ನೇತ್ರದಾನ ಮಾಡಿ ಸಾವಿನಲ್ಲೂ ಸಾರ್ಥಕತೆ ಮೆರೆದ ಭಗವಾನ್..!

ಬೆಂಗಳೂರು: ಇಂದು ಕನ್ನಡ ಚಿತ್ರರಂಗ ಮೌನವಾಗಿದೆ. ಕನ್ನಡದ ಹಿರಿಯ ನಿರ್ದೇಶಕ ಭಗವಾನ್ ನಿಧನರಾಗಿದ್ದಾರೆ. 90 ವರ್ಷ ವಯಸ್ಸಿನ ಭಗವಾನ್ ಅವರು ಜಯದೇವ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಕುಟುಂಬಸ್ಥರನ್ನು ಸೇರಿದಂತೆ, ಚಿತ್ರರಂಗವನ್ನು ಬಿಟ್ಟು ಅಗಲಿದ್ದಾರೆ.

ಕನ್ನಡ ಸಿನಿಮಾರಂಗಕ್ಕೆ ದೊಡ್ಡ ಕೊಡುಗೆಯನ್ನೆ ಕೊಟ್ಟಿದ್ದವರು ಎಸ್ ಕೆ ಭಗವಾನ್. ಅಣ್ಣಾವ್ರಿಗಾಗಿಯೇ 32 ಸಿನಿಮಾಗಳನ್ನು ನೀಡಿದ್ದರು. ಇಂದು ಇಹಲೋಕ ತ್ಯಜಿಸಿದ್ದು, ಕಣ್ಣುಗಳನ್ನು ದಾನ‌ಮಾಡಿದ್ದಾರೆ. ಜಯದೇವ ನೇತ್ರಾಲಯಕ್ಕೆ ತಮ್ಮ ಕಣ್ಣುಗಳನ್ನು ನೀಡಿದ್ದಾರೆ. ಸಾವಿನಲ್ಲೂ ಮೂರ್ನಾಲ್ಕು ಜನಕ್ಕೆ ಬೆಳಕಾಗಿಸಿದ್ದಾರೆ.

ಈ ಬಗ್ಗೆ ನಾರಾಯಣ ನೇತ್ರಾಲಯದ ಸಿಬ್ಬಂದಿ ಮಾತನಾಡಿದ್ದು, ದೊರೈ ಭಗವಾನ್ ನಿಜಕ್ಕೂ ಕೂಡ ಭಗವಾನ್ ರೀತಿಯೇ. ಮೂರು ನಾಲ್ಕು ಜನಕ್ಕೆ ಅವರ ಕಣ್ಣುಗಳನ್ನು ಹಾಕಲಿದ್ದೇವೆ. ಅಣ್ಣಾವ್ರು ಕಣ್ಣು ಡೊನೇಟ್ ಗೆ ರಿಜಿಸ್ಟರ್ ಮಾಡಿದಾಗಲೇ, ಭಗವಾನ್ ಅವರು ರಿಜಿಸ್ಟರ್ ಮಾಡಿಸಿಕೊಂಡಿದ್ದರು. 90 ವರ್ಷ ವಯಸ್ಸಾದರೂ ಕೂಡ ಅವರ ಕಾರ್ನೀಯಾ ಆರೋಗ್ಯಕರವಾಗಿತ್ತು ಎಂದಿದ್ದಾರೆ.