ಮಲಗಿದ್ದಾರೆ. ತಕ್ಷಣ ಸ್ನೇಹಿತರೆಲ್ಲ ಸೇರಿ ಎಬ್ಬಿಸುವ ಯತ್ನ ಮಾಡಿದ್ದಾರೆ. ಬಳಿಕ ಆಸ್ಪತ್ರೆಗೂ ಸೇರಿಸಿದ್ದಾರೆ. ಆದ್ರೆ ತೀವ್ರ ಹೃದಯಾಘಾತದಿಂದ ಅಶ್ವತ್ಥ್ ಸಾವನ್ನಪ್ಪಿದ್ದಾರೆ. ಈ ಇಡೀ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.